Hirutik hiru garaipen Manchester Cityrentzat; Newcastlek lehen porrota jaso du
Manchester City egungo txapelduna final zortzirenetako bidean da Txapeldunen Ligan, multzoen fasean orain arte jokatutako hiru partidak irabazita. Asteazken honetan, Young Boys talde suitzarra 1-3 hartu zuen mendean. Gainera, Erling Haaland norvegiarrak bi gol egin zituen, Europako txapelketa nagusian bost neurketa bat ere sartu gabe egon ostean. Garaipen horri esker, Pep Guardiolaren taldeak oso gertu ditu final zortzirenak, bederatzi puntu pilatuta. Leipzig dago bigarren (sei puntu), Belgradeko Izar Gorria 3-1 irabazita. Young Boys eta Izar Gorria bera daude atzetik, puntu bana baino ez dutela.
Newcastleren eta Borussia Dortmunden arteko norgehiagokan, bestetik, alemaniarrak izan ziren nagusi, 0-1; hortaz, final zortzirenetarako sailkatzeko borrokan sartu dira. Lehen garaipena izan da Borussiarentzat, Europan, denboraldi honetan, baina Newcastlek atzerapausoa eman du, F taldeko hirugarren tokira. Horrez gain, Paris Saint-Germainek hiru gol egin zizkion AC Milani (3-0), eta Luis Enriqueren jokalariak dira taldeburuak, sei punturekin.
Asteazkeneko jardunaldiak Bartzelona utzi du H taldeko lehen lekuan; izan ere, Shakhtar Donetski 2-1 irabazi zion. Ukrainiako taldea hirugarren dago, hiru punturekin. Xavi Hernandezen gizonek bederatzi puntu dituzte, lortu zitzaketen guztiak. Multzoko gainerako taldeei dagokienez, Oportok Amberes garaitu zuen, 1-4, eta bigarren daude portugaldarrak, sei puntu pilatuta.
Azkenik, E multzoan, Atletico Madrilek bina egin zuen Celtici egindako bisitan. Feyenord da liderra (sei puntu), Laziori 3-1 irabazi eta gero. Atletico Madril bigarrena da, bost punturekin, Lazioren aurretik (lau puntu). Celtic da azkena, puntu batekin, berdinketa bat eta bi porrot pilatuta.
Zure interesekoa izan daiteke
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Lau hamarkada, azken Atletico Madril - Reala Kopako finaletik
Hitzordu hura 1987ko ekainaren 27an jokatu zuten La Romaredan, eta John Toshacken Reala nagusitu zen penaltietan.
Real-Athletic Errege Kopako finalaurreko itzulerako partidaren laburpena
Realak 1-0 irabazi dio Athletici Errege Kopako finalaurreko itzulerako partidan. Joanekoan gol bateko abantaila hartua zuen talde txuri-urdinak, hortaz, 2-0arekin lortu dute Sevillarako txartela. Hemen norgehiagokaren laburpena.
Reala, finalera Anoetan Athletic kanporatuta, Kopako derbi zirraragarrian (1-0)
Realak Atletico Madrilen aurka neurtuko ditu indarrak apirilaren 18an Sevillako Cartuja futbol-zelaian jokatuko den finalean. Txuri-urdinek 1-0 mendean hartu dute talde zuri-gorria, Oyarzabalek azken minutuetan penaltiz sartutako gol bati esker.
ARGAZKI-GALERIA: Reala-Athletic Kopako finalerdiak utzitako irudirik onenak
Realak eta Athleticek 2025-2026 denboraldiko Errege Kopako finalaurrekoaren itzuliko neurketa jokatu dute. Hemen daude ikusgai Kopako euskal derbiak utzitako irudi ederrenetako zenbait.
Realaren eta Athleticen autobusek zaleen azken animoak jaso dituzte, giro ikusgarrian, Anoetara bidean
Errege Kopako finalerdietako derbia erabakigarria hasteko ordu eta erdi gelditzen zirela, zale txuri-urdinek eta zuri-gorriek babes ikaragarria eman diete jokalariei.
Realaren eta Athleticen zaleak gogotsu eta itxaropentsu daude, gaueko hitzorduaren atarian
Realak eta Athleticek Errege Kopako finalerdietako itzuliko partida jokatuko dute gaur gauean Anoetan. Giro ederra dago bi taldeen zaleen artean.
Realak abantailaz ekingo dio kopako derbiaren bigarren neurketari, eta Athleticek kemenez egingo dio aurre Anoetako norgehiagokari
Ruperez, Odriozola eta Kubo ez daude jokatzeko moduan, baina Oskarsson bueltan izango du Matarazzok. Joanekoarekin alderatuta, Valverdek lau jokalari garrantzitsu sartu ditu deialdian, Vivian, Yuri, Berenguer eta Sancet, eta orduan zigortuta zegoen Paredes ere bai.
Atletico Madril izango da Realaren edo Athleticen aurkaria Sevillako finalean
Bartzelonak joaneko partidako desabantaila murriztu du hiru golekin (3-0), baina luzapena behartzeko laugarrena falta izan zaio.
Reala-Athletic partida, Errege Kopako finalaurrekoetako itzulikoa, zuzenean
Ez galdu asteazken honetan, martxoak 4, Errege Kopako finalerdietako itzuliko partida, Realak eta Athleticek jokatuko dutena, ETB1en, kirolakeitb.eus-en eta ETB ONen. 20:30etik aurrera "Koparen Bila" programa hasiko da. Ondoren, bi taldeen arteko norgehiagoka emango da eta, amaitutakoan, partidu osteko saio berezian partida aztertuko da.