Mbapperen eta Barcolaren golek garaipena eman diote Frantziari Senegalen aurka (3-1)
94. minutuan, Ibrahim Mbayek sartu du Senegalen gol bakarra, 2-1ekoa orduan, baina Mbappek hurrengo jokaldian 3-1ekoa egin du, eta norgehiagoka erabakita utzi. Gainera, gol horrekin Frantziako historiako golegilerik onena da.
Jokalari frantziarrak, hiru goletako bat ospatzen. Argazkia: EFE
Kylian Mbapperen bi golek, 66. eta 96. minutuetan, eta Bradley Barcolaren beste batek, 82. minutuan, garaipena eman diote gaur Didier Deschamps entrenatzaile lapurtarrak zuzendutako Frantziari Senegalen aurka, Munduko Txapelketaren I Multzoko lehen jardunaldian, New Yorkeko Metlife estadioan jokatutako neurketan (3-1).
94. minutuan, Ibrahim Mbayek sartu du Senegalen gol bakarra, 2-1ekoa orduan, baina Mbappek berehala erantzun dio hurrengo jokaldian, eta partida erabakita utzi du, hirugarren gola sartuta.
Horrela, Mbappe Frantziako historiako golegilerik onena da; izan ere, 58 gol sartu ditu 99 neurketatan, eta Olivier Giroud gainditu du. Giroudek 57 gol sartu zituen guztira Frantziako selekzioarekin jokatutako 137 partidatan.
Didier Deschamps Baionako hautatzaileak ez du ezer gorde; izan ere, Olise, Dembele eta Doue, hirukotea hasieratik zelairatu du, Mbappe laguntzeko. Baina lau aurrelari frantziarrek ez dituzte senegaldarrak ikaratu lehen zati osoan.
Tirorik ez, harik eta 24. minutuan Nico Jacksonek kontraeraso batean baloia zutoinera bidali duen arte. Bayerneko aurrelari senegaldarrak partidako lehen aukera argia izan du, Dioufek ezkerretik emandako pasea jaso ostean. Jacksonek, Upamecanoren aurrean, jaurtiketa atera du ezker hankarekin, eta zutoinean jo du.
Atsedenaldiaren atarian frantsesek estutu dute, baina jokaldi guzti-guztietan egin dute kale. Sarrek izan du abagune onena, baina Crystal Palaceko jokalariak, Manek ezkerretik emandako pase on bat jaso du, atezainaren aurrean bakarrik zegoela, eta gora bidali du baloia.
Atsedenaldiaren ostean, Frantziak azeleragailua zapaldu du. 57.ean Mbappe agertu da azkenean, eskuinetik egindako jokaldi batean. Manek sarrera egin dio area barruan, baina Faghani epaile australiarrak ez du penaltirik adierazi, eta VARak eskatuta jokaldia berriz aztertu ondoren ez du bere erabakia aldatu.
65. minutuan heldu da Parisko aurrelariaren gola, lehen ukituan, baloia azpitik gurutzatuz, Oliseren pase bikaina jaso ondoren. Barcolak maisuki zuzendutako kontraeraso batean, zelaira sartu berria zenean, bigarrena egin du 82 minutuan.
Ibrahim Mbayek 2-1ekoa sartu du eskuinarekin, luzapenean, eta justizia pixka bat egin du afrikarren neurketa onaren ostean. Baina azken minutuetan Mbappek norgehiagoka erabakita utzi du, areaz kanpoko zartako ikusgarri batekin.
Zure interesekoa izan daiteke
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Messik hirugarren aldiz joka lezake Munduko Txapelketako finala, eta Cafurekin berdinduko luke
Leo Messik, Argentinako selekzioarekin, 2014koa eta 2022koa jokatu zituen, Brasilen eta Qatarren, hurrenez hurren; Cafuk, Brasilekin, 1994koan (Estatu Batuetan), 1998koan (Frantzian) eta 2002koan (Japonian) parte hartu zuen. Oraingoz, Messik behin irabazi du Munduko Txapelketa, 2022an, eta Cafuk, bi aldiz.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Txapeldunak Ingalaterraren kontrako finalerdia irauli du azken 7 minutuetan, eta Espainiaren aurka neurtuko ditu indarrak finalean (1-2)
Anthony Gordonek aurretik jarri ditu ingelesak 55. minutuan, baina Enzo Fernandezek 85.ean eta Lautaro Martinezek 92.ean sartutako golek markagailua irauli dute. Messik argentinarren bi goletako asistentziak eman ditu.
Deschamps, Munduko Txapelketaren historian partida gehien zuzendu dituen entrenatzailea
Baionako hautatzaileak larunbatean utziko dio Frantziako hautatzaile izateari, 27. norgehiagoka zuzenduta, hirugarren posturako partidan.
Mikel Oyarzabal, Munduko Txapelketako finalaz: “Oso pozik nago; txikia zarenean, ez duzu hau bezalakorik imajinatzen”
Realaren aurrelariak, orain arte, bost gol sartu ditu 2026ko Munduko Txapelketan. Espainiak finalera sailkatzea lortu du, eta Ingalaterra edo Argentina izango du aurkari final horretan. Eibartarrak, Frantzia-Espainia finalerdian, partidako aurreneko gola egin du, penaltiz.
Espainiak bere bigarren finala jokatuko du Munduko Txapelketa batean, Frantziari irabazi baitio (0-2)
Mikel Oyarzabalek penaltiz sartutako gol batek, 20. minutuan, eta Pedro Porrok jokaldian sartutako beste batek, 58. minutuan, Luis de la Fuenteren taldea sailkatu dute.
Ingalaterrak eta Argentinak Munduko Txapelketako finalerdiak jokatuko dituzte Norvegia eta Suitza luzapenean gaindituta
Jude Bellinghamek, biko batekin, Ingalaterrak Norvegiaren aurka lortutako markagailua irauli du (1-2), eta Argentinak Suitza borrokalari bati irabazi dio (3-1) Julian Alvarezek eta Lautaro Martinezek egindako golei esker.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.