Irene Paredes eta Lucia Garcia, titular Espainiak Alemaniaren aurka galdu zuen neurketan (2-0)
Espainiako selekzioak Alemaniaren aurka galdu zuen (2-0) Ingalaterrako Eurokopako multzoen faseko bigarren jardunaldian. Partida horretan, alemaniarren eraginkortasunak Jorge Vildak zuzentzen duen taldea itzalarazi zuen, eta, hartara, Irene Paredes eta Lucia Garcia eta Amaiur Sarriegiren taldea behartuta dago larunbatean Danimarkaren aurka final-laurdenetarako txartela jokatzera.
Inoiz irabaztea lortu ez duen aurkari baten aurka, Espainiak jokoan agindu zuen eta aukerarik onenak izan zituen. Hala ere, Martina Voss-Tecklenburgen neskek nahikoa izan zuten Bühlen eta Poppen bi agerraldi izatea, lehen zatiko bi iritsiera bakarretan, final-laurdenetara sailkatzeko eta, ostea, Espainiako selekzioa bere etorkizuna B Multzoko azken partidan jokatzera behartzeko.
Alemaniaren lehen gola norgehiagokako 3. minutuan iritsi zen, Sandra Paños atezainak baloiaren irteeran egindako akats baten ondoren. Bühlek baloia moztu eta sareetara bidali zuen, Irene Paredesen ahalegina ezerezean utzita.
Bigarrena korner baten irteerara iritsi zen, lehen zatiko azken txanpan, eta gol horrek erabakita utzi zuen neurketa. Minutu batzuk lehenago, ordea, Lucia Garciak neurketaren nondik norakoa aldatu izan zezakeen jokaldia izan zuen, baina Alemaniako atezainarekin izandako buruz burukoan ez zuen baloia sareetara bidaltzen asmatu.
Bestalde, Amaiur Sarriegik ez zuen minutu bakar bat ere izan berdegunean, eta, beraz, Realeko aurrelariak txapelketan debutatu gabe jarraitzen du.
Fitxa teknikoa:
2 - Alemania: Frohms; Gwinn, Hendrich, Hegering, Rauch (Kleinherne, 62. min); Oberdorf, Dabritz (Dallmann, 72. min), Magull (Lattwein, 46. min); Huth, Popp (Wassmuth, 62. min) eta Bühl (Brand, 87. min).
0 - Espainia: Paños; Batlle, Paredes, León, Ouahabi; Alexandri (Del Castillo, 70. min), Bonmatí, Guijarro; S.García (Cardona, 70. min), L. García (Pina, 62. min) eta Caldentey (Guerrero, 84. min).
Golak: 1-0: Bühl (3. min); 2-0: Popp (37. min).
Epailea: Stéphanie Frappart (FRA). Txartel horiak Rauch eta Oberdorf.
Zure interesekoa izan daiteke
Bartzelonak seigarren Superkopa irabazi du klasiko parekatu batean (2-0)
Brugts eta Putellas protagonistak izan dira Bartzelonak Superkopan duen nagusitasuna berretsi duen partida zirraragarrian.
Alessandro Ruta kirol-adituaren ikuspuntua, Atalanta-Athletic partidari buruz
Alessandro Ruta kirol-aditu italiarrak gaur gaueko partida nola ikusten duen azaldu du elkarrizketa honetan. Atalanta ikusten du faborito, baina sorpresaren bat gerta daitekeela ere azaldu du.
Erregina Kopako finala Gran Canaria Estadioan jokatuko da, maiatzaren 16an
Reala eta Athletic final-laurdenetan daude, alegia, final hori jokatzeko lehian jarraitzen duten taldeen artean.
Errege Kopako final-laurdenetako kanporaketako ordutegiak
Alaves-Reala derbia otsailaren 4an jokatuko dute, 21:00etan, Mendizorrotzan. Athleticek, ostera, otsailaren 4ean egin beharko dio aurre Valentziari, 21:00etatik aurrera.
Alaves-Reala eta Valentzia-Athletic, Errege Kopako final-laurdenetan
Kanporaketak otsailaren 3an, 4an edo 5ean jokatuko dituzte, partida bakarrera. Albacete-Bartzelona eta Betis-Atletico Madril izango dira gainerako bi neurketak. Finalerdietan, gutxienez euskal talde bat izango da.
Senegal, Afrika Kopako txapeldun, Marokoren aurkako final gorabeheratsuan
Partidako azken minutuetan, polemika izan zen nagusi. Batetik, epaileak gol bat baliogabetu zion Senegali; bestetik, luzapenean Marokoren alde izandako penaltiak senegaldarren protestak eragin zituen, eta zelaia utzi zuten.
Honela jaurti zituzten penaltiak Reala-Osasuna Errege Kopako kanporaketan
Realak lortu zuen final-laurdenetara aurrera egitea. Oyarzabalek, Guedesek, Solerrek eta Sergio Gomezek sareetara bidali zuten baloia, eta Unai Marrerok Moncayolaren eta Catenaren jaurtiketak gelditu zituen.
Luis Sabalza eta Jokin Aperribay itxaropentsu Kopako aukera aprobetxatzeko
Luis Sabalza Osasunako presidenteak eta Jokin Aperribay Realeko presidenteak Getarian bazkaldu dute Anoetan jokatuko den Errege Kopako derbiaren aurretik. Espero bezala, bakoitzak bere taldea animatu du, Ligari begira motibatuko dituen garaipena lortzeko itxaropenarekin.
Realak markagailua irauli du Osasunaren aurka, derbian, eta penaltietan sailkatu da Kopako final-laurdenetarako
Nafarroako taldea 0-2 aurreratu da, Moncayolak eta Oyarzabalek bere atean sartutako golen bidez, baina Turrientesek eta Zubeldiak berdindu egin dute, azken minutuetan; luzapenean, Aitor Fernandezek penalti bat gelditu du, eta penalti jaurtiketetan Unai Marrerok bi gelditu ditu.
Lanegunak giroa kendu dio Realaren eta Osasunaren arteko Kopako derbiaren atarikoari
Talde baten zein bestearen jarraitzaileek laneguna dute eta, beraz, gutxi dira eguneko lehen ordutik atarikoaz gozatu ahal izan duten zortedunak. Arratsaldeko azken orduetara arte ez dira Donostiako kaleak futbol giroaz beteko.