Joseluren bi golek garaipena eman diote Alavesi Cadizen (0-2)
Cadizen eta Alavesek Santander Ligako 10. jardunaldiko partida jokatu dute Nuevo Mirandilla futbol-zelaian.
Alavesen Javier Callejak Manu Garcia hasieratik jarri du eta Miguel de la Fuenteren ordez Loum; Cadizek, ordea, Alberto Perea eta Alvaro Negredo izan ditu nobedade hasierako hamaikakoan, aulkian Jens Jonsson eta Anthony Lozano geratu dira.
Partida hasi eta berehala heldu da gola gasteiztarrentzat, 5. minutuan Joseluk penaltiz egin du 0-1ekoa.
Erantzuna aurki heldu da, 10. minutuan Sobrinoren burukada langatik gora joan da esker hegaletik egindako erdiraketan; 24.ean berriro ere Sobrinok esker hankarekin jaurti, baina baloia gehiegi gurutzatu du Pachecoren aurrean. Alavesek Pellistriren oinetan bigarrena egiteko abagunea izan du, baina azken momentuan Espinok baloia kendu egin dio.
Partida nahiko irekia egon da lehen zatian.
Bigarrenean Cadiz gehiago izan da, 48. minuturako Negredok txilenaz jaurti eta Pachecok geldiketa bikaina egin behar izan du. Andaluziarrek baloia eta gol abaguneak izan dituzte eta gasteiztarrak defentsa lanean buru-belarri aritu dira markagailuko aldea mantentzeko.
Halere, Joseluk, buruz, bere bigarren gola egiteko aukera izan du, bere burukada Ledesmaren eskuetara joan da zuzen-zuzenean. Cadizek erasora jokatu du eta atzean hutsuneak utzi ditu; Joseluk 90.ean asmatu egin du bigarren eta azken gola egiteko.
HAMAIKAKOAK
0 - Cadiz: Ledesma; Carcelén, Haroyan, Chust (Alex Fernandez, 46'), Espino; Fali, Alarcon (Jonsson, m.46'), Salvi (Lozano, 67'), Perea; Sobrino (Jimenez, 83') eta Negredo.
2 - Alaves: Pacheco; Navarro, Laguardia, Miazga, Duarte; Moya (Pina, 83'), Loum, Manu García (Pons, 56'), Pellistri (Edgar, 61'), Rioja (Miguel, 77'); eta Joselu.
Epailea: Javier Alberola Rojas
Futbol-zelaia: Mirandilla Berria
GOLAK
0-1, Joselu, penaltiz (5')
0-2, Joselu (90')
Zure interesekoa izan daiteke
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Kumba Brima aurrelaria Alavesen arituko da 2026-2027 denboraldian
Futbolari sierraleonarrak Rigak utzita jokatuko du euskal taldean; Baltikoko Ligan, goleatzailerik onena izan da. 24 urtekoa jokalariak “indarra, gaitasun fisikoa eta arean trebetasuna” ditu, Alavesen arabera.
Quique Sanchez Flores: “Garaipenetik eurek baino gertuago egon garen sentsazioarekin goaz"
Alaveseko entrenatzaileak aitortu du taldea ez dagoela erabat gustura Rayo Vallecanoren aurka lortutako berdinketarekin. Madrilgo taldea Sergio Cabellok 48. minutuan egindako golarekin aurreratu da; markagailuan berdinketa jarri duen gola, berriz, Marianok egin du, 84.ean.
Marianok berdinketa eman dio Alavesi Rayoren aurka (1-1)
Alavesek markagailua berdindu du partidaren azken txanpan, Marianok Rayok defentsan egindako akats bat aprobetxatu eta gola sartu duenean.
Alaves haserre agertu da Rayok bere zaleentzako sarrerak ukatu dizkiolako
Talde gasteiztarrak "erabat" errefusatu du talde madrildarraren tesia, eta, bereziki, une oro Arabako zaleen presentzia gaur gaueko partidan errazteko prestutasun eta lankidetza handia egon delako baieztapena.
Moussa Diarra, Al Wahda FC taldera
Lehen taldearekin 32 partida ofizial jokatuta, Maliko atzelariak Arabiar Emirerrietan jarraituko du bere kirol ibilbidea.
Sanchez Floresek ez du nahi Rayok bizi duen egoera bereziak Alavesen aurka jokatzea
"Azkenean Madrilen jokatzen ari dira, euren zaleak eurekin egongo dira, eta aurkariari sakatzen dioten jarraitzaleak dira", ohartarazi du entrenatzaile babazorroak. Rayo Vallecanok partida atzeratzea eskatu du, baina LaLigak ez du eskaera hori onartu, eta neurketa Butarquen jokatuko da.
Mikel Rodriguez Alaveseko jokalari getariarrak amestutako debuta izan du lehen mailan
Realetik Alavesera eginda, jokalari getariarrak amestutako debuta izan zuen aurreko larunbatean EA Sports Ligan. 57. minutuan atera zuen Quique Sanchez Floresek Denis Suarezen ordez. Ondo baino hobeto aprobetxatu zuen aukera eta Alavesek Getaferi sartu zion hirugarren gola egin zuen.
Aitor Mañas: “Ikaragarria izan da horrela hastea; gehiago nahi dugu”
Alavesek 3-0 irabazi dio Getaferi EA Sports Ligako lehen jardunaldian. Rodriguez, Mariano eta Tenaglia izan dira babazorroen golegileak. Aitor Mañas debutariak eta Tenagliak "hasiera sinestezin" hori bizi ahal izateko zelaian bat gehiago egoteak izan duen garrantzia azpimarratu dute.
Alavesek garaipen handia lortu du Getaferen aurka, gorenean hasteko (3-0)
Tenaglia, Mariano eta Mikel Rodriguezen golek garaipena eman diete babazorroei, Femenia kanporatu ostean lortutako nagusitasunaz baliatuta.