Ekuadorrek ezin izan du Curaçaoren harresia gainditu (0-0), eta Japoniak Tunisia jipoitu du (0-4)
2026ko Munduko Txapelketako multzoen faseko bigarren jardunaldiak kontrako sentsazioak utzi ditu: Ekuadorrek golik gabeko berdinketa lortu du Curaçaoren aurka, eta Alemaniaren aurkako neurketan sailkapena izango du jokoan. Japoniak, berriz, erakustaldia eman du Tunisiaren aurka (0-4) eta ia ziurtatuta du hurrengo faserako txartela.
Japoniako jokalariak garaipena ospatzen. Argazkia: EFE
2026ko Munduko Kopan Ekuadorrek beste kolpe bat jaso du, oraingoan Curaçaoren aurka 0-0 berdindu baitu. Boli Kostaren aurka galduta hasi zuen txapelketa, eta orain Alemania menderatu beharko du azken jardunaldian, aurrera egiteko aukerei eusteko.
Sebastian Beccacecek zuzentzen duen taldeak abagune ugari sortu ditu, baina Eloy Room aurkitu du aurrean. Curaçaoko atezaina erabakigarria izan da, eta geldiketa bikainak egin ditu. Enner Valencia izan da arrisku gehien sortu dituen jokalarietako bat, baina atezainak, langak eta erremateen zehaztasun faltak gola ukatu diote Ekuadorri.
Karibeko selekzioak, atzean eusteaz gain, arriskua sortu du Juninho, Leandro Bacuna eta Tahith Chong jokalariekin. Berdinketa honi esker, Munduko Kopa batean lehen aldiz puntu bat lortzeaz gain, sailkatzeko aukerak izaten jarraitzen du.
Bestalde, Japoniak 0-4 garaitu du Tunisia. Asiako taldeak bere bertsio sendo, bizi eta eraginkorrena erakutsi du F multzoan, 4 puntu bildu ditu jada, eta ia segurua da aurrera egingo duela.
Daichi Kamadak egin du lehen gola, kontraeraso batean. Ayase Ueda izan da partidako protagonista nagusia: bi gol sartu ditu, eta pase ikusgarria eman du Junya Itok gola egin duen jokaldian.
Tunisiak, Herve Renard entrenatzaile berriarekin, ez du jakin erreakzionatzen, eta ez du jaurtiketa bakar bat ere egin atera. Porrot honen eraginez, Afrikako taldeak ez du aurrera egiteko aukerarik, 2 partida jokatuta, biak galdu eta 9 gol jaso baititu.
Japoniako eta Herbehereetako selekzioek F multzoko lidergoa izango dute jokoan azken jardunaldian. Ekuadorrek, berriz, Alemania izango du aurkari final baten pareko neurketan.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Undaven gol berantiarrak garaipena eman dio Alemaniari Boli Kostaren aurka (2-1)
Alemaniako selekzioak asko sufritutako garaipena lortu du Boli Kostaren aurka 2026ko Munduko Txapelketan, Deniz Undaven bi golei esker. Undavek azken hasperenean egin du behin betiko 2-1ekoa jarri duen gola, 94. minutuan.
Brobbeyk eta Gakpok garaitu dute Suedia (5-1)
Ronald Koemanen selekzioak mendean hartu du Suediakoa, Interreko aurrelariaren bi golekin, Liverpooleko hegalekoaren beste birekin eta Summervilleren beste batekin, eta F multzoko lehen postua eskuratu du, Tunisiaren eta Japoniaren arteko partida jokatu aurretik.
Unai Emery: “Premier League niretzat erakargarria da"
Aston Villa taldeko entrenatzaile hondarribiarra etxean egun batzuk pasatzen ari da, ez baitu ahaztu nondik datorren. Premier Leagueko euskal entrenatzaileen egoera aztertu, eta Mikel Arteta, Andoni Iraola eta Xabi Alonso goraipatu ditu.
Maroko eta Brasilen garaipenak C multzoan; Paraguaik, berriz, Munduko Txapelketatik bota du Turkia
Marokok garaipena lortu du Eskoziaren aurka Saibariren gol goiztiar batekin (0-1), Cunharen bi golek eta Viniciusen batek multzoko lidergoa eman diote Brasili Haiti garaituta (3-0), eta Paraguaik lehen garaipena lortu du Munduko Txapelketan Turkiaren aurka (1-0), nahiz eta bigarren zati osoa gizon bat gutxiagorekin jokatu.
AEB final-hamaseirenetara sailkatu da Australia 2-0 menderatuta
Cameron Burgessek bere atean sartutako gol batek eta Alex Freemanek lehen zatian buruz egindako batek eman diote garaipena AEBko selekzioari.
Mexiko sailkatu da, eta Kanadak historia egin du 2026ko Munduko Txapelketan
Mexiko da final-hamaseirenetara sailkatu den lehen selekzioa, Hego Korea 1-0 gaindituta; Kanadak, berriz, lehen garaipena eskuratu du Munduko Kopan, Qatar 6-0 irabazita, Ismael Koneren lesioak gaua ilundu duen arren.
Suitzak Bosniaren aurkako neurketa azken txanpan desorekatu du (4-1), eta Txekiar Errepublikak eta Hegoafrikak bana egin dute
Bosniak jokoaren kontrola galdu du bigarren zatian, eta Johan Mamzambi, Ruben Vargas eta Granit Xhakaren golek garaipena eman diote Suitzari. Txekiar Errepublikak aurrea hartu du, Michal Sadileken golari esker, baina Hegoafrikak banakoa egin du penaltiz. Teboho Mokoenak ez du barkatu hamaika metroetatik.
Ingalaterrak, Ghanak eta Kolonbiak garaipena lortu dute, Munduko Txapelketako multzo faseko lehen jardunaldiko azken partidetan
L multzoan, Ingalaterrak Kroazia menderatu du, 4-2, eta Ghana, Iñaki Williams aulkian izan dela, Panamari gailendu zaio, 1-0; K multzoan, Kolonbiak Uzbekistan hartu du mendean, 1-3. Ostegunean eta ostiral goizaldean, txapelketako bigarren jardunaldia hasiko da, A eta B multzoetako partidak jokatuko baitituzte.