Carlos Vicentek penaltiz sartutako gol batek Alaves final-zortzirenetara sailkatu du, Sevilla menderatuta
Lucas Boye bigarren zatian zelairatu izana erabakigarria izan da partida. Aurrelari argentinarrak penaltia eragin du, eta, handik gutxira, min hartuta, ordezkatu behar izan dute.
Carlos Vicenteren eta Lucas Boyeren arteko besarkada, gol erabakigarria sartu ondoren. Argazkia: EFE
Carlos Vicentek hamaika metroetatik sartutako golak erabaki du gaur gauean Mendizorrotzan jokatu den final-hamaseirenetako partida. Horrela, Alavesek Sevillari irabazi dio, eta talde babazorroa final-zortzirenetan dago.
Jonny Ottok min hartuta zelaia utzi behar izan du 23. minutuan, eta Protesonik hartu du haren lekua. Alaves nagusi izan da lehen minutuetan, baina Sevilla ere ez da deseroso ibili. Babazorroek 9. minutuan izan dute lehen abagune argia, Yusi hegalekoak gogor astindu baitu baloia, korner baten irteeran.
Babazorroak nagusi izan dira jabetzari dagokionez, baina bi taldeek abagune argi bana izan dute; Sevillarena, Sawek 40. minutuan egindako jaurtiketa indartsua.
Atsedenaldiaren ostean, Aleñak izan du bigarren zatiko lehen abagunea, baina area kanpotik egindako jaurtiketa kornerrera urrundu du Sevillako atezainak. Korner horretan Protesonik izan du 1-0ekoa egiteko tenorea, baina area txikitik gertu egin duen errematea erdira atera zaio, eta Vlachodimosek etxekoen saiakera berriro gelditu du.
68. minutuan Coudeten taldeak beste aukera bikain bat izan du, jokaldi on bat egin du. Carlos Vicentek jaurtiketa gurutzatua egin du arearen hegaletik, Sevillako atezainak jaurtiketa desbideratu du, eta aldaratzea Lucas Boyeren oinetan geratu da, baina argentinarrak ez du asmatu. Jarraian, Isaac Romero Sevillako aurrelariak jaurtiketa egin du area barrutik, eta Raul Fernandezek kornerrera bota du.
77. minutuan Lucas Boyek pasea jaso du area barruan, eta iskin egin ostean, Sevillako atzelari batek penalti argia egin dio. Carlos Vicentek bete-betean asmatu du hamaika metroetatik eta gola egin du. Coudetek zuzentzen duen taldea merezi zuen saria eramatea.
Handik gutxira, Boye, zelairatu eta 20 minutura, min hartuta, ordezkatu behar izan dute. Guridik hartu du haren tokia. Sevilla berdintzekotan izan da luzapenean, baina Heliopoliseko taldeak ez du errematean asmatu, Alexisek ez du baloia jotzerik izan.
Fitxa teknikoa:
1 - Alaves: Raul Fernandez; Jonny (Protesoni, 23.min), Tenaglia, Pacheco, Yusi; Antonio Blanco (Parada, 86.min), Pablo Ibañez (Guevara, 65.min), Carlos Vicente, Aleña; Mañas (Boye 65.min, Guridi, 86.min) eta Toni Martinez.
0 - Sevilla: Odysseas; Juanlu (Sierra, 83.min), Carmona, Gudelj, Castrin, Oso; Jordan (Alexis Sanchez, 80.min), Manu Bueno (Mendy, 68.min), Sow (Agoume, 68.min), Peque (Gonzalez, 80.min); eta Isaac Romero.
Epailea: Sesma Espinosa errioxarra. Alaveseko Yusi jokalariari (45+1. min) eta Sevillako Carmonari (29.min) eta Castrini (53.min) txartel horia erakutsi die.
Gola: 1-0. 79.min: Vicente, penaltiz.
Mendizorrotzan 9.825 jarraitzaile bildu dira.
Zure interesekoa izan daiteke
Gustavo Albarracinek Kroaziako NK Istran jokatuko du utzita denboraldia bukatu arte
Orain arte 19 urteko jokalari argentinar gaztea Hypermotion Ligako Huescan zegoen utzita. Pulako taldean jokatuko du, Oriol Rieraren aginduetara, denboraldia amaitu arte. NK Istra hirugarren sailkatua da Kroaziako lehen mailan, eta Alaves klubaren jabea da.
Jon Pacheco, Alavesi utzitako jokalaria: “Kopa eta Reala gainera, oso berezia”
Jon Pacheco Alavesi utzitako Realeko atzelariak partida hau beretzat oso berezia dela nabarmendu du, Errege Koparen final-laurdenak direlako eta Realaren aurkakoa delako. Partida “gogorra bai, eta seguru aski joko gutxi egonen da eta aukera gutxi” izanen dela aurreikusi du jokalari baztandarrak.
Coudet: "Partida on bat egin eta oso futbol ona erakutsi nahiko nuke; guretzat hau da finala"
Alavesek Errege Kopako final-laurdenak jokatuko ditu Realaren aurka, Mendizorrotzan. Coudetek, prentsaurrekoan, argi utzi du “dena emango dutela”, Kopak fase gehiago baditu ere, biharkoa “kanporaketa da, dena edo ezer ez”.
Angel Perez, gaurko aurkezpenean: "Gogor jardungo dut beti, apaltasunez eta sakrifizioz"
Angel Perez aurkeztu dute gaur goizean Alaveseko jokalari berri gisa, eta lan egiteko eta talde babazorroaren dinamikara ahalik eta azkarren egokitzeko gogoz dagoela azpimarratu du.
Ibrahim Diabate aurrelariak Alavesen jokatuko du 2025-2026 denboraldiaren amaierara arte
Diabate GAIS Suediako Ligako taldetik iritsi da euskal klubera; 26 urte ditu, eta Mallorcaren eta Sevillaren bigarren taldeetan aritu da, besteak beste.
Raul Fernandez, Alavesen atezaina: "Oso kanporaketa lehiatua izango dela uste dut"
Raul Fernandez Alavesen atezainak asteazken honetan Realaren kontra Mendizorrotzan jokatuko duten final-laurdenetako kanporaketari buruz hitz egin du.
Ville Koskik utzita jokatuko du Alavesen
Finlandiako atzelariak denboraldi amaierara arte jokatuko du talde babazorroan, NK Istrak utzita.
Alavesek markagailua iraulita garaitu du Espanyol, bigarren garaipena jarraian lortuz (1-2)
Gasteizko taldea indartuta atera da RCDE Stadiumetik, Kataluniako taldearen bolada txarra baieztatu duen partidari buelta eman ostean.
Nikola Marasek utzita jokatuko du Mirandesen
Jokalari serbiarra ez da Eduardo Coudeten planetan sartu ikasturte hasieratik, eta orain Bigarren Mailako Mirandes taldean jokatzeko aukera izango du.
Chacho Coudet: "Erosoago sentitzen gara etxean jokatuta, baina taldearen dinamika onari eutsi nahi diogu"
Alavesek Espanyolen aurka jokatuko du Ligako hurrengo jardunaldian eta Chacho Coudet talde babazorroaren entrenatzaileak neurketaren analisia egin du.