Saririk ez Alavesentzat Bernabeun egindako lanagatik (3-0)
Alavesek galdu egin du Real Madrilen aurka (3-0), Marco Asensio, Vinicius Junior eta Karim Benzemak sartutako golak direla medio (guztiak bigarren zatian). Gasteiztarrek ondo jardun dute ordubetez Bernabeun, baina lehen gola jasotzearekin batera behera egin dute.
Hain zuzen ere, Jason galiziarra izan da Alavesentzat lehen zatiko aukerarik argiena izan duena. Jose Luis Mendilibarren taldea ausarta izan da sailkapenean duen egoera zein den kontuan hartuta, eta ez dio erasoari uko egin, talde madrildarrak etxean ohikoa den koska erasoko jokoa erakusten ez zuen bitartean.
Bigarren zatian, nekea agertzen ari zela, Alaves aurkariaren erreakzioa sufritzen hasi da; alabaina, ahal zuenean, gora begira ere jartzen zen. Hala, Lejeunek Benzemaren jaurtiketa bat atepetik atera ostean, babazorroek markagailuan aurrea hartzeko aukera paregabea izan dute Pere Ponsen eskutik. Kataluniarrak Asensiok bere atezainari bidalitako baloi bat harrapatu du, eta Courtoisen aurrean bakar-bakarrik geratu da. Aitzitik, iskin egiten saiatu denean, ez du asmatu, eta kanpora bidali du bere errematea , dena bere alde zuela zirudienean.
Zoritxarrez, minutu bat geroago Asensioren gola etorri da, area kanpotik ezkerrez egindako jaurtiketa ikusgarri batekin. Gola ospatzerako garaian, Madrilgo jokalaria harmailetako zaleengana zuzendu da, kexu, aurretik txistuka ibili zirelako.
Gol horrek min handia egin die gasteiztarrei. Ordea, konfiantzaz bete ditu madrildarrak, eta hortik aurrera goitik behera nagusitu dira. Hala, Benzemak gertu izan du 2-0koa, baina bere saiakera zutoinaren aurka joan da. Dena den, zurien bigarrena laster iritsi da.
Viniciusek amaiera ona eman dio Asensioren eta Benzemaren artean maisuki sortutako jokaldiari; izan ere, bi aldiz jo dute baloia orpoz area barruan. Norgehiagoka guztiz erabakita geratu da orduan
Luzapenean, Lejeunek Rodrygori egindako penaltia adierazi du epaileak, eta Benzema arduratu da aukera hori gauzatzeaz.
Fitxa teknikoa:
3 - Real Madril: Courtois; Carvajal (Lucas Vázquez, 87. min), Militao, Alaba, Mendy (Marcelo, 85. min); Casemiro, Valverde, Modric (Rodrygo, 82. min); Marco Asensio (Ceballos, 82. min), Vinícius (Hazard, 85. min) eta Benzema.
0 - Alaves: Pacheco; Tenaglia, Miazga, Lejeune, Duarte (Navarro, 83. min); Loum (Toni Moya, 83. min), Tomás Pina, Escalante (Edgar, 72. min), Jason (Pere Pons, 61. min), Luis Rioja (Manu Vallejo, 72. min); y Joselu.
Golak: 1-0, 63. min: Asensio. 2-0, 80. min: Vinícius. 3-0, 91. min: Benzema, penaltiz.
Epailea: José Luis Munuera Montero. Txartel horiak: Modric (Real Madril); Loum (Alaves).
Zure interesekoa izan daiteke
Sanchez Flores: “Berriro lehiatzeko prest gaudela uste dut”
Quique Sanchez Flores Alaveseko entrenatzaileak prentsaurrekoa eman du astelehen honetan babazorroek Valentziaren aurka jokatuko duten partida aztertzeko (jatorrizko adierazpenak, gaztelaniaz).
Aitor Mañasek alta jaso du, Racingen aurka garuneko kommozioa izan eta gero
Harrobiko jokalariak bere taldeak Valentziaren eta Athleticen aurka jokatuko dituen partidak galduko ditu, eta denborak argituko du hurrengo partidetak jokatzeko moduan izango den.
Guallarrek garaipena eman dio Alavesi Granadaren aurka (1-0)
Ainhoa Guallarrek lehen zatiko denbora erantsian sartutako golari esker Alaves Gloriosasek Granada mendean hartu du igande honetan eta denboraldiko bigarren garaipena lortu du Mendizorrotzan.
Sanchez Flores: “Ondo lehiatu gara, baina ez du eman"
Alaveseko entrenatzaileak Racingen aurka jasotako porrotari buruz hitz egin du (2-1) larunbat honetan, EA Sports Ligako 5. jardunaldiko partidan. Oso partida parekatua izan dela nabarmendu du, eta xehetasun txikiengatik erabaki dela.
Alavesek estropezu egin du Racingen aurka (2-1)
Alavesek 2-1 galdu du Racingen aurka Sardineron, Koskiren golari esker markagailuan aurrea hartu duen arren. Zabirik buelta eman dio markagailuari, 2 gol eginda. Aitor Mañasek kolpe gogorra hartu du buruan, eta esku-ohean atera dute zelaitik.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.