Manchester United, Atletico Madril, Ajax eta Benfica, final-laurdenetarako sailkapenaren bila
Gaur Txapeldunen Ligako final-zortzirenetako itzuliko partidak jokatuko dira, 21:00etan. Manchester United, Atletico Madril, Ajax eta Benfica taldeek final-laurdenetarako txartelak izango dituzte jokoan.
Old Trafforden neurtuko dira Manchster United eta Atletico Madril. Joaneko norgehiagoka bana berdinduta (1-1) amaitu zen, eta irabazten duenak egingo du aurrera. Unitedek mendean hartu zuen Tottenham larunbatean, Cristiano Ronaldok hiru gol sartu zituen neurketan. Atleticok garaipena lortu zuen Cadizen aurka ostiralean. Ingalaterrako taldearen zalantza bakarra da Luke Shaw hasieratik jokatzeko prest egongo den ala ez. Madrilgo taldean, zalantzan dago Gimenezen parte-hartzea, baina prest daude Hermoso eta Kondogbia. Bestalde, min hartuta daude Vrsaljko, Lemar, Cunha eta Wass. Carrascok ezingo du jokatu, zigortuta dagoelako.
Amsterdameko Johan Cruyff estadioan Ajax eta Benfica ariko dira nor baino nor. Joaneko partidan bina berdindu (2-2) zuten. Ajaxen ez dira jokatzeko prest egongo min hartuta dauden Gorter, Klaiber, Pasveer eta Stekelenburg, baina Ten Hag entrenatzaileak prest ditu ohiko jokalariak. Benficak ere bajak ditu, Lucas Verissimo, Pinho eta Seferovicmin hartuta baitaude. Portugaldo taldean, prest dago joanekoan gol bat sartu zuen Yaremchuk ukrainarra.
Zure interesekoa izan daiteke
Bayernek eta Atleticok kanporaketa bideratu dute, eta Galatasarayk aurrea hartu du
Talde turkiarrak ezustean harrapatu du Liverpool (1-0) bere kanporaketaren hasieran, alemaniarrek Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Lau hamarkada, azken Atletico Madril - Reala Kopako finaletik
Hitzordu hura 1987ko ekainaren 27an jokatu zuten La Romaredan, eta John Toshacken Reala nagusitu zen penaltietan.
Real-Athletic Errege Kopako finalaurreko itzulerako partidaren laburpena
Realak 1-0 irabazi dio Athletici Errege Kopako finalaurreko itzulerako partidan. Joanekoan gol bateko abantaila hartua zuen talde txuri-urdinak, hortaz, 2-0arekin lortu dute Sevillarako txartela. Hemen norgehiagokaren laburpena.
Reala, finalera Anoetan Athletic kanporatuta, Kopako derbi zirraragarrian (1-0)
Realak Atletico Madrilen aurka neurtuko ditu indarrak apirilaren 18an Sevillako Cartuja futbol-zelaian jokatuko den finalean. Txuri-urdinek 1-0 mendean hartu dute talde zuri-gorria, Oyarzabalek azken minutuetan penaltiz sartutako gol bati esker.
ARGAZKI-GALERIA: Reala-Athletic Kopako finalerdiak utzitako irudirik onenak
Realak eta Athleticek 2025-2026 denboraldiko Errege Kopako finalaurrekoaren itzuliko neurketa jokatu dute. Hemen daude ikusgai Kopako euskal derbiak utzitako irudi ederrenetako zenbait.
Realaren eta Athleticen autobusek zaleen azken animoak jaso dituzte, giro ikusgarrian, Anoetara bidean
Errege Kopako finalerdietako derbia erabakigarria hasteko ordu eta erdi gelditzen zirela, zale txuri-urdinek eta zuri-gorriek babes ikaragarria eman diete jokalariei.
Realaren eta Athleticen zaleak gogotsu eta itxaropentsu daude, gaueko hitzorduaren atarian
Realak eta Athleticek Errege Kopako finalerdietako itzuliko partida jokatuko dute gaur gauean Anoetan. Giro ederra dago bi taldeen zaleen artean.
Realak abantailaz ekingo dio kopako derbiaren bigarren neurketari, eta Athleticek kemenez egingo dio aurre Anoetako norgehiagokari
Ruperez, Odriozola eta Kubo ez daude jokatzeko moduan, baina Oskarsson bueltan izango du Matarazzok. Joanekoarekin alderatuta, Valverdek lau jokalari garrantzitsu sartu ditu deialdian, Vivian, Yuri, Berenguer eta Sancet, eta orduan zigortuta zegoen Paredes ere bai.
Atletico Madril izango da Realaren edo Athleticen aurkaria Sevillako finalean
Bartzelonak joaneko partidako desabantaila murriztu du hiru golekin (3-0), baina luzapena behartzeko laugarrena falta izan zaio.
Reala-Athletic partida, Errege Kopako finalaurrekoetako itzulikoa, zuzenean
Ez galdu asteazken honetan, martxoak 4, Errege Kopako finalerdietako itzuliko partida, Realak eta Athleticek jokatuko dutena, ETB1en, kirolakeitb.eus-en eta ETB ONen. 20:30etik aurrera "Koparen Bila" programa hasiko da. Ondoren, bi taldeen arteko norgehiagoka emango da eta, amaitutakoan, partidu osteko saio berezian partida aztertuko da.