Alavesek partida irauli eta garaipena lortu du Ibairen hiru goli esker (2-3)
Ibai Gomezek sartutako hiru golen bidez Alavesek ezinezkoa zirudien norgehiagoka bat bereganatu du Montilivin, Gironaren etxean (2-3), ligako hamalaugarren jardunaldia itxi duen partidan. Izan ere, gasteiztarrak bi gol azpitik zeuden 62. minutuan, baina Abelardo Fernandezen aginduetara dauden mutilak partida iraultzeko gai izan dira azken minutuan.
Pablo Machinek zuzentzen duen talde katalanak bigarren zatira arte itxaron behar izan du markagailuan aurretik jartzeko. Stuanik Alexis gainditu du buruz burukoan, eta Pachecoren ahalegina saihestu du, 59. minutuan. Hori gutxi ez, eta handik hiru minutura etxekoek bigarrena erdietsi dute korner batean, Juanperen burukada dela medio.
Ordura arteko Alavesen jokoa ikusita, etxekoek garaipena eskuan zutela pentsatu dute, baina egindako aldaketek mesede egin diete babazorroei. Hartara, Pedrazak ezker hegaletik egindako jokaldi batean, Ibai Gomezi eman dio baloia, eta honek gola sartu du bigarren ahaleginean; lehendabizikoa atezainak gelditu baitio, baina ezin izan du aldaratzea ekidin.
Alavesek berdinketa lor zezakeela sinetsi du, eta 87. minutuan iritsi da. Epaileak ez du zalantzarik izan Bounou Gironako atezainak Pedrazari area barruan egin dion falta argiaren aurrean penaltia adierazteko. Ibaik hartu du penaltia jaurtitzeko ardura, eta ez du barkatu bere ahaleginean.
Norgehiagoka amaituta zegoela zirudienean eta ikusle guztiek puntu banaketa egon behar zela uste zutenean, Ibai agertu da beste behin ere. Bilbotarrak ezin hobeto baliatu du Munirrek egindako jokaldi aparta, eta area barrutik egindako jaurtiketak atezaina gainditu du hirugarren aldiz.
Horrenbestez, Alavesek bederatzi puntu ditu sailkapenean, eta salbaziotik hiru puntura jarri da. Girona, bere aldetik, 17 punturekin geratu da, sailkapenaren erdialdean.
Fitxa teknikoa:
Girona 2: Bono; Pablo Maffeo, Juanpe, Bernardo Espinosa (Jonás Ramalho, 42. min), Marc Muniesa, Johan Mojica; Pere Pons, Àlex Granell, Borja García (Douglas Luiz, 80. min), Portu (Aday Benítez, 89. min); eta Cristhian Stuani.
Alaves 3: Fernando Pacheco; Martín Aguirregabiria, Alexis Ruano, Guillermo Maripán, Rubén Duarte; Ibai Gómez, Tomás Pina (Dani Torres, 80. min), Álvaro Medrán, Mubarak Wakaso (Alfonso Pedraza, 70. min); Bojan Krkic (Burgui, 62. min) eta Munir El Haddadi.
Golak: 1-0, 59. min: Cristhian Stuani. 2-0, 62. min: Juanpe. 2-1, 71. min: Ibai Gómez. 2-2, 87. min: Ibai Gómez (penaltiz). 2-3, 93. min: Ibai Gómez.
Epailea: Javier Alberola Rojas. Txartel horiak: Bono (Girona) eta Martín Aguirregabiria eta Rubén Duarte (Alaves).
uarte (Alaves).Zure interesekoa izan daiteke
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Lucas Boye: “Beti gainditu nahi dut nire burua eta helburua gutxiago sufritzea da”
Lucas Boyek bigarren denboraldia du Alavesen. Aurrelari argentinarrak denboraldi honetan "etxean gure jendearekin gozatzeko gogoz" dagoela adierazi du. Oporretan gustora egon dela ere onartu du, joan den denboraldian izandako gaitz fisikoetatik sendatzeko balio izan diotelako. Taldeak merkatuan mugimenduiak egitea espero du eta, azkenik, ez du esan nahi izan zenbat gol sartuko dituen, baina bai aurreko denboraldian egindakoa gainditzea eta ez sufritzea direla helburuak. (Bideoa gazteleraz).
Unai Roperok utzita jokatuko du hirugarren denboraldia jarraian, oraingoan Racing Ferrolen
Ibaiako harrobiaren aurrelari gasteiztarra Herculesen aritu zen utzita joan den denboraldian. Era berean, duela bi denboraldi Eldensen jokatu zuen utzita.
Alavesek lehenengo lan saioa egin du Ibaian
Quique Sanchez Floresek zuzentzen duen taldeak lehen entrenamendua egin du asteazken goizean. Hilaren 18an, Guardian, talde babazorroak bere lehen lagunartekoa jokatuko du, Eibarren aurka.
Protesoni: “Eskaintza batzuk entzun dira, baina ez nuen Gasteiztik alde egin nahi"
Atzelari uruguaitarrak 2028ra arte berritu du kontratua Alavesekin. Protesonik prentsaurrekoan adierazi duenez, "Quiquek (Sanchez Flores), iritsi denetik, konfiantza handia eman dit".
Alaves lanean hasi da, eta lehen azterketa medikuak burutu ditu
Multzoka, Gasteizko taldeko jokalariei mediku azterketak egiten hasi zaizkie. Asteazkenean izango du Alavesek denboraldiaurreko lehenengo entrenamendua.
Alavesek Oltra fitxatu du Sanchez Floresen laguntzaile gisa, lantalde teknikoa sendotzeko
Prestatzaile valentziarrak ibilbide luzea du aulkietan. Oltrak Huesca, Levante, Tenerife, Deportivo A Coruña, Kordoba, Granada, Recreativo de Huelva eta Eldense zuzendu ditu, besteak beste.
Itziar Gastearena, Elene Errasti, Jimena Vicario, Raquel Gil eta Vicky Chicak ez dute Alavesen jarraituko
Gastearena bi arotan izan da talde babazorroan. Errastik talde gasteiztarra utziko du bost denboraldiren ostean. Vicario eta Gil duela bi denboraldi iritsi ziren Alavesera, eta Chica joan den udan heldu zen Arabako hiriburura.
Aitor Mañasek 2030era arte berritu du Alavesekin, eta lehen taldera egin du jauzi
Aurrelari madrildarra aurreko denboraldian iritsi zen Gasteizera, Deportivo Aragon taldetik, Aragoiko bigarren taldean denboraldi bikaina egin eta gero.
Alavesen utzita egon diren Calebe, Diabate eta Pachecok ez dute klubean jarraituko
Talde babazorroak "bere profesionalasuna eta konpromisoa" eskertu nahi izan die jokalariei.