Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Ingalaterrak garaipen handia lortu du 2026ko Munduko Txapelketan, Miamiko Hard Rock Stadiumean Frantziari 6-4 irabazita. Partida ikusgarri eta zoroa izan da, eta historiara igaroko da, bai jokoaren garapenagatik, bai protagonistek ezarritako errekorrengatik.
Thomas Tuchelek zuzentzen duen taldeak ia erabakita utzi du partida atsedenaldirako. Declan Ricek 3. minutuan ireki du markagailua, eta handik gutxira Ezri Konsak aldea handitu du korner baten ostean. Bukayo Sakak, lehen zatiko jokalaririk erabakigarrienak, beste bi gol sartu ditu, eta 0-4koa ezarri du markagailuan.
Frantziak, lehen zatian defentsan erabat gaindituta eta erreakzionatzeko gai izan gabe aritu ondoren, aurpegia erabat aldatu du atsedenaldiaren ostean. Didier Deschampsek hainbat aldaketa egin ditu, eta Ousmane Dembele zein Bradley Barcola zelairatu ditu.
Kylian Mbappe izan da susperraldiaren gidaria. Real Madrileko aurrelariak bi gol sartu ditu, eta, horiei esker, Lionel Messi gainditu du Munduko Txapelketen historiako goleatzailerik onena bihurtuta, 22 golekin. Bien bitartean, Bradley Barcolak ere gola egin du Mbapperen paseari esker, eta Frantziak 3 eta 4koa jarri du markagailuan.
Hala ere, Frantzia nagusi zenean eta berdinketa gertu zuenean, Ingalaterrak gola sartu du penalti puntutik. Sakak 3-5ekoa ezarri du eta frantziarren bultzada eten du, nahiz eta handik gutxira Dembelek aldeak murriztu dituen.
Azken unean, Jude Bellinghamek banakako jokaldi bikaina egin du 4-6koa sinatzeko, hirugarren postua Ingalaterrarentzat ziurtatuz eta, gainera, Munduko Txapelketaren edizio berean gol gehien sartu dituen jokalari ingelesa bihurtuz, zazpi golekin.
Frantzia dominarik gabe geratu den arren, Mbappe jardunaldiko izen handienetako bat izan da. Munduko Txapelketetako golegile historiko nagusia izateaz gain, aurrelari frantziarrak abantaila hartu du txapelketako Urrezko Botaren lehian, hamar golekin, Lionel Messik baino bi gol gehiagorekin. Lionel Messik, ordea, aukera izango du aldea murrizteko Espainiaren aurkako finalean.
Zure interesekoa izan daiteke
26/27 Txapeldunen Liga jokatuko duten LaLigako taldeek liga faseko aurkariak ezagutu dituzte
Real Madrilek, FC Bartzelonak, Atletico Madrilek, Real Betisek eta Vila-realek badakite zein talderen aurka jokatuko duten lehen kanporaketan.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.