Liverpool, finaletik gertu Vila-realen aurka garaipena lortu ostean (2-0)
Liverpoolek garaipena lortu du Vila-realen aurka (2-0) asteazken honetan Anfielden jokatu den Txapeldunen Ligako finalerdietako joaneko partidan. Ingalaterrako taldeak finalerako txartela lortzeko aurrerapausoa eman du.
Hasieratik Liverpool egin da baloiaren jabe, eta 11. minutuan izan du lehen abagunea; Salahek hegaletik egin du erdiraketa, eta Maneren errematea kanpora joan da. Hiru minutu geroago, Rulli Vila-realeko atezainak Luis Diazen jaurtiketa gelditu du. Ekinean jarraitu du Ingalaterrako taldeak, eta Hendersonek hegaletik egin duen jaurtiketak zutoina jo du.
Lehen zatiko azken 15 minutuetan, gola sartzeko hainbat aukera izan ditu Liverpoolek; Rullik Luis Diazen jaurtiketa desbideratu du, Mane eta Salah ez dira baloia ate barruan sartzeko gai izan, eta Thiago Alcantararen jaurtiketa zutoinera joan da.
Bigarren zatiari ere erasokor ekin dio Liverpoolek, eta golaren saria jaso du 53. minutuan. Hendersonek hegaletik egin duen erdiraketak Estupiñanen hankan jo du, eta baloia Rulliren atean sartu da (1-0). Hiru minutu lehenago, epaileak baliogabetu egin du Fabinhoren gola.
Gola sartu ostean, etxeko taldeak bizi eta erasokor jokatzen jarraitu du, eta abantaila handitu du 55. minutuan. Manek 2-0ekoa jarri du markagailuan, Salahen pasea jaso eta jokaldiari amaiera bikaina emanda.
Vila-real ezinean ibili da. Etxeko taldeak gol gehiago sartzeko abaguneak sortu ditu, eta epaileak baliogabetu egin du Robertsonek 63. minutuan sartu duen gola, Liverpooleko jokalaria jokoz kanpo zegoelako errematea egin duenean.
Azken txanpan, kontrolpean izan du norgehiagoka Liverpoolek, Vila-realek ezin izan dio aurkariari min egin, eta lehia etxeko taldearen aldeko 2-0eko emaitzarekin amaitu da.
Fitxa teknikoa:
2 - Liverpool: Alisson; Alexander-Arnold (Gomez, 81. min), Konate, Van Dijk, Robertson; Thiago, Fabinho, Henderson (Kieta, 72. min); Salah, Mane (Jota, 72. min) eta Diaz (Origi, 80. min).
0 - Vila-real: Rulli; Foyth, Albiol, Torres, Estupiñan (Trigueros, 72. min); Capoué, Parejo (Aurier, 72. min), Coquelin (Pedraza, 57. min), Lo Celso; Danjuma (Alcacer, 86. min) eta Chukwueze (Dia, 72. min).
Golak: 1-0, 53. min: Estupiñan, bere atean. 2-0, 55. min: Mane.
Epailea: Szymon Marciniak (POL). Van Dijk (32. min) Liverpooleko jokalariak eta Estupiñan (47. min) eta Lo Celso (62) Vila-realeko futbolariek txartel horia ikusi dute.
Zure interesekoa izan daiteke
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.