Atleticoren kontra iritsi da Alavesen lehen garaipena (1-0)
Alavesek denboraldiko lehen garaipena lortu du Santander Ligan Atleticoren Madrilen kontra, egungo txapelduna. (1-0)
Gasteiztarrek ezin hobeto hasi dute neurketa, partidaren laugarren minutuan heldu baita etxekoen gola. Ruben Duartek erdiraketa egin korner batean eta Victor Laguardiaren burukada sare barruan amaitu da.
Markagailuan aurretik egonda lasaiago jokatu du etxeko taldeak eta egungo txapeldunak arazo asko izan ditu jokoa kontrolatzeko. Gol abagune asko ez dira egon eta Alavesek denboraldiko une onenak jokatu ditu lehen zati horretan Mendizorrotzako futbol-zelaian.
Atsedenaldira heldu arte Pablo Simeoneren gizonek bultzatu egin dute, baina ez dute golaren bidea topatu.
Bigarren zatian aldaketarik ez eta azken minutuetako gidoi bera. Baloia Atleticorena eta Alaves burua defentsan jarrita eta kontra erasorako prest.
52. minutuan Atleticok berdinketaren gola izan du, baina Laguardiak berak atearen marra gainetik atera du De Paulen erdiraketa; sei minutu geroago babazorroek bigarren izan dute ere, area barrutik Mamadou Ndiayek egindako jaurtiketa langatik gora joan da.
Atletico Madrilek hainbat aldaketa egin ditu partidaren nondik norakoa aldatzeko. Luis Suarezek buruz 76.ean bere aukera izan du, baina ez da fin ibili; minutu bat beranduago Joselu Matoren jaurtiketa kanpora joan da. Abagune askoz argiago izan du Pinak 80.ean area barrutik bigarrena egiteko, baina kanpora bidali du baloia.
Azkenean ez da gol gehiagorik egon eta Javi Callejaren taldeak lehen 3 puntu oso garrantzitsu eskuratu ditu.
HAMAIKAKOAK
DEPORTIVO ALAVES: Pacheco; Ximo Navarro, Miazga, Laguardia, Duarte (Alberto Rodríguez, 79'); Martín, Moya (Pina, 79'), Ndiaye, Rioja (Saúl García, 87'); De la Fuente (Pellistri, 61') eta Sylla (Joselu, 61').
ATLETICO MADRIL: Oblak; Trippier (Correa, 60'), Savic, Felipe, Hermoso (Herrera, 61'), Carrasco (Lodi, 60'); Kondogbia (Cunha, 60'), Llorente (Vrsaljko, 74'), De Paul; Griezmann eta Luis Suarez.
GOLA
1-0, Victor Laguardia (4')
Zure interesekoa izan daiteke
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.
Mikel Rodriguezek lotailu-haustura daukala baieztatu du Alavesek
Erdilari gipuzkoarra osteguneko entrenamenduan lesionatu zen, eta datozen hilabeteetan bajan izango da.
Quique Sanchez Flores: “Igandeko partida Mikelentzat izango da"
Alavesek denboraldiko lehen derbia jokatuko du igande honetan Osasunaren aurka, Mikel Rodriguezen lesioak baldintzatuta. Quique Sanchez Floresek onartu du aurrelaria nekez egongo dela jokatzeko moduan, eta Izei izango dela lehen aukera, nahiz eta Toni Martinezi atea irekita mantentzen dion, partidaren aurreko sentsazioen bilakaeraren zain.
Sergio Fernandez, Alaveseko kirol zuzendaria: “Badakigu Antonio Blancok klub askoren arreta erakartzen duela"
Fernandez jokalariez eta fitxaketa merkatuko azken mugimundiez aritu da. Horren harian, lehentasun nagusiak Antonio Blanco eta Ander Guevararen kontratu berritzeak direla azpimarratu du.
Alaves garaipenarekin estreinatu da Lehen Mailan (2-0)
Alavesek 2-0 irabazi dio Valentziari igande honetan, Mendizorrotzan, Moeve Ligako lehen jardunaldian, Kumba Brimaren eta Ainhoa Guallarren golei esker. Gasteizko taldeak hasiera ona eman dio maila goreneko estreinaldiari.
Lucas Boye: “Oso pozik nago taldeagatik, hiru puntuengatik, eta izan dugun hasieragatik"
Quique Sanchez Floresen Alavesek azken 25 urteetako hasierarik onena egin du. Bederatzi puntutik zazpi lortu ditu Vila-real mendean hartuta (1-0), Lucas Boyeren golari esker.
Alaves 1-0 garaitu du Vila-real Boyek bultzatuta
Argentinarraren golak bigarren garaipena eman die babazorroei, Liga hasiera bikainari jarraipena emanez.
Quique Sanchez Flores: “Vila-real errebelde jardungo delakoan nago”
Arabar taldearen entrenatzaileak badaki talde bikaina izango dutela aurrean, Iñigo Perez hango aulkira iritsi denetik aurrera egin duen Vila-real, hain zuzen ere. Dena den, argi du Alavesek ere baduela min egiteko modua.
Owono atezainak Andorran jokatuko du, Alavesek salduta
Gasteizen ia hamarkada bat eman ondoren, nora 16 urterekin iritsi zen, atezain donostiarrak erronka berri bati ekin dio bere ibilbidean, Printzerriko taldearen eskutik.
Sivera, berritzeari buruz: “Ez da erraza hain gustura egotea”
Antonio Sivera atezainak 2030. urtera arte luzatu Alavesekin duen kontratua. Gaur agerraldia egin du erabakiaz hitz egiteko.