Valverdek Athletic utziko du denboraldi honen amaieran
Entrenatzaileak 10 denboraldi eman ditu talde zuri-gorrian, hiru etapan banatuta.
Ernesto Valverdek ostiral honetan jakinarazi duenez, datorren denboraldian ez du Athletic entrenatzen jarraituko. Erabaki hori klubarekin adostuta eta "aspalditik" onduta dago, eta ikasturtearen azken txanpan sartu aurretik jakinaraztea erabaki du.
"Kaixo guztioi. Agerraldi hau datorren denboraldian Athleticeko entrenatzailea ez naizela izango iragartzeko da. Denborarekin hartutako erabakia da, klubarekin ere hitz eginda dago eta zuekin partekatu nahi nuen", azaldu du Txingurrik klubeko kanal ofizialetan argitaratutako bideo batean.
Valverderen hitzetan, orain ligako hamar partida "garrantzitsu" geratzen dira, Betisen aurka igande honetako partidatik hasita. "Hamar partidatan gure helburuak lortu nahi ditugu, irabazteko asko dugu, dena emango dugu eta, zalantzarik gabe, denok batera bagaude, lor dezakegu", esan du.
Athletic Cluben historian lehoiak gehien zuzendu dituen entrenatzailea izanik utziko du Ibaiganeko kluba Ernesto Valverdek. Izan ere, 495. partida zuzenduko du igande honetan Real Betisen aurka. Horrenbestez, 500 partida baino gehiago emango ditu zuri-gorrien aulkian denboraldi amaierarako.
10. urtea da Athletic entrenatzen, hiru etapatan banatuta (2003 eta 2005, 2013 eta 2017 eta 2022 eta 2026. urte bitartean), eta kirol arrakastaz beteriko ibilbidea izan du. Bi titulu nabarmendu behar dira: 2015-2016 denboraldiko Superkopa eta 2023-2024 denboraldiko Kopa.
Agurra "denboraldi amaieran" izango da
Entrenatzaile gisa egindako ibilbide bikainari bere jokalari aroa gehitu behar zaio, 6 denboralditan (1990 eta 1996 artean) 188 partida jokatu eta 50 gol sartu baitzituen.
Valverdek datorren denboraldian jarraituko ez duela zabaldu ostean klub zuri-gorriak adierazi duenez, "Athletic Cluben kondaira bizia" den honen agurra "aurrerago" egingo da, "denboraldiaren amaieran".
Iraolaren aukera
Valverderen hutsune hori nork beteko duen da orain zalantza nagusia. Normala den bezala, dagoeneko izen batzuk ateratzen hasi dira; Giraldez, Pochettino, Iñigo Perez… baina, momentuz behintzat, indar gehien hartu duena Andoni Iraolarena da.
Usurbildarrak kontratua amaitzen du ekainean Bournemouth eta berriki esan du ez duela denbora asko emango bere erabakia zein den argitu arte.
Zure interesekoa izan daiteke
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.
Edin Terzicen Athletic berriak ilusioa berpiztu du zale zuri-gorrien artean: “Proiektu oso ona da”
Bilboko taldeak, ostegunean, Lezaman, zaleen aurrean egin du entrenamendua; 500 bat izan dira bertan. Edin Terzic entrenatzaile berriak utzitako lehen sentsazioak onak dira, EITBk egin dituen elkarrizketetan ikusten denez.
Terzicen Athleticek Derio garaitu du denboraldiaurreko lehen partidan (0-3)
Athleticek denboraldiaurreko lehen lagunartekoa jokatu du gaur Derioren aurka Portugaleten. Terzicen taldea garaile atera da 0-3ko markagailuarekin, eta hiru golak bigarren zatian iritsi dira. Maroan Sannadik zelaia utzi du, belaunetako batean min hartu du eta.
Athletic lanean hasi da, Victor Martinen esanetara: “Taldea ausarta, erasokorra, joko alai eta ikusgarria izatea nahi dut”
Bizkaiko taldeak lehen entrenamendua egin du, Lezaman, entrenatzaile berriarekin. Irene Oguizak, kapitainetako bat bera, nabarmendu du garrantzitsua dela, denboraldiaurrean, jokalariak klubera iritsi berri den talde teknikora egokitzea.
Nico Serranok gihar-lesio arina du, eta ez da taldekideekin aritu
Jokalari nafarrak ezker hankako zuzen femorala du minduta.
Josean Lekuek Nico “ondo" dagoela ziurtatu du, eta iragan denboraldia esparru medikoan aspaldiko “txarrena" izan zela onartu du
Hala ere, "antzeko metodologiarekin", 2024-2025 denboraldian Athleticek laugarren amaitu eta Europa Ligako finalerdiak jokatu zituela, eta azken hamarkadako "onena" izan zela gaineratu du buruzagi mediko zuri-gorriak.
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.