Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Lucas Boye bere bigarren gola ospatzen, Gironaren aurka. Argazkia: EFE
Lucas Boye Alaveseko aurrelari argentinarrak puntu bat erreskatatu du talde babazorroarentzat Gironaren aurka Mendizorrotzan (2-2). Talde gasteiztarra aurreratu da partida hasi eta berehala, Boyeren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Hala ere, arabarren aurrelariak berdinketaren gola sartu du partidaren amaieran.
Norgehiagoka hasi aurretik, Kosner Baskoniak merezitako omenaldia jaso du Mendizorrotzan, saskibaloi taldeak igandean Valentzian zazpigarren Errege Kopako irabazi ostean.
Baskoniako jokalari guztiek berdegunera salto egin dute Arabako zaleei Kopa eskaintzeko. Tadas Sedekerskis kapitainak eraman du garaikurra, eta beste kapitainak, Markus Howardek, ohorezko sakea egin du.
Alaves gogotsu atera da zelaira, Baskoniaren nortasunaz kutsatuta edo. Tenagliak ezker hegalera zabaldu du baloi bat, Youssef zegoen tokira, eta haren erdiraketa Lucas Boyek sare barrura bidali du.
Girona jota zegoen gola jaso ostean, baina Toni Martinezek ez du aprobetxatu area inguruan lapurtutako baloi bat bigarren gola sartzeko. Bere jaurtiketa harmailetara joan da.
Gironak bere hasiera kaskarra atzean utzi eta berdinketa lortu du ordu erdiko lehiaren ostean. Korner batean Vladyslav Vanatek buruz egin du banakoa, Witselek lehen zutoinean baloia ukitu ondoren.
Atsedenaldiaren ostean, Chacho-ren mutilek askoz gehiago bultzatu dute, eta Gazzanigaren ate inguruan ibili dira, baina ez dute markagailua mugitzea lortu nahiz eta hainbat modutan saiatu diren.
Alavesek erasoko presentzia galdu du pixkanaka, baina atzealdean sendo mantendu da Gironak entrenatzailearen aldaketekin hobera egin duenean. Kataluniako taldearen kalitatea agerian geratu da bigarren golean Ounahiren eta Viktor Tsygankoven arteko jokaldi bikainarekin. Kataluniarren beste jokalari ukrainarrak buelta eman dio markagailuari.
Hala ere, Lucas Boye berriro agertu da bere taldea erreskatatzeko, Vitor Reisekin lehia estuan asmatu duen gol batekin. VARak jokaldia aztertu eta berdinketa berretsi du 89. minutuan.
- Fitxa teknikoa:
2 - Alaves: Sivera; Otto, Tenaglia, Parada, Yusi; Angel Perez (Calebe, 76. min), Ibañez (Denis, 76. min), Antonio Blanco (Guevara, 89. min), Aleña (Mañas, 89. min); Toni Martinez eta Boye.
2 - Girona: Gazzaniga; Hugo Rincon, Arnau, Vitor Reis, Blind; Witsel, Ivan Martin (Echeverri, 61. min); Tsygankov (Stuani, 84.min), Lemar (Beltrán, 61.min), Bryan Gil (Frances, 84.min) eta Vanat (Ounahi, 68. min).
Golak: 1-0. 5. min: Boya. 1-1 31. min: Vanat. 1-2 73. min: Tsygankov. 2-2 89. min: Boyé.
Epailea: Cordero Vega kantabriarra. Txartel horia erakutsi die Toni Martinez (11. min) eta Yusi (49. min) babazorroei, eta Echeverri (76. min) eta Beltran (84. min) Gironako jokalariei.
Nabarmentzekoa: Mendizorrotzan jokatutako EA Sports Ligako 25. jardunaldiko partida, 14.117 ikusleren aurrean.
Zure interesekoa izan daiteke
Koskik burmuineko kommozio ez larria du kolpe baten ondorioz, eta atseden hartu beharko du
Alavesek jakinarazi duenez, jokalariari egin dizkioten proba medikoek lesio larriagoak baztertu dituzte.
Alavesek Hanane Ait El Haj fitxatu du defentsako lerroa indartzeko
Atzealdeko ezker hegalean jokatzen du, baina jokalari erasokorra da. Marokoko selekzioko kapitaina da, eta Emakumezkoen Nazioen Afrikako Kopa jokatzen ari da.
Andrea Esteban: “Helburua ahalik eta lehiakorrenak izatea da, ahalik eta azkarren”
Alaveseko jokalariak aurredenboraldi gogorra egiten ari dira. Andrea Esteban entrenatzaileak F Ligan berriro jokatzeko egiten ari diren lanaz hitz egin digu, baita taldearen helburuak zeintzuk diren azaldu ere.
Daouda Doumbia erdilariak NK Istra kroaziarrean jokatuko du
NK Istra Alavesen jabetzakoa da % 85ean.
Mikel Rodriguez, gogotsu Alavasekin jokatzeko
Erdilari getariarra datozen bost denboraldietan Gasteizen arituko da, nahiz eta Realak berriro jokalaria erosteko aukera izango duen. Aurkezpenean, besteak beste, Alaves aukeratzearen arrazoiak zeintzuk izan diren azaldu du jokalariak.. Gainera, argi utzi du ez zuela ikusten Realean tokirik izango zuenik, eta minutu horien bila iritsi dela klub babazorrora.
Alavesek Somea Polozen atezaina fitxatu du
Danimarkako FC Nordsjælland taldetik ailegatu da Gasteizera Bosnia-Herzegovinako atezaina.
Juliette Vidal hegaleko frantziarrak Alavesen jokatuko du
Atzelari frantziarrak AS Saint-etienne, FC Basel, RSC Anderlecht eta Bayer Leverkusen taldeetan jokatu du.
Mikel Rodriguez, Alavesen jokalari berria
Getariako jokalaria Sanse taldetik iritsi da, eta 2031ra arte sinatu du. Alavesek bi milioi euro ordaindu dizkio Realari, eta Realak berreskuratu ahalko du futbolaria, lau milioi ordainduta.
Elene Viles: “Moeve Liga beste maila bat da, ilusio eta motibazio handiz gabiltza”
Gasteizko taldeko futbolariak nabarmendu du lanean hasi eta taldekide berriak ezagutzeko irrikan dabilela, denboraldiaurreko hasiera honetan.
Adrian Pica Alavesen jokalariak Portugalgo bigarren mailako Peñafielen jokatuko du, utzita, 2026-2027 denboraldian
Erdiko atzelaria, 2025-2026 denboraldian, Mirandesen aritu zen, utzita ere, Hypermotion Ligan.