Inter Milan taldeak 2023ko Txapeldunen Ligako finala jokatuko du
Inter Milan taldeak 2023ko Txapeldunen Ligako finala jokatuko du, ekainaren 10ean, Istanbul hiriko Ataturk futbol zelaian. Orotara, Inzaghik zuzendutako taldea 3-0 nagusitu zaio AC Milani: joanekoan 2-0 gailendu ziren, eta itzulikoan, aldiz, 1-0.
Lehen zatian, Interrek ondo eutsi dio joaneko partidan lortutako aldeari. Milan gol bat egiten saiatu da, eta aukera argiak izan ditu, Brahim, Diaz eta Leaoren bitartez.
Interri dagokionez, Inzaghiren gizonek euren partida egin dute, jokoaren ardura aurkariari utzita. Etxeko taldeak ez du defentsan estuasun handirik izan eta kontraerasora arriskua sortzen saiatu da.
Atsedenaldira iritsi aurretik, Mkhitaryan aldatu behar izan du Inzaghik, min hartuta, eta Brozovic zelairatu du haren ordez.
Bigarren zatian, gauzak ez dira aldatu, eta norgehiagokako gol bakarra iritsi da. Lautaro argentinarrak egin du, 74. minutuan, eta finalerdia erabakita utzi du horrela.
Real Madril edo Manchester City
Partida eta kanporaketa erabakita, ezer gutxi gertatu da Giuseppe Meazza futbol zelaian. Interrek Real Madrilen eta Manchester Cityren arteko finalerdiko irabazlea izango du aurkari finalean. Joaneko partidan, 1-1 egin zuten madrildarrek eta ingelesek.
Fitxa teknikoa
1. Inter Milan: Onana; Darmian, Acerbi, Bastoni; Dumfries, Barella, Calhanoglu, Mkhitaryan (Brozovic, 44. min), Dimarco (Gosens, 66. min); Dzeko (Lukaku, 66. min) eta Lautaro (Correa, 84. min).
0. AC Milan: Maignan; Calabria, Thiaw (Kalulu, 64. min), Tomori, Theo; Tonali, Krunic; Messias (Origi, 76. min), Brahim (Saelemaekers, 76. min), Lea eta Giroud.
Gola: 1-0, 74. min: Lautaro.
Epailea: Clement Turpin (FRA). Txartel horia atera die Interreko Barellari eta Milaneko Thiaw eta Tonali jokalariei.
Zure interesekoa izan daiteke
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Lau hamarkada, azken Atletico Madril - Reala Kopako finaletik
Hitzordu hura 1987ko ekainaren 27an jokatu zuten La Romaredan, eta John Toshacken Reala nagusitu zen penaltietan.
Real-Athletic Errege Kopako finalaurreko itzulerako partidaren laburpena
Realak 1-0 irabazi dio Athletici Errege Kopako finalaurreko itzulerako partidan. Joanekoan gol bateko abantaila hartua zuen talde txuri-urdinak, hortaz, 2-0arekin lortu dute Sevillarako txartela. Hemen norgehiagokaren laburpena.
Reala, finalera Anoetan Athletic kanporatuta, Kopako derbi zirraragarrian (1-0)
Realak Atletico Madrilen aurka neurtuko ditu indarrak apirilaren 18an Sevillako Cartuja futbol-zelaian jokatuko den finalean. Txuri-urdinek 1-0 mendean hartu dute talde zuri-gorria, Oyarzabalek azken minutuetan penaltiz sartutako gol bati esker.
ARGAZKI-GALERIA: Reala-Athletic Kopako finalerdiak utzitako irudirik onenak
Realak eta Athleticek 2025-2026 denboraldiko Errege Kopako finalaurrekoaren itzuliko neurketa jokatu dute. Hemen daude ikusgai Kopako euskal derbiak utzitako irudi ederrenetako zenbait.
Realaren eta Athleticen autobusek zaleen azken animoak jaso dituzte, giro ikusgarrian, Anoetara bidean
Errege Kopako finalerdietako derbia erabakigarria hasteko ordu eta erdi gelditzen zirela, zale txuri-urdinek eta zuri-gorriek babes ikaragarria eman diete jokalariei.
Realaren eta Athleticen zaleak gogotsu eta itxaropentsu daude, gaueko hitzorduaren atarian
Realak eta Athleticek Errege Kopako finalerdietako itzuliko partida jokatuko dute gaur gauean Anoetan. Giro ederra dago bi taldeen zaleen artean.
Realak abantailaz ekingo dio kopako derbiaren bigarren neurketari, eta Athleticek kemenez egingo dio aurre Anoetako norgehiagokari
Ruperez, Odriozola eta Kubo ez daude jokatzeko moduan, baina Oskarsson bueltan izango du Matarazzok. Joanekoarekin alderatuta, Valverdek lau jokalari garrantzitsu sartu ditu deialdian, Vivian, Yuri, Berenguer eta Sancet, eta orduan zigortuta zegoen Paredes ere bai.
Atletico Madril izango da Realaren edo Athleticen aurkaria Sevillako finalean
Bartzelonak joaneko partidako desabantaila murriztu du hiru golekin (3-0), baina luzapena behartzeko laugarrena falta izan zaio.
Reala-Athletic partida, Errege Kopako finalaurrekoetako itzulikoa, zuzenean
Ez galdu asteazken honetan, martxoak 4, Errege Kopako finalerdietako itzuliko partida, Realak eta Athleticek jokatuko dutena, ETB1en, kirolakeitb.eus-en eta ETB ONen. 20:30etik aurrera "Koparen Bila" programa hasiko da. Ondoren, bi taldeen arteko norgehiagoka emango da eta, amaitutakoan, partidu osteko saio berezian partida aztertuko da.