Errumaniak eta Eslovakiak Ukraina eta Belgika gainditu dituzte, E multzoko lehen jardunaldian
Errumaniak eta Eslovakiak 2024ko Eurokopako euren lehen puntuak lortu dituzte, Ukrainia eta Belgika mendean hartuta.
Belgika galtzaile atera da Eslovakiaren aurka (0-1), bi selekzioek estreinako partidan. VARetik Lukakuk egindako bi gol baliorik gabe utzi dituzte, eta markagailura igo den gol bakarra Doku atezainak egindako huts galantaren ondorioz iritsi da.
Gol hori lehen zatian iritsi da, 7. minutuan, eta Schranzek egin du. Lukakuk hiru aukera oso argi huts egin ditu, eta bigarren zatian erasokorrago aritu da, baina saritik lortu gabe.
Lukaku protagonista izan da ere bigarren zati horretan, VARetik bi gol baliogabe utzi baitizkiote. Horrez gain, Bakayokok ere aukera argia izan du baina gola ez da iritsi. Ondorioz, Eslovakiak hiru puntu oso garrantzitsu lortu ditu final-zortzirenetara sailkatzeko bidean. Halaber, Belgikaren ibilbidea okertu egin da.
Fitxa teknikoa:
0 - Belgika: Casteels; Castagne, Debast, Faes, Carrasco (Lukebakio, 84. min); Mangala (Bakayoko, 58. min), Onana, De Bruyne; Doku (Openda, 84. min), Lukaku eta Trossard (Trossard, 74. min).
1 - Eslovakia: Dubravka; Pekarík, Vavro, Skriniar, Hancko; Kucka, Lobotka, Duda (Obert, 94. min); Schranz (Duris, 81. min), Bozenik (Strelec, 70. min) eta Haraslin (Suslov, 70. min).
Gola: 0-1, 7. min: Schranz.
Epailea: Halil Umut Meler (Turkiarra). Txartel horia atera die Belgikako Mangala (30. min), Tieleemans (76. min) eta Lukebakio (85. min) jokalariei, eta Eslovakiako Schranz (41. min) jokalariari.
Errumania-Ukraina
Errumaniak Ukraina hartu du mendean, 3-0, astelehenean, Munichen, Alemanian jokatzen ari diren 2024ko Eurokopan, E multzoko lehenengo partidan. Stanciuk, Razvan Marinek eta Dragusek, 30., 53. eta 56. minutuetan, Errumaniaren golak sartu dituzte; horrenbestez, selekzio garaileak bikain ekin dio txapelketari.
Errumaniak joko ona egin du, eta, hori gutxi balitz bezala, Andriy Lunin Ukrainako eta Real Madrileko atezaina ez da bat ere fin ibili; Luninek egindako bi akatsek ekarri dituzte Iordanescuren taldearen bi gol. Errumanik 24 urte zeramatzan Eurokopako partida bat irabazi gabe.
Azken asteotan jokatutako lagunarteko norgehiagoketan, Errumaniak ez zituen lortuta emaitza onik, baina Alemanian, ordea, argi utzi du une egokian dagoela. Stanciuk egin du 1-0ekoa, 30. minutuan, Luninek huts eginda; bigarren zatian, zortzigarren eta hamaikagarren minutuetan, Razvan Marinek eta Dragusek markagailua erabat biribildu dute. Emaitza horrek aukera handia ematen dio Errumaniari final zortzirenetan sartzeko.
Fitxa teknikoa
3 - Errumania: Ni¿a; Ra¿iu, Dragu¿in, Burca, Bancu; Marius Marin (Rus, 75. min); Man (Ianis Hagi, 62. min), Razvan Marin, Stanciu (Racovitan, 84. min), Coman (Mihaila, 62. min); Dragus (Puscas, 75. min).
0 - Ukraina: Lunin; Konoplia (Tymchyk, 72. min), Zabarnyi, Matviyenko, Zinchenko; Shaparenko (Yaremchuk, 62. min), Stepanenko (Brazhko, 62. min); Tsygankov (Yarmolenko, 62. min), Sudakov (Malinovsky, 83. min), Mudryk; Dovbyk.
Golak: 1-0, 30. min: Stanciu. 2-0, 53. min: Razvan Marin. 3-0, 56. min: Dragus.
Epailea: Glenn Nyberg (Suedia). Konoplia (Ukraina) eta Razvan Marin (Errumania) zigortu ditu, txartel horia aterata.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).