Alavesek ezin izan du egindako lana markagailuan islatu Valentziaren aurkako partidan (0-0)
Alavesek ez du garaipenaren saririk lortu Valentziaren aurka, EA Sportseko Ligako bederatzigarren jardunaldia itxi duen neurketan. Partida husna amaitu da, nahiz eta babazorroek ia partida osoa aurkarien zelaian jokatu, baina Julen Agirrezabalarekin eta haren zutoinarekin egin dute topo.
Bi taldeek golik gabe berdindu dute atsedenaldian, talde babazorroa nagusi izan eta hainbat gol aukera izan ostean, nahiz eta valentziarrek aurrea hartzeko aukera izan duten 2. minutuan.
Bigarren zatiaren hasieran, Toni Martinezen burukada bikain bati, 53. minutuan, erantzun paregabea eman dio Julen Agirrezabala Valentziaren atezainak. Norgehiagokaren azken txanpan, 86. minutuan, Denis Suarezek falta atera eta baloiak Valentziako atearen zutoinean jo du.
Antonio Blancok 100 norgehiagoka ofizial jokatu ditu babazorroen elastikoarekin. Kordobarra 2023an iritsi zen taldera eta urte horretako urtarrilean egin zuen debuta Errege Kopan. 25 urteko Blancori omenaldia egin diote partidaren atarian.
- Fitxa teknikoa:
0 - Alaves: Sivera; Jonny, Tenaglia, Pacheco, Yusi; Blanco, Ibañez (Denis Suarez, 61.min) ; Rebbach (Aleña, 61.min), Calebe (Vicente, 61.min); Lucas Boye eta Toni Martinez (Guridi, 71.min).
0 - Valentzia: Agirrezabala, Thierry, Tarrega, Copete (Comert, 80.min), Gaya; Javi Guerra (Santamaria, 80.min), Pepelu, Danjuma (Raba, 71.min), Luis Rioja; Diego Lopez eta Hugo Duro (Beltran, 80.min).
Epailea: Iosu Galech nafarra. Yusiri (29. min), Diego Lopezi (82.min) eta Santamariari (85.min) txartel horia atera die.
EA Sports Ligako bederatzigarren jardunaldiko norgehiagoka. Gasteizko Mendizorrotza estadioan jokatu da, 15.564 ikusleren aurrean. Bi taldeetako jokalariek partidako lehen 15 segundoak geldirik eman dituzte, ligak Miamira neurketak eramateko duen asmoaren aurka protesta egiteko.
Zure interesekoa izan daiteke
Sanchez Flores: “Ondo lehiatu gara, baina ez du eman"
Alaveseko entrenatzaileak Racingen aurka jasotako porrotari buruz hitz egin du (2-1) larunbat honetan, EA Sports Ligako 5. jardunaldiko partidan. Oso partida parekatua izan dela nabarmendu du, eta xehetasun txikiengatik erabaki dela.
Alavesek estropezu egin du Racingen aurka (2-1)
Alavesek 2-1 galdu du Racingen aurka Sardineron, Koskiren golari esker markagailuan aurrea hartu duen arren. Zabirik buelta eman dio markagailuari, 2 gol eginda. Aitor Mañasek kolpe gogorra hartu du buruan, eta esku-ohean atera dute zelaitik.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.
Mikel Rodriguezek lotailu-haustura daukala baieztatu du Alavesek
Erdilari gipuzkoarra osteguneko entrenamenduan lesionatu zen, eta datozen hilabeteetan bajan izango da.
Quique Sanchez Flores: “Igandeko partida Mikelentzat izango da"
Alavesek denboraldiko lehen derbia jokatuko du igande honetan Osasunaren aurka, Mikel Rodriguezen lesioak baldintzatuta. Quique Sanchez Floresek onartu du aurrelaria nekez egongo dela jokatzeko moduan, eta Izei izango dela lehen aukera, nahiz eta Toni Martinezi atea irekita mantentzen dion, partidaren aurreko sentsazioen bilakaeraren zain.
Sergio Fernandez, Alaveseko kirol zuzendaria: “Badakigu Antonio Blancok klub askoren arreta erakartzen duela"
Fernandez jokalariez eta fitxaketa merkatuko azken mugimundiez aritu da. Horren harian, lehentasun nagusiak Antonio Blanco eta Ander Guevararen kontratu berritzeak direla azpimarratu du.