Puntu banaketa Alavesen eta Atletico Madrilen artean, golik gabeko partida batean (0-0)
Alavesek eta Atletico Madrilek hutsean berdindu dute, larunbat honetan, Mendizorrotzan jokatutako EA Sports Ligako 34. jardunaldiko partidan.
VARak, bestalde, lehen zatian esku hartu du Julian Alvarez argentinarrari txartel gorria kentzeko. Norgehiagoka behetik gora joan da, eta puntu horrek oxigenoa ematen dio Alavesi mailari eusteko borrokan.
Neurketaren lehen minutuetan, Alavesek oso txukun jokatu du bere zelaian. Coudeten mutilek bazekiten noiz egin atzera baloia zuri-gorriei lagatzeko eta kontraerasoaren zain egoteko. Halaber, etxekoak oso sendo egon dira Atleticoren baloiaren zirkulazioa eteteko, eta erasoak hegaletatik egin dituzte erdiraketak bilatzeko.
Norgehiagoka gol aukerarik gabe iritsi da lehen zatiko 25. minutura. Intentsitate handia baina zehaztasun falta asko erakutsi dituzte bi taldeek.
33. minutuan, jokoa gelditu egin dute, Mendizorrotzako harmailetan ikusle bat ondoezik jarri delako. Partida berriro abiatu ondoren, 40. minutuan, Julian Alvarezek txartel gorria ikusi du, baina epaileak VARean berrikusi ondoren, txartel gorria kendu eta horia atera dio.
Lehen zati horren ostean, bigarren zatia biziagoa izan da. Jon Guridik buruz egindako erremate baten bidez eman du abisua, Atleticok gaizki defendatutako baloi batean, eta Conor Gallagherrek erantzun bikaina eman dio Alavesi. Simeonek aulkira begiratu du erreakzioaren bila, eta Alexander Sorloth eta Samu Lino zelairatu ditu Griezmannen eta Giulianoren ordez.
Minutu gutxi batzuk geroago, Ander Guevarak Atleticoko aurrelari norvegiarraren baloi oso arriskutsua atera du, atezainek geldiketa bikainen duelua hasi aurretik. 72. minutuan, Jan Oblakek esku oso ona atera du Kike Garciaren errematea saihesteko, eta hurrengo jokaldian Antonio Siverak Clement Lengleten gola saihestu du.
Partida amaitzear zegoela, Angel Correa, kontraerasoan, ezustea emateko zorian egon da, baina horren azken kontrola ez da ona izan, eta Garcesek zuloa itxi dio. Talde babazorroak eutsi egin dio emaitzari, eta urrezko puntu bat lortu du salbazioa lortzeko borrokan.
Fitxa teknikoa
Alaves: Sivera; Tenaglia, Garces, Mouriño, Manu Sanchez; Blanco, Guevara (Jordan, 72. min); Carlos Vicente, Guridi (Protesoni, 72. min), Aleña (Conechny, 90. min); eta Kike Garcia.
Atletico Madril: Oblak; Llorente, Lenglet, Le Normand, Galan; Giuliano (Lino, 60. min), De Paul (Koke, 67. min), Barrios (Correa, 72. min), Gallagher (Molina, 72. min); Griezmann (Sorloth, 59. min) eta Julian Alvarez.
Epailea: Martinez Munuera. Txartel horia atera die Guevara (28. min), Mouriño (56. min) eta Blanco (63. min) Alaveseko jokalariei eta Azpilicueta (41. min) eta Julian Alvarez (42. minu) Atletico Madrileko jokalariei.
Zure interesekoa izan daiteke
Miguel Rodriguezek Alavesen jokatuko du 2031ra arte
23 urteko gazte galiziarra Holandako Utrecht taldetik dator Gasteizera.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.
Koskik burmuineko kommozio ez larria du kolpe baten ondorioz, eta atseden hartu beharko du
Alavesek jakinarazi duenez, jokalariari egin dizkioten proba medikoek lesio larriagoak baztertu dituzte.
Alavesek Hanane Ait El Haj fitxatu du defentsako lerroa indartzeko
Atzealdeko ezker hegalean jokatzen du, baina jokalari erasokorra da. Marokoko selekzioko kapitaina da, eta Emakumezkoen Nazioen Afrikako Kopa jokatzen ari da.
Andrea Esteban: “Helburua ahalik eta lehiakorrenak izatea da, ahalik eta azkarren”
Alaveseko jokalariak aurredenboraldi gogorra egiten ari dira. Andrea Esteban entrenatzaileak F Ligan berriro jokatzeko egiten ari diren lanaz hitz egin digu, baita taldearen helburuak zeintzuk diren azaldu ere.
Daouda Doumbia erdilariak NK Istra kroaziarrean jokatuko du
NK Istra Alavesen jabetzakoa da % 85ean.
Mikel Rodriguez, gogotsu Alavasekin jokatzeko
Erdilari getariarra datozen bost denboraldietan Gasteizen arituko da, nahiz eta Realak berriro jokalaria erosteko aukera izango duen. Aurkezpenean, besteak beste, Alaves aukeratzearen arrazoiak zeintzuk izan diren azaldu du jokalariak.. Gainera, argi utzi du ez zuela ikusten Realean tokirik izango zuenik, eta minutu horien bila iritsi dela klub babazorrora.
Alavesek Somea Polozen atezaina fitxatu du
Danimarkako FC Nordsjælland taldetik ailegatu da Gasteizera Bosnia-Herzegovinako atezaina.
Juliette Vidal hegaleko frantziarrak Alavesen jokatuko du
Atzelari frantziarrak AS Saint-etienne, FC Basel, RSC Anderlecht eta Bayer Leverkusen taldeetan jokatu du.
Mikel Rodriguez, Alavesen jokalari berria
Getariako jokalaria Sanse taldetik iritsi da, eta 2031ra arte sinatu du. Alavesek bi milioi euro ordaindu dizkio Realari, eta Realak berreskuratu ahalko du futbolaria, lau milioi ordainduta.