Cristianok bi gol sartu ditu eta Portugalek lehen garaipena lortu du, Uzbekistanen aurka (5-0)
Funchaleko aurrelaria da sei Munduko Txapelketatan gola sartu duen lehen futbolaria. Nuno Mendesek, Abduvohid Nematov atezainak bere atean sartutako gol batek eta Rafael Leaok egindako gol batek osatu dute portugaldarren aldeko gol-zaparrada.
Portugalgo jokalariak, Nuno Mendesek faltaz sartutako goloa ospatzen. Argazkia: EFE
Cristiano Ronaldok logika inposatu du gaur eta Portugalen alde aurpegia eman du Munduko Kopako lehen garaipena eskuratzeko, Uzbekistani 5-0 irabazita, Houstonen. Gainera, Funchaleko aurrelari ospetsua sei Munduko Txapelketatan gola sartu duen lehen fubolaria da.
Bere selekzioaren inguruan astebeteko ekaitza izan ondoren, estreinakoan Kongoren aurka bana berdindu ostean, CR7k zelaian erantzun du, eta dagoeneko 975 gol sartu ditu bere ibilbidean. Gaurko garaipenari esker, Portugalek bere esku du K multzoko lehen postua lortzea, ekainaren 27an, Miamin, Kolonbiaren aurka jokatuko duen norgehiagokan.
Nuno Mendesek, Abduvohid Nematov atezainak bere atean sartutako golak eta Rafael Leaok egindakoak osatu dute Portugalgo taldearen aldeko gol-zaparrada.
Cristiano Ronaldok asko ospatu du bere aurreneko gola, Abduvohid Nematov atezaina bolea indartsu batekin gainditu ondoren, seigarren minutuan. Joao Cancelok eskuin hegaletik egindako erdiraketa bat aprobetxatu du Funchaleko aurrelariak. NRG Stadiumeko 68.000 ikusleren baino gehiagoren poza eragin duen 1-0ekoa izan da.
Kongoren aurka ez bezala, Portugalek zuzen jokatzen jarraitu du. Emaitza? Beste bi gol eta partida erabakita, atsedenaldian.
17. minutuan, Nuno Mendesek 2-0ekoa jarri du markagailuan. Kamerek Cristiano Ronaldoren gainean jarri dute arreta, 17 metroetatik baloia berak astindu behar zuelakoan. Baina Nuno Mendesek ezkerrez indartsu jaurti eta Nematov Uzbekistango atezaina bigarrenez gainditu du. Hidratazio-etenaldiaren ondoren, CR7k bere bigarren gola egin du 38. minutuan, eskuinarekin, Bruno Fernandesen asistentzia baliatuta.
Portugalek baloiaren agintea izan du eta abantaila ezin hobeto kudeatu du. Cristianok bre hirugarren gola egiteko aukera izan du, baina ez du asmatu. Segidan, hurrengo kornerrean, Nematovek bere atean sartu du baloia, area txikian errebote batzuk izan ostean.
4-0ekoak formaltasun bihurtu ditu azken minutuak Portugalentzat. Martinezek Francisco Conceição, Trincao, Rafael Leao eta Bernardo Silva Real Madrileko jokalari berria zelairatu ditu, eta Cristiano zelaian utzi du 90 minutuetan, bigarren partida jarraian.
Portugalek nahi bezala jokatu du, eta 87. minutuan azken gola egin du Leaok, area barruan baloi solte bat errematatuta. Horrela, Portugalek burua altxatu eta abisua bidali dio Kolonbiari, multzoen fasea itxiko duen neurketan izango duen hurrengo aurkariari.
Zure interesekoa izan daiteke
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.
Unai Simon, 2026ko Munduko Txapelketako atezainik onena
Athletic Clubeko jokalariak Urrezko Eskularruaren saria jaso du, txapelketa osoan zehar gol bakarra jaso du eta.
Unai Simon: “Munduko Txapelketa irabazteak ez du parekorik”
Unai Simon Athleticen atezainak nola sentitzen den adierazi du hedabideen aurrean, Munduko Txapelketa eta atezain onenaren Urrezko Eskularrua irabazi ondoren.
Espainia, munduko txapeldun luzapenean Argentina garaituta (1-0)
Luzapenera arte joan den partidan, Ferranek sartu du norgehiagokako gol bakarra, Nico Williamsen asistentzia bikaina baliatuta.
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Messik hirugarren aldiz joka lezake Munduko Txapelketako finala, eta Cafurekin berdinduko luke
Leo Messik, Argentinako selekzioarekin, 2014koa eta 2022koa jokatu zituen, Brasilen eta Qatarren, hurrenez hurren; Cafuk, Brasilekin, 1994koan (Estatu Batuetan), 1998koan (Frantzian) eta 2002koan (Japonian) parte hartu zuen. Oraingoz, Messik behin irabazi du Munduko Txapelketa, 2022an, eta Cafuk, bi aldiz.