Tunisiak eta Danimarkak berdindu egin dute bizitasunez beteriko neurketan (0-0)
Tunisiak eta Danimarkak aukeraz beteriko norgehiagoka eskaini dute D multzoari zegokion lehen jardunaldian, baina hutsean berdinduta amaitu dute, Christian Eriksenen itzulera-festan.
Jael Kadrik zuzentzen duen talde afrikarrak oso sutsu ekin dio lehiari, harmailetan zituen milaka jarraitzaileen babesaren bultzadaz. Baloi bakoitza azkena balitz bezala lehiatu dute lehen minututik eta, ohikoa duen ordenaz eta ausardiaz, ia ustekabekoa eman dio Kasper Hjulmanden taldeari.
Talde nordikoaren aldetik, albisterik onena Christian Eriksenen parte-hartzea izan da. Azken Eurokopan neurketa bat jokatzen ari zela konortea galdu eta ospitalean amaitu baitzuen egun Manchester Uniteden ari den erdilariak. Hala, Eriksen txapelketa handi batera bueltatu da, bere hirugarren Munduko Txapelketa denera, hain justu ere.
Ez da bere partidarik onena izan, ezta bere taldearena ere; haatik, Aymen Dahmen atezainaren esku salbatzailearengatik izan ez balitz, neurketa irabazteko zorian izan dira daniarrak.
Tunisiaren presio erritmoa moteldu egin da denborak aurrera egin ahala, eta Danimarkak hori aprobetxatu du baloi jabetza eskuratu eta arrisku gehiago sortzeko. Hala, gertu izan du gola bai Eriksenen jaurtiketa batean, bai Corneliusek, atetik metro bat baino gutxiagora, baloia zutoinera bidali duenean.
Luzapenean, Danimarkak segundo batzuez amets egin du epaileak bere aldeko penalti bat adieraziko zuela, baina Cesar Arturo Ramos mexikarrak ez du halakorik erabaki VARa begiratu eta gero. Bere aburuz, atzelari tunisiar batek eskuz jotako baloia nahigabekoa izan da.
Fitxa teknikoa:
0 - Danimarka: Kasper Schmeichel, Joachim Andersen, Kjaer (Mathias Jensen, 65. min), Christensen, Kristensen, Delaney (Damsgaard, 46+. min), Hojbjerg, Eriksen, Maehle, Skov Olsen (Lindstrom, 65. min) eta Dolberg (Cornelius, 65. min).
0 - Túnez: Dahmen, Talbi, Meriah, Bronn, Drager (Kechrida, 88. min), Skhiri, Laidouni (Ferjani, 88. min), Abdi, Slimane (Sliti, 67. min), Msakni (Hannibal Mejbri, 80. min) eta Jebali (Khenissi, min. 80).
Epailea: César Arturo Ramos (Mexiko). Txartel horiak: Kristensen eta Jensen (Danimarka) eta Khenissi (Tunisia).
Zure interesekoa izan daiteke
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.