Portugalek ondo ekin dio txapelketari, Hungaria mendean hartuta
Portugalek garaipena lortu du Hungariaren aurka (0-3) astearte honetan Budapesteko Puskas Arenan jokatu duen Eurokopako F multzoko lehen jardunaldiko partidan. Egungo txapeldunak ondo ekin dio EURO 2020 txapelketari.
Baloiaren jabe egin da Portugal hasieratik, eta laugarren minutuan izan du lehen abagunea; Gulacsi atezainak, ordea, Diogo Jotaren jaurtiketa gelditu du. Lau minutu beranduago, Jotak berak kanpora bidali du errematea. Jaun eta jabe izan da Portugal lehen zatian eta Gulacsi atezainak lan eskerga izan du. Neurketako 19. minutuan Hungariako atezainak aurkarien gola eragotzi du Cristiano Ronaldoren errematea desbideratuta. Geroago, selekzio portugaldarrak beste bi abisu eman ditu Bruno Fernandesen eta Cristiano Ronaldoren bidez, baina ezin izan dute hungariarren atea zulatu.
Hungariak lehen zatian izan duen abagune bakarra 36. minutuan iritsi da falta baten bidez, baina Szalairen errematea Rui Patricio atezainak gelditu du. Atsedenaldira iritsi orduko bi abagune argi izan ditu Fernando Santosek zuzentzen duen selekzioak: Diogo Jotaren jaurtiketa Gulacsi atezainak desbideratu du 40. minutuan, eta, bi minutu beranduago Cristiano Ronaldok atepean egin duen errematea kanpora joan da hungariarren ateko langaren gainetik.
Bigarren zatiaren hasieran Portugalek gola sartzeko aukera argia izan du, baina Hungariakop atezainak gola eragotzi du beste behin, Peperen erremateari erantzun bikaina emanda. Hungariaren erantzuna azkar iritsi da, Rui Patriciok gelditu duen Szalairen jaurtiketaren bidez. Hala ere, portugaldarrak jaun eta jeb izan dira bigarren zatian ere, eta abagune argiak sortzea kosta zaion arren, 68. minutuan, Gulacsi Hungariako atezainak beste gelditu on bat egin du, oraingoan Bernardo Silvaren jaurtiketa ona desbideratuta.
Portugal izan da nagusi partida guztian zehar, baina susto galanta eraman du 79. minutuan, Hungariak gola sartu baitu Schonen bidez, baina jokalari hungariarra jokoz kanpo egon da baloia jaso duenean, eta epaileak gola baliogabetu du. Bost minutu beranduago, ordea, Portugalen gola etorri da; Bruno Fernandesek jokaldi ona egin du, pasea eman dio Guerreirori, eta honek gola sartu du (0-1), Gulacsi atezaina gaindituta.
Partidako lehen gola sartu eta hurrengo jokaldian, Fernando Santosek zuzentzen duen selekzioak bigarren gola sartu, eta neurketa erabakita utzi du: Orbanek falta argia egin dio area barruan Rafa Silvari, eta Cristiano Ronaldok 2-0ekoa jarri du markagailuan, penalti jaurtiketa sartuta. Gainera, 92. minutuan, Cristiano Ronaldok garaipena biribildu du Potugalen hirugarren gola sartuta (0-3).
Fitxa teknikoa:
0.- Hungaria: Gulácsi; Botka, Orban, Szalai A.; Lovrencsics, Kleinheisler (Sigér, 78. min), Nagy (Varga, 95. min), Schäfer (Nego, 65. min), Fiola (Varga, 88. min); Szalai A. eta Sallai (Schön, 77. min).
Hautatzailea: Marco Rossi.
3.- Portugal: Rui Patricio; Nelson Semedo, Dias, Pepe, Guerreiro; Danilo, William Carvalho (Sanches, 81. min), Bruno Fernandes (Moutinho, 89. min); Cristiano Ronaldo, Diogo Jota (Andre Silva, 81. min) eta Bernardo Silva (Rafa Silva, 71. min).
Hautatzailea: Fernando Santos.
Golak: 0-1, 84. min: Rapaël Guerreiro; 0-2, 87. min: Cristiano Ronaldo, penaltiz; 0-3, 92. min: Cristiano Ronaldo.
Epailea: Cüneyt Çakir (Turkia). Txartel horiak atera dizkie Orban (86. min) Hungariako jokalariari eta Dias (38. min) Portugalgo futbolariari.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).