Alavesek puntu garrantzitsua atera du Espanyolen etxetik
Espanyolek eta Alaves hutsean berdindu dute. Partidak zale oso gutxi erakarri ditu RCDE Stadiumera eta zalean nabaritu egin da bi taldeek sailkapenean ezer gutxi dutela jokoan.
Berdinketari esker, Alavesek azken hiru porrotekin kateatutako bolada txarra eten du; Espanyolek, berriz, beste puntu bat gehitu du, baina ez da nahikoa zazpigarren postura hurbiltzeko.
Jaitsiera urrunduta eta beste helbururik izateko aukerarik gabe, Espanyolek eta Alavesek lehen zati kaskarra jokatu dute, gol aukera oso gutxirekin, eta erritmo baxuan jokatuz.
Arabarrak urrutiko jaurtiketen bidez saiatu dira, Pinak eta Torresek egindakoak. Kataluniarrek, berriz, Aaronek langara egindako jaurtiketa batean izan dute aukerarik onena. Jokaldia Gerard Morenok hasi du.
Quique Sanchez Floresen taldea bigarren zatian esnatu da, zaleek aldageletarako bidean txistu egin ostean lehen zatian agertutako kontrol ezagatik.
63. minutuan, Piattik arriskua eraman du Pachecoren areara eta, ondoren, Gerardek langa gainetik bidali du baloia Darderrek eta Melendok egindako jokaldian.
Gola, baliorik gabe
Guidettik baloia Espanyolen atean sartzea lortu du 74. minutuan, baina Alaveseko jokalaria jokoz kanpo egon da.
Abelardok Hernan eta Wakaso Espanyoleko jokalari ohiak zelairatu ditu, baina markagailuan ez da aldaketarik izan. Puntu bana, Espanyol eta Alavesentzat.
Fitxa teknikoa
0 - Espanyol: Pau López; Víctor Sánchez (Navarro, 67. min), David López, Duarte, Aarón; Jurado (Melendo, 46. min), Carlos Sánchez, Darder, Granero (Piatti, 46. min); Sergio García eta Gerard.
0 - Alaves: Pacheco; Aguirregabiria, Laguardia, Ely, Rubén Duarte; Sobrino, Pina, Torres, Burgui (Pedraza, 67. min); Guidetti (Hernán, 77. min) eta Munir (Wakaso, 84. min).
Zure interesekoa izan daiteke
Sergio Fernandez: “Gure asmoa da ez galtzea hazteko aukera ematen digun aktiborik”
Alaveseko kirol zuzendariak, asteartean, agerraldia egin du, komunikabideen aurrean, amaitu berri den denboraldiaren balantzea egitea helburu; Sergio Fernandezek, 2029ra arte berrituta, talde babazorroaren hainbat jokalariren egoera izan du hizpide.
Alavesek 2029ra arte berritu dio kontratua Sergio Fernandezi
Klub babazorroak astearte honetan iragarritakoaren arabera, kirol zuzendariak beste hiru denboraldiz luzatu du erakundearekin duen lotura.
Sanchez Flores: “Helburua beteta, beste helburu txiki batzuk geratzen zaizkigu"
Deportivo Alavesek lasai ekingo dio azken egunari. Babazorroek Oviedoren aurka ziurtatu zuten Lehen Mailan jarraituko dutela. Dena den, Quique Sanchez Floresek dio taldeak badituela helburuak Rayoren aurkako neurketan ere, bestelakoak badira ere.
Jon Pachecori ebakuntza egin diote eskuineko orkatilean
Gipuzkoako Poliklinikan egin diote ebakuntza jokalari baztandarrari.
Asier Villalibrek Racing Santanderren jarraituko du, EA Sports Ligan
Gernikako aurrelariak Hypermotion Ligan jokatu du 2025-2026 denboraldia, Alavesek utzita. Rancingek lehen mailara igoera lortuz gero, Kantabriako taldeak jokalaria derrigor erosiko zuela adostu zuten bi taldeek, eta, beraz, bizkaitarrak Racingen jarraituko du.
Blanco: “Partidaren amaiera festa bat izan da"
Alaveseko kapitainak Oviedoren aurka lortutako garaipenaz (0-1) eta Lehen Mailan jarraitzea lortu izanaz hitz egin du EA Sports Ligako azken-aurreko jardunaldian.
Alavesek salbazioa ziurtatu du Oviedon irabazita (0-1)
Toni Martinezek lehen zatian sartutako golak hiru puntuak eman dizkie babazorroei, eta 43 punturekin maila gorenean jarraituko dutela ziurtatu dute.
Quique Sanchez Flores: “Partida oso serio hartu behar dugu"
Alavesek EA Sports Ligan jarraitzea ziurta dezake igande honetan, Oviedoren aurka Tartieren jokatuko duen partidan.
Antonio Blanco: “Talde bat izanik, hau aurrera doala erakutsi dugu”
Deportivo Alavesek jaitsiera postuetatik ihes egitea lortu du Bartzelonari 1-0 irabazita. Partiduaren ostean, Antonio Blancorekin hitz egin dugu, eta zaleei eskerrak eman nahi izan dizkie Alavesen bizi izan duen “gaurik politenetako” batean. (Bideoa gazteleraz)
Diabatek txapeldunaren aurka sartutako gol batek mailari eusteko bidean jarri du Alaves (1-0)
Quique Sanchez Floresen taldeak ezerezean utzi du ligako txapeldunaren erasoa. Lehen zatia bizi joan da, eta Ibrahim Diabatek aurretik jarri du talde babazorroa, azken jokaldian.