Alaves Vila-reali gailendu zaio, Takashik bere lehen gola sartu duen partidan (1-2)
Alavesek 1 eta 2 irabazi egin du Vila-realen aurka La Ceramica futbol zelaian jokatutako partida. Jokoaren kontrola etxeko taldeak izan du, baina Abelardo Fernandezen jokalariek hobeto aprobetxatu dituzte izandako aukera apurrak.
Emaitza horri esker, arabarrak laugarren jarri dira Ligako sailkapenean, beste taldeen partiden emaitzen zain.
Vila-realek baloia Alavesen zelaian lapurtu duenean bakarrik sortu du arriskua. Bacca kolonbiarrak izan du lehen aukera areaz kanpotik egindako erremate baten bidez, eta handik minutu gutxira Ekambik jokaldia egin du eta Baccari pase oso arriskutsua ematea saihestu du Laguardiak.
Lehen zatian arabarrek aukera bat bera ere sortu ez duten arren, bigarrenean gasteiztarrak gogo gehiagorekin atera dira. Lehen minutuetan, Borja Bastonek oso behartuta errematatu du arean izandako aldaratze bat, eta bi minutu geroago Maripanek ez du hutsik egin: Alaves aurretik jarri du korner baten ostean buruarekin eginda erremate baten bidez.
Berdinketa eta Inuiren gola
Baina pozak gutxi iraun dio Alavesi. Manuk baloia eskuarekin urrundu du area barruan eta, VAR laguntzaile teknikoari jarraituz, epaileak penaltia adierazi du. Cazorlak jaurti eta banakoa jarri du markagailuan.
Vila-realen jokoak hobera egin du baina orduan Alavesen bigarrena iritsi da. Pinaren pasea Jonyk hartu du, Alvaro atzean utzi eta bere pasea Inuik errematatu du, garaipenaren gola eginez. Azkenean, 1-2; puntuak Gasteizera joan dira.
Fitxa teknikoa
1. Vila-real: Asenjo, Mario Gaspar, Víctor Ruiz, Funes Mori (Chukweze, 75. min), Álvaro, Pedraza; Iborra, Manu Morlanes (Fornlas, 79. min), Cazorla; Bacca eta Toko Ekambi (Gerard, 64. min).
2. Alaves: Pacheco, Rubén Duarte, Maripán, Laguardia, Vigaray; Jony, Manu García (Pina, 71. min), Brasanac, Inui (Wakaso, 85. min); Borja Bastón (Burgui, 77. min) eta Calleri.
Golak: 0-1, m.54: Maripan. 1-1, 61. min: Cazorla, penaltiz. 1-2, 77. min: Inui.
Zure interesekoa izan daiteke
Sanchez Flores: “Ondo lehiatu gara, baina ez du eman"
Alaveseko entrenatzaileak Racingen aurka jasotako porrotari buruz hitz egin du (2-1) larunbat honetan, EA Sports Ligako 5. jardunaldiko partidan. Oso partida parekatua izan dela nabarmendu du, eta xehetasun txikiengatik erabaki dela.
Alavesek estropezu egin du Racingen aurka (2-1)
Alavesek 2-1 galdu du Racingen aurka Sardineron, Koskiren golari esker markagailuan aurrea hartu duen arren. Zabirik buelta eman dio markagailuari, 2 gol eginda. Aitor Mañasek kolpe gogorra hartu du buruan, eta esku-ohean atera dute zelaitik.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.
Mikel Rodriguezek lotailu-haustura daukala baieztatu du Alavesek
Erdilari gipuzkoarra osteguneko entrenamenduan lesionatu zen, eta datozen hilabeteetan bajan izango da.
Quique Sanchez Flores: “Igandeko partida Mikelentzat izango da"
Alavesek denboraldiko lehen derbia jokatuko du igande honetan Osasunaren aurka, Mikel Rodriguezen lesioak baldintzatuta. Quique Sanchez Floresek onartu du aurrelaria nekez egongo dela jokatzeko moduan, eta Izei izango dela lehen aukera, nahiz eta Toni Martinezi atea irekita mantentzen dion, partidaren aurreko sentsazioen bilakaeraren zain.
Sergio Fernandez, Alaveseko kirol zuzendaria: “Badakigu Antonio Blancok klub askoren arreta erakartzen duela"
Fernandez jokalariez eta fitxaketa merkatuko azken mugimundiez aritu da. Horren harian, lehentasun nagusiak Antonio Blanco eta Ander Guevararen kontratu berritzeak direla azpimarratu du.