Bartzelonak Txapeldunen Ligako finalerdietarako txartela lortu du, Real Madril kanporatuta
Bartzelona Txapeldunen Ligako finalerdietara sailkatu da asteazken honetan (martxoak 30) Real Madril mendean hartuta (5-2) Camp Noun jokatu den final-laurdenetako itzuliko partidan. Joaneko norgehiagoka ere Barçak irabazi zuen (1-3).
Baloiaren jabe izan da Barça hasieratik eta Kataluniako taldeak azkar sartu du lehen gola; zortzigarren minutuan Mapi Leonek area kanpotik egin du jaurtiketa, eta gola sartu du (1-0), Misa atezainaren hutsa baliatuta.
Real Madrilen erantzuna azkar etorri da; 14. minutuan Irene Paredes Bartzelonako euskal jokalariak area barruan eskuarekin moztu du baloia eta epaileak penaltia adierazi du talde bisitariaren alde; Olga Carmonak banakoa jarri du markagailuan (1-1), penaltiz Sandra Paños atezaina gaindituta.
Berdinketaren ostean, etxeko taldeak izan ditu abagune onenak, baina Madrilgo taldea ondo ibili da defentsako lanean, eta berdinduta heldu da norgehiagoka atsedenaldira.
Bikain ekin dio bigarren zatiari Real Madrilek, gola sartu baitu 48. minutuan; Claudia Zornozak egin du 1-2koa, Sandra Paños aurreratuta ikusi eta jaurtiketa loratua sare barrura bidalita.
Pozak ez dio asko iraun talde bisitariari, Real Madrilek gola sartu eta lau minutu beranduago Barçak binakoa jarri baitu markagailuan (2-2), Aitana Bonmatiren bidez. Gainera, Claudia Pinak Bartzelonaren hirugarren gola sartu du (3-2), 55. minutuan.
Barçaren hirugarren golak guztiz erabakita utzi du kanporaketa. Real Madrili min egin, eta etxeko taldeari indarra eman dio. Gauzak horrela, Alexia Putellasek gola sartu du (4-2), 62. minutuan. Aurrea hartu ostean, eroso jokatu du Barçak, eta Caroline Hansenek 5-2koa jarri du markagailuan, 70. minutuan.
Azken txanpan, Barçak gol gehiago sartzeko abaguneak izan ditu, baina neurketa 5-2ko emaitzarekin amaitu da.
PSGk ere finalerdiak jokatuko ditu
Finalerdietarako txartela lortu duen beste taldeetako bat da PSG. Frantziakoek gogotik sufritu dute Bayern Munich kanporatzeko. Joaneko neurketa PSGk irabazi zuen (1-2), eta itzulikoa bina berdinduta (2-2) amaitu da.
Asteazken honetan Parisen jokatu den final-laurdenetako itzuliko norgehiagokan, Baltimorrek gola sartu du (1-0) PSG taldearentzat, 17. minutuan. Bazirudien kanporaketa erabakita zegoela gol horrekin, baina 19. minutuan Kumagaik banakoa jarri du markagailuan (1-1). Bigarren zatian, Bayernek gola sartu du (1-2) Schüllerren bidez, eta luzapena behartu du, kanporaketa berdinduta.
Luzapenean parekotasuna izan da nagusi, baina 112. minutuan Bachmannek binakoa jarri du markagailuan (2-2). Norgehiagoka bina berdinduta amaitu da, eta PSGk egin du aurrera.
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.