Suitza lehen postuan sailkatu da, Kanada bigarren eta Bosnia hirugarren, eta Qatar kanpoan geratu da
Suitzak 2-1 irabazi dio Kanadari B multzoko azken jardunaldian, Johan Manzambi eta Ruben Vargasen beste partida on bati esker. Bosnia-Herzegovinak, berriz, Kerim Alajbegovic, Ermin Mahmic eta Sultan Al-Brakek bere atean sartutako golei esker, Julen Lopetegiren Qatarri irabazi dio (3-1).
Bosniako jokalariak, goletako bat ospatzen. Argazkia: EFE
Suitzak B multzoko lehen postuan sailkatu da 2026ko Munduko Txapelketako final-hamaseirenetarako. Kanadak ere aurrera egin du bigarren postuan. Bosniak hirugarren postuan bukatu du, eta laukote guztien azken sailkapenaren zain egon beharko da, hirugarren sailkatu zortzi onenen artean burua sartzeko itxaropenarekin.
Suitzak zazpi puntu lortu ditu, Kanadari 2-1 irabazita. Kanada bigarren da, lau punturekin; Bosnia-Herzegovinaren puntu kopuru bera, baina Ipar Amerikako selekzioaren atzetik da, gol-alde okerragoa duelako.
Julen Lopetegi hautatzaile asteasuarrak zuzendutako Qatar, aldiz, Balkanetako taldearen aurka 3-1 galdu ondoren, Munduko Txapelketatik at geratu da, multzoko azkena geratu baita.
Suitzak Kanadari irabazi dio (2-1) gaur, Johan Manzambi eta Ruben Vargasen beste neurketa on bati esker. Anfitrioiak lidergoa defendatzeko eta bere ikusleen aurrean Vancouverren jokatzen jarraitzeko norgehiagoka galdu du. Beraz, jardunaldi gazi-gozoa izan da Kanadarentzat, final-hamaseirenetarako sailkapen historikoa lortu baitu, baina ez du kanporaketa hori etxean jokatuko.
Vargasek eta Manzambik, aurreko jardunaldian Bosniaren aurka erabakigarriak izan zirenak, Suitzari lidergoa eman dioten golak egin dituzte. Suitzarrek hirugarren sailkatu baten aurka jokatuko dute, eta hasierako fasea gainditzeko ohitura bete dute berriro (azken zazpi txapelketetatik seitan).
Bestalde, Bosnia-Herzegovinak, Kerim Alajbegovic, Ermin Mahmic eta Sultan Al-Brakek bere atean sartutako golekin, Qatarri irabazi dio. Hassan Alhaydosek aldea murriztu du, baina Qatarrek ez du berdintzerik izan.
Suitzak uztailaren 3an, ostirala, jokatuko ditu final-hamaseirenak, hirugarren sailkatu baten aurka (konbinazioak E, F, G, I edo J multzoak barne hartzen ditu), Vancouverren; Kanadak, berriz, ekainaren 28an, igandea, A multzoko bigarrenaren kontra neurtuko ditu indarrak (Hego Korea, Txekiar Errepublika edo Hegoafrika izan daitezke), Los Angelesen.
Bosnia multzo guztietako zortzi hirugarren onenen artean egotearen zain geratzen da. Bere lau puntuek, -1eko gol-aldearekin, bere sailkapena zalantzan uzten dute oraindik, hirugarren jardunaldiko gainerako partiden zain.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Cristiano Ronaldo, sei Munduko Txapelketatan gutxienez gol bat sartzea lortzen duen historiako lehenengo jokalaria
Portugalgo selekzioko jokalariak, 41 urtekoa bera, hamar gol egin ditu, orain arte, sei Munduko Txapelketa hauetan: 2006koan, Alemanian, gol bat; 2010ekoan, Hegoafrikan, gol bat; 2014koan, Brasilen, gol bat; 2018koan, Errusian, lau gol; 2022koan, Qatarren, gol bat; eta 2026koan, Mexikon, estatu Batuetan eta Kanadan, oraingoz bi gol.
Kolonbia final-hamaseirenetan da, Panama kanpoan geratu da eta Ingalaterrak husna berdindu du Ghanaren aurka
Kolonbiarrek 1-0 irabazi diote Kongoko Errepublika Demokratikoari; Kroaziak, 0-1 Panamari, eta Ingalaterrak golik gabe berdindu du Ghanaren aurka.
Cristianok bi gol sartu ditu eta Portugalek lehen garaipena lortu du, Uzbekistanen aurka (5-0)
Funchaleko aurrelaria da sei Munduko Txapelketatan gola sartu duen lehen futbolaria. Nuno Mendesek, Abduvohid Nematov atezainak bere atean sartutako gol batek eta Rafael Leaok egindako gol batek osatu dute portugaldarren aldeko gol-zaparrada.
Norvegiako zaleek arraun egin dute Times Squaren
Norvegiako zaleek jada aski ezaguna den eran animatzen dute euren selekzioa: arraunean. Atzo, hainbat zale bildu ziren New Yorkeko Times Squaren eta irudi ikusgarriak utzi dituzte lehorreko arraunlariek.
Frantzia eta Norvegia final-hamaseirenetarako sailkatu dira, eta Aljeriak lehen hiru puntuak lortu ditu
Frantziako selekzioa 3-0 nagusitu zen Iraken aurka, Norvegiak Senegali 3-2 irabazi zion, eta Aljeriak garaipena lortu zuen Jordaniaren aurka (1-2).
Messik bere itzala handitu du, Argentinak Austriari irabazi dio, eta final-hamaseirenetan izango da (2-0)
Erabakitasunez eta 9. minutuan huts egindako penaltia madarikatu gabe, Messik eta Argentinak iragarpenak bete dituzte. Austriak presio itogarria egingo zuela espero zen, eta, azkenean, ez da horrenbesterako izan.
Messi, Munduko Txapelketen historiako golegilerik onena
Austriaren aurkako partidan, 38. minutuan, sartutako golarekin golegilerik onena bihurtu da izar agentinarra. 9. minutuan egin ahal izan du gola penalti puntutik, baina huts egin du. Neurketaren luzapenean bere bigarren gola sartu Messik. Oraingoz 18 gol dira, Klosek baino bi gehiago.
Egiptok Zeelanda Berria menderatu du (1-3), eta Uruguaik eta Cabo Verdek berdindu dute (2-2), Munduko Txapelketan
G multzoan, Egipto, Zeelanda Berriari gailenduta, lider dabil, lau puntu eskuratuta, eta H multzoan, ordea, Urugaik eta Cabo Verdek bina puntu dituzte, eta sailkapenean lau puntu dituen Espainiaren atzetik dabiltza, hirugarren eta azken jardunaldia gelditzen dela.