Carlos Vicentek penaltiz sartutako gol batek Alaves final-zortzirenetara sailkatu du, Sevilla menderatuta
Lucas Boye bigarren zatian zelairatu izana erabakigarria izan da partida. Aurrelari argentinarrak penaltia eragin du, eta, handik gutxira, min hartuta, ordezkatu behar izan dute.
Carlos Vicenteren eta Lucas Boyeren arteko besarkada, gol erabakigarria sartu ondoren. Argazkia: EFE
Carlos Vicentek hamaika metroetatik sartutako golak erabaki du gaur gauean Mendizorrotzan jokatu den final-hamaseirenetako partida. Horrela, Alavesek Sevillari irabazi dio, eta talde babazorroa final-zortzirenetan dago.
Jonny Ottok min hartuta zelaia utzi behar izan du 23. minutuan, eta Protesonik hartu du haren lekua. Alaves nagusi izan da lehen minutuetan, baina Sevilla ere ez da deseroso ibili. Babazorroek 9. minutuan izan dute lehen abagune argia, Yusi hegalekoak gogor astindu baitu baloia, korner baten irteeran.
Babazorroak nagusi izan dira jabetzari dagokionez, baina bi taldeek abagune argi bana izan dute; Sevillarena, Sawek 40. minutuan egindako jaurtiketa indartsua.
Atsedenaldiaren ostean, Aleñak izan du bigarren zatiko lehen abagunea, baina area kanpotik egindako jaurtiketa kornerrera urrundu du Sevillako atezainak. Korner horretan Protesonik izan du 1-0ekoa egiteko tenorea, baina area txikitik gertu egin duen errematea erdira atera zaio, eta Vlachodimosek etxekoen saiakera berriro gelditu du.
68. minutuan Coudeten taldeak beste aukera bikain bat izan du, jokaldi on bat egin du. Carlos Vicentek jaurtiketa gurutzatua egin du arearen hegaletik, Sevillako atezainak jaurtiketa desbideratu du, eta aldaratzea Lucas Boyeren oinetan geratu da, baina argentinarrak ez du asmatu. Jarraian, Isaac Romero Sevillako aurrelariak jaurtiketa egin du area barrutik, eta Raul Fernandezek kornerrera bota du.
77. minutuan Lucas Boyek pasea jaso du area barruan, eta iskin egin ostean, Sevillako atzelari batek penalti argia egin dio. Carlos Vicentek bete-betean asmatu du hamaika metroetatik eta gola egin du. Coudetek zuzentzen duen taldea merezi zuen saria eramatea.
Handik gutxira, Boye, zelairatu eta 20 minutura, min hartuta, ordezkatu behar izan dute. Guridik hartu du haren tokia. Sevilla berdintzekotan izan da luzapenean, baina Heliopoliseko taldeak ez du errematean asmatu, Alexisek ez du baloia jotzerik izan.
Fitxa teknikoa:
1 - Alaves: Raul Fernandez; Jonny (Protesoni, 23.min), Tenaglia, Pacheco, Yusi; Antonio Blanco (Parada, 86.min), Pablo Ibañez (Guevara, 65.min), Carlos Vicente, Aleña; Mañas (Boye 65.min, Guridi, 86.min) eta Toni Martinez.
0 - Sevilla: Odysseas; Juanlu (Sierra, 83.min), Carmona, Gudelj, Castrin, Oso; Jordan (Alexis Sanchez, 80.min), Manu Bueno (Mendy, 68.min), Sow (Agoume, 68.min), Peque (Gonzalez, 80.min); eta Isaac Romero.
Epailea: Sesma Espinosa errioxarra. Alaveseko Yusi jokalariari (45+1. min) eta Sevillako Carmonari (29.min) eta Castrini (53.min) txartel horia erakutsi die.
Gola: 1-0. 79.min: Vicente, penaltiz.
Mendizorrotzan 9.825 jarraitzaile bildu dira.
Zure interesekoa izan daiteke
Kumba Brima aurrelaria Alavesen arituko da 2026-2027 denboraldian
Futbolari sierraleonarrak Rigak utzita jokatuko du euskal taldean; Baltikoko Ligan, goleatzailerik onena izan da. 24 urtekoa jokalariak “indarra, gaitasun fisikoa eta arean trebetasuna” ditu, Alavesen arabera.
Quique Sanchez Flores: “Garaipenetik eurek baino gertuago egon garen sentsazioarekin goaz"
Alaveseko entrenatzaileak aitortu du taldea ez dagoela erabat gustura Rayo Vallecanoren aurka lortutako berdinketarekin. Madrilgo taldea Sergio Cabellok 48. minutuan egindako golarekin aurreratu da; markagailuan berdinketa jarri duen gola, berriz, Marianok egin du, 84.ean.
Marianok berdinketa eman dio Alavesi Rayoren aurka (1-1)
Alavesek markagailua berdindu du partidaren azken txanpan, Marianok Rayok defentsan egindako akats bat aprobetxatu eta gola sartu duenean.
Alaves haserre agertu da Rayok bere zaleentzako sarrerak ukatu dizkiolako
Talde gasteiztarrak "erabat" errefusatu du talde madrildarraren tesia, eta, bereziki, une oro Arabako zaleen presentzia gaur gaueko partidan errazteko prestutasun eta lankidetza handia egon delako baieztapena.
Moussa Diarra, Al Wahda FC taldera
Lehen taldearekin 32 partida ofizial jokatuta, Maliko atzelariak Arabiar Emirerrietan jarraituko du bere kirol ibilbidea.
Sanchez Floresek ez du nahi Rayok bizi duen egoera bereziak Alavesen aurka jokatzea
"Azkenean Madrilen jokatzen ari dira, euren zaleak eurekin egongo dira, eta aurkariari sakatzen dioten jarraitzaleak dira", ohartarazi du entrenatzaile babazorroak. Rayo Vallecanok partida atzeratzea eskatu du, baina LaLigak ez du eskaera hori onartu, eta neurketa Butarquen jokatuko da.
Mikel Rodriguez Alaveseko jokalari getariarrak amestutako debuta izan du lehen mailan
Realetik Alavesera eginda, jokalari getariarrak amestutako debuta izan zuen aurreko larunbatean EA Sports Ligan. 57. minutuan atera zuen Quique Sanchez Floresek Denis Suarezen ordez. Ondo baino hobeto aprobetxatu zuen aukera eta Alavesek Getaferi sartu zion hirugarren gola egin zuen.
Aitor Mañas: “Ikaragarria izan da horrela hastea; gehiago nahi dugu”
Alavesek 3-0 irabazi dio Getaferi EA Sports Ligako lehen jardunaldian. Rodriguez, Mariano eta Tenaglia izan dira babazorroen golegileak. Aitor Mañas debutariak eta Tenagliak "hasiera sinestezin" hori bizi ahal izateko zelaian bat gehiago egoteak izan duen garrantzia azpimarratu dute.
Alavesek garaipen handia lortu du Getaferen aurka, gorenean hasteko (3-0)
Tenaglia, Mariano eta Mikel Rodriguezen golek garaipena eman diete babazorroei, Femenia kanporatu ostean lortutako nagusitasunaz baliatuta.
Sanchez Flores: “Pozik nago taldea mantendu dugulako"
Alaveseko entrenatzaileak lehen prentsaurrekoa eman du, 2026-27 txapelketari hasiera emateko. Prestatzaile madrildarrak Izei Hernandez eta Xanet Olaiz harrobiko jokalariak lehen taldean geratuko direla iragarri du.