Real Madrilen kalitateak eta epaileak punturik gabe utzi dute Athletic
Athleticek 5-1 gakdu du Real Madrilen aurka Santiago Bernabeun. Mourinhok zuzentzen duen taldearen kalitateak, eta Teixeira Vitienes epailearen erabakiek, gol zaparrada jaso arazi diote Athletici.
Parekotasuna izan da nagusi lehen minutuetan, eta Athletic taktikoki ondo kokatuta egon da partida hasieran. Hamabigarren minutuan, ordea, Modricek pase luzea eman dio Benzemari, eta Aurtenetxek bere atean sartu du 1-0ekoa, baloia aldentzeko asmoa izan duen arren.
Golak min egin dio Athletici, eta, gola sartuta Real Madril jaun eta jabe izan da. Etxeko taldeak abagune asko izan ditu, baina asko barkatu du Iraizozen ate aurrean. 29. minutuan Ramosek 2-0ekoa sartu du Ozilek ateratako falta bat, buruz sare barrura bidalita. Kale egin du Athleticek estrategia jokaldia defendatzerakoan. Bi minutu beranduago, 31. minutuan Benzemak sartu du 3-0ekoa.
Bigarren eta hirugarren golak bi minuturen buruan jasotzea, kolpe latza izan da Athleticentzat, baina zuri-gorriek gola sartzea lortu dute atsedenaldira iritsi aurretik. Susaetak jokaldi ona egin du hegaletik, eta Ibaik sare barrura bidali du errematea (3-1). Partida, 3-1ekoarekin iritsi da atsedenaldira.
Bigarren zatia Benzemak izan duen abagune on batekin hasi da, eta 58. minutuan etorri da partidako jokaldi eztabaidagarria. Coentraok eskuarekin moztu du baloia area barruan, baina Teixeira Vitienes epaileak ez du ezer adierazi nahi izan. Hurrengo jokaldian, Real Madrilek 4-1ekoa sartu du Ozilen bitartez. Ustezko 3-2kotik, 4-1ekora pasa da emaitza.
Real Madrilen laugarren golarekin, partida erabakita geratu da, baina, 73. minutuan Khedirak garaipena biribildu du, bosgarren gola sartuta (5-1). Azken minutuetan Iraizozek erantzun bikaina eman die Real Madrilek izan dituen abagune argiei. Horrenbestez, 5-1eko emaitzarekin bukatu da partida, eta hiru puntuak Real Madrilentzat. izan dira.
Fitxa teknikoa:
5 - Real Madril: Casillas; Arbeloa, Pepe, Sergio Ramos, Coentrao; Xabi Alonso, Modric, Ozil (Khedira, 62. min), Callejon (Di Maria, 70. min), Cristiano Ronaldo eta Benzema (Morata, 69. min).
1 - Athletic: Iraizoz; Iraola, San Jose, Ekiza, Aurtenetxe; Gurpegui (Castillo, 78. min); Susaeta, Iturraspe, Muniain (Llorente, 46. min), Ibai Gomez; eta Aduriz (Toquero, 67. min).
Golak: 1-0, 12. min: Aurtenetxek bere atean. 2-0, 29. min: Ramos. 3-0, 31. min: Benzema. 3-1, 42. min: Ibai. 4-1, 59. min: Özil. 5-1, 73. min: Khedira.
Epailea: Teixeira Vitienes.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.