Horrelakoa da Raul eta Huntelaar izar dituen Schalke 04 taldea
Athleticek Schalke 04 izango du aurkari UEFA Europa Leagueko final-laurdenetako kanporaketan. Joaneko partida Alemanian jokatuko da martxoaren 29an eta itzulerakoa, San Mamesen apirilaren 5ean.
Schalke 04 Twente kanporatzetik dator (1-0 galduta joanekoan eta 4-1 irabazita itzulerakoan) eta Bundesligan laugarren sailkatua da. Txapeldunen Ligatik puntu bakarrera dago, Borussia Mönchengladbach da hirugarren sailkatua. Bigarren postuan dagoen Bayern Munich lau puntura dute eta liderra den Borussia Dortmundek bederatzi puntuko aldea du Schalkerekiko.
Talde alemaniarrean Espainiako Ligan ibili izandako jokalariak daude. Raul Gonzalez Blanco, Klaas-Jan Huntelaar eta Christophe Metzelder Real Madrileko jokalari ohiak esaterako. Jose Manuel Jurado, Sergio Escudero eta Manuel Torres jokalari espainiarrek ere Schalken jokatzen dute.
Veltins Arena da Schalke 04 taldearen zelaia, Gelsenkirchen dago, Dusseldorfetik gertu eta 61.763 zalerentzat tokia du.Nazioarteko partidetarako, ordea, murriztu egiten da har dezakeen zale kopurua. Nazioarteko partidetan 54.142 zalerentzako tokia du.
Bosgarren aurkari alemaniarra Athleticentzat
Athleticek Europa mailako txapelketetan lau aurkari alemaniar izan dite gaur egunera arte eta Schalke 04 izango da bosgarrena.
Eintracht Frankfurt izan zen lehan aurkari alemaniarra. Athleticek 1968-1969 denboraldian jokatu zuen talde honen aurka Ferias Kopa deiturikoan. Rafa Iriondok zuzendutako Athleticek 1-0 irabazi zuen San Mamesen eta 1-1 berdindu zuen Waldstadionen.
Hiru urte beranduago, 1971-1972 denboraldian, Eintracht Braunschweig izan zen Athleticen aurkaria UEFA txapelketan. Talde honek Athletic kanporatu zuen etxean 2-1 irabazita eta Katedraleko partida 2-2ko emaitzarekin bukatuta.
1986-1987 denboraldian Magdeburgoren aurka jokatu zuen Athleticek. Talde zuri-gorriak aurrera egin zuen UEFAn Bilbon 2-0 irabazi eta Ernst Grube zelaian 1-0 galdu ostean.
Athleticen azken aurkari alemaniarra Werder Bremen izan zen, 2009-2010 denboraldian. Bremeneko Weserstadion zelaian 3-1 galdu zuten zuri-gorriek eta San Mamesen ere galdu egon zuten (0-3). Europa Leagueko ligaxkako partidak izan ziren.
Zure interesekoa izan daiteke
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.