Brobbeyk eta Gakpok menderatu dute Suedia (5-1)
Ronald Koemanen selekzioak mendean hartu du Suediakoa, Sunderlandeko aurrelariaren bi golekin, Liverpooleko hegalekoaren beste birekin eta Summervilleren beste batekin, eta F multzoko lehen postua eskuratu du, Tunisiaren eta Japoniaren arteko partida jokatu aurretik.
Herbehereetako selekzioak 5-1 menderatu du Suediakoa, eta Munduko Txapelketako F multzoko lehen postua eskuratu du horrela. Brobbeyk eta Gakpok (bakoitzak 2 gol egin ditu) eta Summervillek eman diote garaipena Ronald Koemanen selekzioari. Suediaren gola Elangak sartu du.
Lehen minutuetan, erosoago aritu da Herbehereetako selekzioa, joko oso praktikoa eta eraginkorra eginez, baloia hegaletara eramanez eta areara erdiratuz. Eta horrela iritsi dira lehen bi golak, Brian Brobbeyren eskutik. Lehenengoan, 5. minutuan, Gakpok ezkerretik erdiratu du, eta bigarrenean, 16.ean, Dumfriesek gauza bera egin du eskuinetik.
Hidrataziorako etenaldiari esker, suediarrek euren jokoa berrantolatu ahal izan dute, eta, ondorioz, aukera gehiago eta hobeak izan dituzte lehen zatiko azken txanpan. Hala ere, Gyokeresek eta Ayarik ezin izan dituzte euren aukerak aprobetxatu. Verbruggen atezain herbeheretarrak geldiketa oso onak egin ditu, besteak beste Arsenaleko aurrelariak area ertzetik jaurtitako falta bati erantzun bikaina emanez. 44. minutuan, Lagerbielkek buruz egin du Suediaren gola, geldikako jokaldi batean, baina epaileak jokoz kanpokoa adierazi du.
Bigarren zatian, Suediak beste kolpe bat jaso du, aldegeletatik itzuli baino ez. Izan ere, 47. minutuan, Gakpok sare barrura bidali du Dumfriesek eskuinetik egindako erdiraketa ona. Sententzia 6 minutu geroago etorri da, Gakpok bere bigarrena egin baitu (4-0).
Suediako selekzioa burua altxatzen saiatu da orduan, eta lerroak aurreratu ditu berriro. Ayari urrutitik saiatu da beste behin, baina alferrik. Bigarren zatian zelairatu den suediar batek bai asmatu du ate aurrean, Elangak, 58. minutuan, Verbruggen atezaina gainditu baitu.
Bazirudien Graham Potterren taldeak erreakzionatu egingo zuela, gora egin duelako gol gehiagoren bila. Hala ere, lehen zatian ez bezala, hidrataziorako pausak aurkariari egin dio mesede oraingoan, Herbehereetako selekzioak defentsan berrantolatzeko aukera izan baitu. Gainera, Summervillek 5-1ekoa egin du 88. minutuan.
F multzoko azken jardunaldian, Herbehereetako eta Tunisiako selekzioen arteko partida jokatuko da, eta Suediak Japonia izango du aurkari.
Zure interesekoa izan daiteke
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.
Unai Simon, 2026ko Munduko Txapelketako atezainik onena
Athletic Clubeko jokalariak Urrezko Eskularruaren saria jaso du, txapelketa osoan zehar gol bakarra jaso du eta.
Unai Simon: “Munduko Txapelketa irabazteak ez du parekorik”
Unai Simon Athleticen atezainak nola sentitzen den adierazi du hedabideen aurrean, Munduko Txapelketa eta atezain onenaren Urrezko Eskularrua irabazi ondoren.
Espainia, munduko txapeldun luzapenean Argentina garaituta (1-0)
Luzapenera arte joan den partidan, Ferranek sartu du norgehiagokako gol bakarra, Nico Williamsen asistentzia bikaina baliatuta.
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Messik hirugarren aldiz joka lezake Munduko Txapelketako finala, eta Cafurekin berdinduko luke
Leo Messik, Argentinako selekzioarekin, 2014koa eta 2022koa jokatu zituen, Brasilen eta Qatarren, hurrenez hurren; Cafuk, Brasilekin, 1994koan (Estatu Batuetan), 1998koan (Frantzian) eta 2002koan (Japonian) parte hartu zuen. Oraingoz, Messik behin irabazi du Munduko Txapelketa, 2022an, eta Cafuk, bi aldiz.