Ingalaterrak Herbehereak menderatu ditu (1-2), finalerdietan, eta Espainiaren aurkaria izango da, finalean
Ingalaterra Alemanian jokatzen ari diren 2024ko Eurokopako finalerako sailkatu da, asteazkenean, Dortmunden izandako bigarren finalerdian Herbehereak 1-2 kanporatuta. Xavi Simonsek, zazpigarren minutuan, 1-0ekoa sartu du, eta Herbehereak aurretik jarri ditu, Harry Kanek, penaltiz, 18. minutuan, 1-1ekoa egin du, eta Ollie Watkinsek, 90. minutuan, gol ederra lortuta, garaipena eman dio bere selekzioari.
Horrenbestez, Ingalaterra izango da Espainiaren aurkaria Eurokopa honetako finalean. Titulua irabazteko partida erabakigarria, Espainia-Ingalaterra, igandean jokatuko dute, uztailaren 14an, 21:00etan, Berlinen. Espainiak laugarren aldiz bereganatu nahi du Eurokopa, 1064an, 2008an eta 2012an eskuratu baitzuen, eta Ingalaterrak, egungo txapeldunordea bera, aurrenekoz irabazi ahal du txapelketa.
Herbehereen eta Ingalaterraren arteko norgehiagokan, Gareth Southgatek entrenatzen duen taldeak garaipen ederra erdietsi du. Ingalaterrako selekzioak emaitza irauli behar izan du, Herbehereek sartu dutelako partidako lehenengo gola; Simonsek egin du, areaz kanpotik, jaurtiketa bikain baten ondorioz. Lehen ordu laurdena beteta, Kaneri penaltia egin diote, Ingalaterrako kapitainak berak hartu du jaurtitzeko ardura; Kanek ezin hobeto sartu du penaltia. Hortik aurrera, Ingalaterrak aurkariak baino gehiago kontrolatu du jokoa, eta ondo nagusitu da norgehiagokan; Herbehereek, nolanahi ere, erakutsi du, zenbait jokalditan, arriskua sortzeko gauza zela.
Watkins, area barruan egindako mugimendu oso on baten ostean, Verbruggen Herbehereetako atezainaren sareetara bidali du baloia, 90. minutuan, eta, hala, Ingalaterra igandeko final handirako sailkatu da.
Fitxa teknikoa
1 - Herbehereak: Verbruggen; Dumfries (Zirkzee, 93. min), De Vrij, Van Dijk, Ake; Reijnders, Schouten; Malen (Weghorts, 46. min), Simons (Brobbey, 91. min), Gakpo; Memphis (Veerman, 35. min).
2 - Ingalaterra: Pickford; Walker, Stones, Guehi, Trippier (Shaw, 46. min); Rice, Mainoo (Gallaguer, 91. min); Saka (Konsa, 91. min), Bellingham, Foden (Palmer, 76. min); Kane (Watkins, 76. min).
Golak: 1-0, 7. min: Xavi Simons. 1-1, 15. min: Kane, penaltiz. 1-2, 90. min: Ollie Watkins.
Epailea: Felix Zwayer (Alemania). Herbehereetako Dumfries, Van Dijk eta Xavi Simons, eta Ingalaterrako Bellingham eta Saka zigortu ditu, txartel horia aterata.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).