Alavesek Mendizorrotzan zuen bolada ona eten du Betisek (1-3)
Betisek puntuak eraman ditu Alavesen gotorlekutik Lorenen (bi) eta Javi Garciaren (bat) golen bidez (1-3), eta, horrenbestez, babazorroek Mendizorrotzan Liga eta Kopa artean galdu gabe zeramaten 10 partidako bolada ona etetea lortu dute andaluziarrek (Alavesek ez zuen etxean galtzen azaroaren 25etik).
Betisek hasiera-hasieratik eskuratu du baloiaren jabetza, eta partidari ekin eta berehala lehendabiziko aukera garbia izan du. Lorenek gidatutako kontraeraso batean, joan zen urtean Alavesen elastikoa jantzi zuen Victor Camarasa ez da heldu baloia errematatu ahal izatera. Alabaina, hurrengo jokaldian, Munirrek izan du abagune garbia, baina ez du asmatu Adanen aurrean.
Baloia area batetik bestera zebilen hastapeneko minutu horietan, Camarasak lehen gola sartzeko beste aukera bat izan du, baina kanpora joan zaio buruaz errematatutako baloia. Setienen taldeak ekinean jarraitu du, eta Lorenek saria aurkitu du Fernando Pacheco ezin hobeto gainditu ostean. Marrazainak banderatxoa altxatu badu ere, epaile nagusiaren aburuz, Manu Garcia Alaveseko atzelariak ukitu ostean heldu zaio baloia Betiseko aurrelariari.
Gol horren ondoren, bisitariek baloia lokartu dute eta neurketak galdu egin du ordura arte zeukan erritmoa. Hala izan da ia atsedenaldira heldu bitartean; hain zuzen ere, Javi Garciak kanpotarren bigarrena egin duen arte, Alaveseko jokalariek urruntzen asmatu ez duten korner batean.
Bazirudien lehia bideratuta zegoela andaluziarren alde; aitzitik, Abelardo Fernandezek zuzentzen dituen gizonek gora egin dute Alfonso Pedrazaren eskutik, baina ez du Adan gainditzerik lortu bere saiakeran. Gerora, ordea, Ruben Sobrinoren txanda heldu da, eta bere taldekideak baino iaioago jardun du Betiseko atezainaren aurrean. Golak etxekoak piztu ditu eta Munirrek eskura izan du partidaren berdinketa. Haatik, Loren izan da bere taldearen hirugarren gola egin duena kontraeraso batean (andaluziar gazteak sei norgehiagoka jokatu ditu debutatu zuenetik eta dagoeneko bost gol erdietsi ditu).
Gaurko partidaren ostean, arabarrak jaitsiera postuetatik hamaika puntura jarraitzen dute; andaluziarrak, berriz, une honetan Gironak duen zazpigarren postutik hiru puntura jarri dira.
Fitxa teknikoa:
Alaves 1: Pacheco; Martin, Laguardia, Ely (Hernán Pérez, 80. min), Duarte; Ibai Gomez (Bojan, 76. min), Pina, Manu Garcia, Pedraza (Burgui, 61. min); Sobrino eta Munir.
Betis 3: Adan, Francis, Mandi, Bartra, Junior; Camarasa (Tello, 69. min), Javi Garcia, Fabian, Boudebouz; Loren (Sergio Loren, 81. min) eta Ruben Castro (Amat, 62. min).
Golak: 0-1, 22. min: Loren. 0-2, 44. min: Javi García. 1-2, 66. min: Sobrino. 1-3, 78. min: Loren.
Epailea: Del Cerro Grande. Ely eta Laguardia (Alaves); Adan, Camarasa eta Javi Garcia (Betis).
Zure interesekoa izan daiteke
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Lucas Boye: “Beti gainditu nahi dut nire burua eta helburua gutxiago sufritzea da”
Lucas Boyek bigarren denboraldia du Alavesen. Aurrelari argentinarrak denboraldi honetan "etxean gure jendearekin gozatzeko gogoz" dagoela adierazi du. Oporretan gustora egon dela ere onartu du, joan den denboraldian izandako gaitz fisikoetatik sendatzeko balio izan diotelako. Taldeak merkatuan mugimenduiak egitea espero du eta, azkenik, ez du esan nahi izan zenbat gol sartuko dituen, baina bai aurreko denboraldian egindakoa gainditzea eta ez sufritzea direla helburuak. (Bideoa gazteleraz).
Unai Roperok utzita jokatuko du hirugarren denboraldia jarraian, oraingoan Racing Ferrolen
Ibaiako harrobiaren aurrelari gasteiztarra Herculesen aritu zen utzita joan den denboraldian. Era berean, duela bi denboraldi Eldensen jokatu zuen utzita.
Alavesek lehenengo lan saioa egin du Ibaian
Quique Sanchez Floresek zuzentzen duen taldeak lehen entrenamendua egin du asteazken goizean. Hilaren 18an, Guardian, talde babazorroak bere lehen lagunartekoa jokatuko du, Eibarren aurka.
Protesoni: “Eskaintza batzuk entzun dira, baina ez nuen Gasteiztik alde egin nahi"
Atzelari uruguaitarrak 2028ra arte berritu du kontratua Alavesekin. Protesonik prentsaurrekoan adierazi duenez, "Quiquek (Sanchez Flores), iritsi denetik, konfiantza handia eman dit".
Alaves lanean hasi da, eta lehen azterketa medikuak burutu ditu
Multzoka, Gasteizko taldeko jokalariei mediku azterketak egiten hasi zaizkie. Asteazkenean izango du Alavesek denboraldiaurreko lehenengo entrenamendua.
Alavesek Oltra fitxatu du Sanchez Floresen laguntzaile gisa, lantalde teknikoa sendotzeko
Prestatzaile valentziarrak ibilbide luzea du aulkietan. Oltrak Huesca, Levante, Tenerife, Deportivo A Coruña, Kordoba, Granada, Recreativo de Huelva eta Eldense zuzendu ditu, besteak beste.
Itziar Gastearena, Elene Errasti, Jimena Vicario, Raquel Gil eta Vicky Chicak ez dute Alavesen jarraituko
Gastearena bi arotan izan da talde babazorroan. Errastik talde gasteiztarra utziko du bost denboraldiren ostean. Vicario eta Gil duela bi denboraldi iritsi ziren Alavesera, eta Chica joan den udan heldu zen Arabako hiriburura.
Aitor Mañasek 2030era arte berritu du Alavesekin, eta lehen taldera egin du jauzi
Aurrelari madrildarra aurreko denboraldian iritsi zen Gasteizera, Deportivo Aragon taldetik, Aragoiko bigarren taldean denboraldi bikaina egin eta gero.
Alavesen utzita egon diren Calebe, Diabate eta Pachecok ez dute klubean jarraituko
Talde babazorroak "bere profesionalasuna eta konpromisoa" eskertu nahi izan die jokalariei.