Alavesek Levante garaituz eman dio hasiera denboraldiari (2-1)
Alavesek garaipenarekin hasi du 2025-2026ko EA Sports Liga larunbat honetan, Mendizorrotzan jokatutako partidan Levanteri 2-1 irabazita. Toni Martinezek estreinatu du markagailua babazorroentzat eta Tenagliak sartu du garaipenaren gola luzapenean.
Norgehiagoka oso berdinduta hasi da, eta jokoa zelai erdian zentratuta. Bi taldeak aurkariaren areara hurbiltzen joan dira baloia ukituz, baina azken metroetan ideiak falta izan zaizkie eta ez dituzte atezainak estutasunetan jarri.
Gasteizko taldeak ekimen gehiago izan du, batez ere eskuin hegaletik Carlos Vicenteren abiadura bilatuz. Levanteren aukerarik argiena Romeroren jaurtiketa bat izan da, baina ezin izan du taldearen jokaldi ona gola eginez burutu.
36. minutuan iritsi da Alavesen denboraldi honetako lehen gola. Babazorroen aldeko korner batean, Cuñatek ukabilekin aldaratu du baloia, baina Aleñak bigarren jokaldia aprobetxatu du erdiraketa egiteko eta Toni Martinezek buruz sartu du gola (1-0).
Aldageletatik bueltan, Levantek berdinketa jarri du markagailuan, jokaldi nahasi bat baliatuta. Siverak Bruguiren jaurtiketa gelditu du, baina ezin izan du ezer egin Toljanen aldaratzearekin (1-1).
Guridik eta Toni Martinezek bigarren gola sartzeko aukera izan dute, etxekoek aurkariak baloia eskuarekin ukitu duela eskatu duten jokaldian, baina ez dute ez bata ez bestea lortu.
Coudetek Mariano eta Abde Rebbach sartu ditu erasoan taldea indartzeko, eta gola sartzeko abagune bana izan dute, aurkarien atezainak bi geldiketa on eginez ezerezean utzitakoak.
Partida berdinduta amaituko zela zirudienean, Tenaglia adi egon da erdiraketa behartu bat harrapatu eta etxeko taldeari garaipena eman dion gola sartzeko (2-1).
Fitxa teknikoa:
2 - Alaves: Sivera; Tenaglia, Parada (Yusi, 91. min), Garcés, Otto; Blanco, Ibañez (Mariano, 77. min); Vicente (Calebe, 86. min), Aleña (Guevara, 91. min), Guridi (Rebbach, 77. min); eta Toni Martinez.
1 - Levante: Campos, Dela, Elgezabal, Brugue (Alvarez, 85. min), Romero (Lozano, 77. min), Pablo Martinez (Moreno, 85. min), Manu Sanchez (Pampín, 79. min), Cabello, Víctor (Morales, 54. min), Rey eta Toljan.
Golak: 1-0, 36. min: Toni Martinez. 1-1, 68. min: Toljan. 2-1, 92. min: Tenaglia.
Epailea: Miguel Sesma Espinosa. Txartel horia atera dio Manu Sanchez jokalariari.
Zure interesekoa izan daiteke
Alavesek Rayori Butarquen egingo dio bisita, bigarren jardunaldian
Azkenean, Leganesen futbol-zelaiak hartuko du Rayo Vallecanok etxean jokatuko duen lehen partida, abuztuaren 20an, babazorroen aurka, bi talde madrildarrek Madrilgo Gobernuaren bitartekaritzarekin egindako negoziaketen ostean.
Valentini, Alaveseko jokalari berria: “Taldearentzat lan egiten duen atzelari saiatua naiz"
Atzelari argentinarra "oso pozik" agertu da aurkezpenean. "Oso hiri polita eta klub antolatua aurkitu ditut", adierazi du Fiorentinatik datorren jokalariak, hartutako erabakiaz konbentzituta.
Alavesek penaltietan irabazi du denboraldiaurreko azken partida
Alavesek amaitu du denboraldiaurrea. Quique Sanchez Floresen taldeak Racingen aurka jokatu du Sardineron, Nando Yosu saria jokoan zuela, eta penaltietan lortu du garaipena (7-8), bana berdinduta amaitu ostean. Mantilla (bere atean sartu du gola Youssefen jaurtiketa bat desbideratuta) eta Villalibre izan dira partidako golegileak.
Alavesek Nicolas Valentini fitxatu du 2029ra arte
Argentinako erdiko atzelaria Fiorentinatik iritsi da, bi klubek transferitzeko akordioa lortu ostean. 2029ko ekainaren 30era arte sinatu du Gasteizko taldearekin.
Miguel Rodriguez: “Entrenatzaileak eskatutako postuan, eroso izango naiz: bigarren aurrelari, eskuineko hegalean…”
Alavesen fitxaketa berria Herbehereetako Utrecht taldetik iritsi da Gasteizera, eta astelehenean aurkeztu dute. Miguel Rodriguezek ilusio handia du euskal taldean aritzeko aukeragatik.
Alavesek garaipena lortu du Castelloren aurka udako hirugarren lagunartekoan (0-3)
Alaves bolada onean dabil. Gasteizko taldeak udako hirugarren lagunartekoa jokatu du Castelloren aurka, eta 0-3ko emaitzarekin nagusitu da. Lucas Boyek egin ditu lehen bi golak, lehena penaltiz, eta Mariano Diazek sartu du hirugarrena.
Sarah Brasero ingelesak Alavesen erasoa sendotuko du
23 urtez azpiko Ingalaterrako selekzioarekin jokatutakoa, West Ham taldetik iritsi da Gasteizera. Ipswich Town taldean hezia, Braserok Espainiako eta Portugaleko nazionalitatea ere badu.
Alavesen jokalariak “etsita eta haserre" daude klubaren kudeaketarekin, igoera-saria dela eta
Jokalariek Futpro elkartearen bidez azaldu dute euren jarrera. Gainera, argitu dute oharrarekin ez dutela "liskarrik sortzea" bilatzen, "egoera nola bideratu den ikusita" euren etsipena agertu baizik.
Miguel Rodriguezek Alavesen jokatuko du 2031ra arte
23 urteko gazte galiziarra Holandako Utrecht taldetik dator Gasteizera.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.