Alaves Federazioko Lehen Mailara jaitsi da, F Ligako azken jardunaldian Alhamaren aurka berdindu ostean
Alaves Federazioko Lehen Mailara jaitsi da larunbat honetan, maiatzaren 20an, Alhamaren aurka bana berdindu (1-1) ostean, F Ligako 30. eta azken jardunaldian. Beraz, datorren denboraldian bigarren mailan lehiatuko da Gasteizko taldea.
Bi taldeek antzeko egoeran ekin diote neurketari, garaipenak bakarrik balio baitzien mailari eustea lortzeko. Gainera, euren arteko neurketa irabazi, eta beste partida batzuetako emaitzari itxaron behar zioten.
Hala, bada, norgehiagokako lehen zatian parekotasuna izan da nagusi. Alavesi eta Alhamari asko kosta zaie abaguneak sortzea. Alavesek 26. minutuan izan du gola sartzeko aukera, baina Laura atezainak gelditu egin du Marta San Adrianen jaurtiketa. Alhamak, aldiz, nahikoa izan du abagune bakarra, berean gola sartzeko; 36. minutuan, Pinelek 0-1ekoa jarri du markagailuan, área baruan balioa jaso, eta erremate gurutzatuarekin baloia ate barruan sartuta.
Neurketa maldan gora jarri zaio Alavesi. Hala ere, Gasteizko taldeak ez du etsi, eta erasora jo du berdinketaren bila. Atsedenaldira iritsi aurretik gertu izan dute gola, baina Camila Saezen errematea atezainak gelditu du.
Bigarren zatiari erasokor ekin dio Alavesek, nahiz eta lehen aukera Alhamak izan duen. Murtziako taldearen gola Larque atezainak eragotzi du, Jaderen errematea geldituta.
Gasteizko taldea gol aukerak ezin sortuta ibili da. Borrokan jarraitu du Alavesek, eta, 84. minutuan, Camila Saezek gola sartu du (1-1).
Saezen gola itxaropena eman dio Alavesi, baina ezin izan du bigarren gola sartu. Amaieran, berdinketa Ibaian (1-1), eta bi taldeak Federazioko Lehen Mailara jaitsi dira.
Zure interesekoa izan daiteke
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Kumba Brima aurrelaria Alavesen arituko da 2026-2027 denboraldian
Futbolari sierraleonarrak Rigak utzita jokatuko du euskal taldean; Baltikoko Ligan, goleatzailerik onena izan da. 24 urtekoa jokalariak “indarra, gaitasun fisikoa eta arean trebetasuna” ditu, Alavesen arabera.
Quique Sanchez Flores: “Garaipenetik eurek baino gertuago egon garen sentsazioarekin goaz"
Alaveseko entrenatzaileak aitortu du taldea ez dagoela erabat gustura Rayo Vallecanoren aurka lortutako berdinketarekin. Madrilgo taldea Sergio Cabellok 48. minutuan egindako golarekin aurreratu da; markagailuan berdinketa jarri duen gola, berriz, Marianok egin du, 84.ean.
Marianok berdinketa eman dio Alavesi Rayoren aurka (1-1)
Alavesek markagailua berdindu du partidaren azken txanpan, Marianok Rayok defentsan egindako akats bat aprobetxatu eta gola sartu duenean.
Alaves haserre agertu da Rayok bere zaleentzako sarrerak ukatu dizkiolako
Talde gasteiztarrak "erabat" errefusatu du talde madrildarraren tesia, eta, bereziki, une oro Arabako zaleen presentzia gaur gaueko partidan errazteko prestutasun eta lankidetza handia egon delako baieztapena.
Moussa Diarra, Al Wahda FC taldera
Lehen taldearekin 32 partida ofizial jokatuta, Maliko atzelariak Arabiar Emirerrietan jarraituko du bere kirol ibilbidea.
Sanchez Floresek ez du nahi Rayok bizi duen egoera bereziak Alavesen aurka jokatzea
"Azkenean Madrilen jokatzen ari dira, euren zaleak eurekin egongo dira, eta aurkariari sakatzen dioten jarraitzaleak dira", ohartarazi du entrenatzaile babazorroak. Rayo Vallecanok partida atzeratzea eskatu du, baina LaLigak ez du eskaera hori onartu, eta neurketa Butarquen jokatuko da.
Mikel Rodriguez Alaveseko jokalari getariarrak amestutako debuta izan du lehen mailan
Realetik Alavesera eginda, jokalari getariarrak amestutako debuta izan zuen aurreko larunbatean EA Sports Ligan. 57. minutuan atera zuen Quique Sanchez Floresek Denis Suarezen ordez. Ondo baino hobeto aprobetxatu zuen aukera eta Alavesek Getaferi sartu zion hirugarren gola egin zuen.
Aitor Mañas: “Ikaragarria izan da horrela hastea; gehiago nahi dugu”
Alavesek 3-0 irabazi dio Getaferi EA Sports Ligako lehen jardunaldian. Rodriguez, Mariano eta Tenaglia izan dira babazorroen golegileak. Aitor Mañas debutariak eta Tenagliak "hasiera sinestezin" hori bizi ahal izateko zelaian bat gehiago egoteak izan duen garrantzia azpimarratu dute.
Alavesek garaipen handia lortu du Getaferen aurka, gorenean hasteko (3-0)
Tenaglia, Mariano eta Mikel Rodriguezen golek garaipena eman diete babazorroei, Femenia kanporatu ostean lortutako nagusitasunaz baliatuta.