Errege Kopako finalaren data aldatuko dute, eta ziurrenik apirilaren 18ra edo 19ra aurreratuko da
Apirilaren 25ean jokatzekoa zen finala, baina sasoi horretan azoka ospatzen dute Sevillan. Gainera, asteburu horretan bertan Motoziklismoko Munduko Txapelketako Espainiako Sari Nagusia izango da Jerez de la Fronteran (Cadiz), Andaluziako hiriburutik 90 bat kilometrora.
Errege Kopako final-laurdenetako zozketa, Las Rozasen (Madril). Artxiboko argazkia: Europa Press
Espainiako Futbol Federazioaren (RFEF) presidenteak, Rafael Louzanek, Errege Kopako finalaren data aldatuko dela baieztatu du. Hasiera batean apirilaren 25erako aurreikusita zegoen, baina ziurrenik aurreko asteburuan jokatuko da.
Hiru euskal talde, Athletic, Reala eta Alaves, txapelketako final-laurdenetan daude, eta horietako bat gutxienez finalerdietarako sailkatuko da, txuri-urdin eta babazorroen artean kanporaketa izango da eta.
Louzanek, Nafarroako Unibertsitatean kudeaketari eta lidergoari buruzko saio batean parte hartu baino minutu batzuk lehenago, adierazi du kopako finala aurreratu egingo dela, Sevillan segurtasuna bermatu ahal izateko.
Neurri horren helburua Estatuko segurtasun indarren lan-baldintzak eta zaleen segurtasuna bermatzea dela azaldu du RFEFko buruzagiak.
Azken erabakia xehetasun batzuen menpe dago, batez ere Betisek, Kopako finala hartuko duen futbol-zelaian jokatzen duen taldeak, hiru lehiaketa jokatzen dituelako: Liga, Errege Kopa eta Europa Liga. Horrek zelaia prestatzeko data egokia bilatzera behartzen du. Federazioak nabarmendu du Ligarekin lankidetzan dihardutela, aukerarik egokiena aurkitzeko.
Apirilaren 25eko azokaren aurreko asteburuan jokatuko litzateke, Espainiako Futbol Federazioko iturriek baieztatu dutenez, agintariekin data zehatza ixteko zain.
RFEFen presidenteak iragan abenduan irratian egindako elkarrizketa batean adierazi zuenez, "irtenbiderik onena" bilatzen ari ziren. "Kontuan izan behar da lehen La Cartuja Kopako finalerako erabiltzen zela bakarrik, baina orain Betisek bertan jokatzen dituela ligako eta UEFAko partidak", gogorarazi zuenez.
Espainiako Gobernuaren Ordezkariordetzak eta Sevillako Udalak egun batzuk lehenago ohartarazi zuten zaila zela segurtasuna eta oinarrizko zerbitzuak bermatzea. Asteburu horretan, gainera, Motoziklismoko Munduko Sari Nagusia izango da Jerez de la Fronteran (Cadiz), Andaluziako hiriburutik 90 bat kilometrora. Milaka zale erakartzen dituen kirol ekitaldia da.
Zure interesekoa izan daiteke
Atleticok eta Arsenalek bana berdindu dute, eta penaltiak izan dira neurketako protagonistak
Viktor Gyokeresek sartutako penalti batek aurreratu du Arsenal, baina Julian Alvarezek berdinketa ezarri du, hamaika metroetatik. Epaileak ingelesen aldeko beste penalti bat adierazi du, baina VARak deituta, eta jokaldia berriz aztertu ondoren, atzera bota du erabakia.
PSGk abantaila txikia hartu du bi erraldoiren arteko historiarako lehian (5-4)
Luis Enriqueren taldeak hiru goleko errenta izan du neurketan zehar, baina Bavariako taldeak erreakzionatu egin du, eta kanporaketa zabalik utzi.
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.