Frantziak, Alemaniak eta Portugalek final-zortzirenetarako txartela lortu dute
Eurokopako F multzoak zirrara izan du azken unera arte, eta Frantzia, Alemania eta Portugal sailkatu dira azkenean final-zortzirenetara; Hungaria txapelketa honetatik at geratu da. Frantziak amaitu du multzoko lehen postuan, Alemania izan da bigarren eta Portugal hirugarren.
Frantziaren eta Portugalen arteko neurketa (2-2) ikusgarria izan da. Lehen zatian, Portugalgo selekzioa izan da nagusi, eta aurrea hartu du markagailuan, Cristiano Ronaldok penaltiz sartu duen golarekin (1-0). Lloris atezainak ukabilkada eman dio Danilori, eta penaltia argia izan da. Bazirudien neurketa portugaldarren aldeko abantailarekin iritsiko zela atsedenaldira, baina orduan Mateu Lahoz norgehiagokako epailea protagonista bihurtu da, penaltia adierazi baitu Frantziaren alde, nahiz eta Mbappek bere burua lurrera bota duen. Benzemak partida berdindu du (1-1) penaltiz, Rui Patricio atezaina gaindituta.
Bigarren zatiaren hasieran, 49. minutuan, Benzema area barruan sartu da, eta Frantziaren bigarren gola egin du jaurtiketa gurutzatu batekin (1-2). Norgehiagoka erritmo bizikoa izan da, Portugalek berdinketa lortzeko abaguneak izan ditu, baita Frantziak ere, baina 60. minutuan Koundek baloia eskuarekin moztu du area barruan, Mateu Lahozek penaltia adierazi du Portugalen alde, eta Cristiano Ronaldok binakoa jarri du markagailuan (2-2), Lloris atezaina berriro gaindituta hamaika metroko puntutik. Azken txanpan, bi taldeek ontzat eman dute berdinketa, eta horrelaxe amaitu da partida.
Bestalde, Alemaniak gogotik sufritu du Hungariaren aurkako neurketan (2-2). Hungariak gola sartu du 11. minutuan Szalairen bidez (0-1), eta Alemaniako selekzioa urduritu egin da. Markagailua kontra zuela iritsi da atsedenaldira. Bigarren zatian, erasora jo dute alemaniarrek, eta markagailua parekatu dute 66. minutuan, Havertzen golarekin (1-1). Hala ere, Hungariak aurrea hartu du berriro, gola jaso eta minutu bat geroago; Schafer izan da golegilea (1-2). Emaitza horrekin, Alemania Eurokopatik kanpo zegoen, baina, 84. minutuan, Goretzkak binakoa jarri du markagailuan (2-2). Gol horrek final-zortzirenetarako txartela eman dio Alemaniari, eta kanpoan utzi du Hungaria.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).