Argentina eta Frantzia, Munduko Koparen bila
Argentinak eta Frantziak igandean (abenduak 18) jokatuko dute Qatarko Munduko Txapelketako finala. Frantziarrak, egungo txapeldunak dira, eta Errusian 2018an lortutako koroa berretsi nahi dute. Argentinarrak, ordea, talde europarrek azken 20 urteetan izandako nagusitasunarekin bukatzeko prest daude.
Faborito nagusien zerrendan iritsi ziren bi taldeak Qatarrera, baina oso ezberdinak izan dira haien ibilbideak. Argentinak, Lionel Scaloni entrenatzailearekin bolada bikainean heldu ziren, baina zalantzaz josita hasi zuen bidea. Multzoen fasean Saudi Arabia, Mexiko eta Polonia izan zituen aurkari. Hegoamerikarrek Saudi Arabiarren aurka lehen partida galdu zuten arren (1-2), arin bideratu zuten bidea, Mexiko (2-0) eta Polonia (2-0) mendean hartuta.
Didier Deschampsek zuzentzen duen selekzioak, aldiz, geldiezin hasi zuen lehen fasea. Australia (4-1) eta Danimarka (2-1) garaitu zituen, eta, azken jardunaldian, izarrei atseden eman ostean 0-1 galdu zuen Tunisiaren aurka.
Final-zortzirenetan Argentinak Australia utzi zuen txapelketatik kanpo (2-1). Frantziarrek berdina egin zuten Poloniarekin (3-1). Hurrengo kanporaketan argentinarrak larri ibili ziren Herbehereen aurka: kontrolpean izan zuten partida penaltietara joan zitzaien luzapenaren ostean (2-2), baina 11 metroetatik lortu zuten finalaurrekoetarako sailkapena. Bestalde, Frantziak kanpoan utzi zuen faborito nagusietakoa zen Ingalaterra (2-1).
Finalerdietan iritsi zen Argentinaren partida onena. Messi eta Julian Alvarez aurrelarien gidaritzarekin, Scalonirenek 3 eta 0 garaitu zuten Kroazia, finalerako txartela lortuta. Egungo txapeldunak, bukaera eman zion Maroko txapelketako ezustekoa izan den taldearen ametsari (2-0).
Urrezko Bota ere, jokoan
Txapelduna nor izango den ez da finalean erabakiko den gauza bakarra Dohako Lusail estadioan jokatuko den finalean. Bi selekzioetako izar nagusiak, Messi eta Mbappé, 5 gol sartuta iritsi dira finalera, golegile nagusien zerrendaren gailurrean. Hala ere, Julian Alvarez (Argentina) eta Olivier Giroud (Frantzia) jokalariek launa gol dituzte, eta txapelketako golegile nagusia izateko lehian sartuta daude.
Ustezko hamaikakoak:
Argentina: 'Dibu' Martinez; Montiel, Romero, Otamendi, Lisandro Martinez edo Paredes, Acuña; De Paul, Enzo Fernandez, Mac Allister; Messi, Julian Alvarez.
Frantzia: Lloris; Koundé, Varane o Saliba, Upamecano, Theo Hernandez; Tchouaméni, Rabiot; Griezmann; Dembélé, Giroud, Mbappé.
Epailea: Szymon Marciniak (Polonia).
Estadioa: Lusail, arratsaldeko 16:00tan
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).