Suediak bost gol sartu dizkio Tunisiari (5-1), Boli Kostak Ekuador menderatu du (1-0) eta Herbehereek eta Japoniak 2-2 berdindu dute, Munduko Txapelketan
F multzoan, Suedia da lehen liderra, Tunisia jipoituta, eta Herbehereek eta Japoniak puntu bana dute; E multzoan, Boli Kosta bigarren postuan dabil, Alemaniarekin berdinduta, Ekuadorri gailendu eta gero.
Suediak garaipen handia eskuratu du, Tunisiaren aurka, Munduko Txapelketako bere lehen neurketan. Argazkia: Europa Press.
Suediak Tunez menderatu du, 5-1, Boli Kostak Ekuador hartu du mendean, 1-0, eta Herbehereek eta Japoniak berdindu dute, 2-2, Mexikon, Estatu Batuetan eta Kanadan jokatzen ari diren 2026ko Munduko futbol Txapelketako multzo faseo lehenengo jardunaldian, igande gauean eta astelehen goizaldean. Horrenbestez, F multzoan, Suedia da lehen liderra, Tunisia jipoituta, eta Herbehereek eta Japoniak puntu bana dute; E multzoan, ordea, Boli Kosta bigarren postuan dabil, Alemaniarekin berdinduta, Ekuadorri gailendu baitzaio.
Testuinguru horretan, Monterreyn, Suediak garaipen handia eskuratu du Tunisiaren aurka, 5-1 irabazita. Yasin Aiarik jarri du aurretik Suedia, zazpigarren minutuan, eta Isakek, 30.ean, 2-0ekoa egin du; Omar Rekikek, lehen zatian, 2-1ekoa sartu du, eta Tunisia partidan sartu da, baina bigarren zatian Suediaren nagusitasuna nabarmena izan da, eta Gyokeresek (59. minutuan), Mattias Svanbergek (84.ean) eta berriro Yasin Aiarik (luzapenean) hiru gol gehiago lortu dituzte Suediarentzat, markagailuan 5-1ekoa jarrita. Hala, selekzio hori da F multzoko liderra.
Filadelfian, Boli Kostak 2026ko Munduko Txapelketako bere aurreneko hiru puntuak eskuratu ditu, Ekuadorri 1-0 gailenduta. Boli Kostari garaipena eman dion gola Diallok sartu du, 90. minutuan. Ekuadorrek hiru aldiz errematatu du zutoinera, eta Boli Kostak, behin. Partida amaituta, Boli Kosta bigarren dabil E multzoan, Alemaniaren atzetik.
Dallasen, Herbehereen eta Japoniaren arteko neurketa bina amaitu da. Lau golak bigarren zatian izan dira: Van Dijkek aurreratu du Herbehereetako selekzioa, 51. Minutuan; Keito Nakamurak egin du banakoa, sei minuturen buruan; Crysencio Summervillek sartu du 2-1ekoa, 64.ean; eta Kamadak, 89. minutuan, puntu bat eman dio Japoniari, 2-2koa eginda. Take Kubo Realaren jokalariak jokatu du partida horretan; Japonia eta Herbehereak puntu bana dutela dabiltza, Suediaren atzetik eta Tunisiaren aurretik.
Zure interesekoa izan daiteke
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.
Unai Simon, 2026ko Munduko Txapelketako atezainik onena
Athletic Clubeko jokalariak Urrezko Eskularruaren saria jaso du, txapelketa osoan zehar gol bakarra jaso du eta.
Unai Simon: “Munduko Txapelketa irabazteak ez du parekorik”
Unai Simon Athleticen atezainak nola sentitzen den adierazi du hedabideen aurrean, Munduko Txapelketa eta atezain onenaren Urrezko Eskularrua irabazi ondoren.
Espainia, munduko txapeldun luzapenean Argentina garaituta (1-0)
Luzapenera arte joan den partidan, Ferranek sartu du norgehiagokako gol bakarra, Nico Williamsen asistentzia bikaina baliatuta.
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Messik hirugarren aldiz joka lezake Munduko Txapelketako finala, eta Cafurekin berdinduko luke
Leo Messik, Argentinako selekzioarekin, 2014koa eta 2022koa jokatu zituen, Brasilen eta Qatarren, hurrenez hurren; Cafuk, Brasilekin, 1994koan (Estatu Batuetan), 1998koan (Frantzian) eta 2002koan (Japonian) parte hartu zuen. Oraingoz, Messik behin irabazi du Munduko Txapelketa, 2022an, eta Cafuk, bi aldiz.