Ingalaterra finalera Suediari 4 eta 0 irabazita
Ingalaterrako emakumezkoen futbol selekzioak 4-0 garaitu du Suedia, eta bere herrialdean jokatzen ari den Eurokopako finalerako txartela lortu du.
Sarina Wiegmanek zuzentzen dituenak, Eurokopa irabazteko Ingalaterrarentzat bere hirugarrena izango den finalera iristea lortu dute. Aurretik, 1984an Suediaren aurka (penaltietan) eta 2009an Alemaniaren aurka (6-2) galdu dute.
Suediak ondo hasi zuen partida. Aukera asko sortu zituen. Hala ere, Stina Blacksteniusek lehen 20 minutuetan izandako bi aukerak zukutu ez, eta garesti ordaindu dute eskandinabiarrek. Ingalaterrak, berriz, izandako lehen aukeran, gola egin du.
Mead izan da ordu erdia pasata, Bronzeren asistentzia aprobetxatuta, Ingalaterraren lehen gola sartu duena. Meadek, ateari bizkarra emanez zela, baloia ukitu batekin orientatu eta, boleaz, markagailua ireki du bere taldearentzat.Une horretan, Suediak amore eman du. Atsedenaldiak ez du ezer onik ekarri Gerhardssonek zuzendutakoentzat, eta berehala jaso dute bigarrena. Oraingoan, paperak trukatu dituzte: Meadek korner bat atera eta Bronzek buruz errematea egin du, baloia sareratuz.
Russok, baloia takoiarekin jota, Ledvig Lindahl atezainaren hanken azpitik, norgehiagoka erabakita utzi du. Kirbyk sartu duen laugarren golarekin, ospakizuna lehertu da Sheffieldeko Brammal Lane estadioan. Hala ere, Ingalaterrarekin historia egitea espero duen eszenatokia Wembley izango da. Bertan jokatuko da finala uztailaren 31n. Alemania edo Frantzia izango da britainiarren aurkaria.
Fitxa teknikoa:
4 - Ingalaterra: Earps; Bronze, Bright, Williamson, Daly (Greenwood, m. 87); Stanway (Scott, m. 87), Walsh; Mead (Kelly, m. 86), Kirby (Toone, m. 79), Hemp, White (Russo, m. 57).
0 - Suedia: Linhald; Ilestedt (Andersson, 1. m. 55), Sembrandt (Bennison, m. 76), Eriksson, Glas; Angeldal (Seger, m. 51), Asllani, Björn; Rolfö, Blackstenius eta Jakobson (Kaneryd, m. 52).
Golak: 1-0, m. 34: Mead; 2-0, m. 48: Bronze; 3-0, m. 68: Russo; 4-0, m. 77: Kirby.
Epailea: Esther Staubli (Suitza). Txartel horia erakutsi die Björni (K. a. 73) Suediaren aldetik, eta Stanwayri (m. 85) Ingalaterraren aldetik.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).