Borussia Dortmundek Haalanden bi golei esker garaitu du Sevilla
Borussia Dortmundek 2-3 menderatu du Sevilla (2-3) Txapeldunen Ligako final-zortzirenetako joaneko partidan. Bestalde, Portok mendean hartu du Juventus (2-1).
Sanchez Pizjuanen jokatu da Sevillaren eta Borussia Dortmunden arteko neurketa, eta ikusgarria izan da. Bi taldeak erasokor zelairatu dira, eta norgehiagoka oso bizia izan da. Susok sartu du lehen gola (1-0) Sevillarentzat, zazpigarren minutuan, baina hamabi minutu geroago Dahoudek banakoa (1-1) jarri du markagailuan. Partidako 27. minutuan, Haalandek 1-2koa sartu du, eta atsedenaldira iritsi aurretik, 43. minutuan, berriro Haaland izan da golegilea (1-3).
Bigarren zatia parekatua izan da, eta bi taldeek izan dituzte abaguneak, baina Sevillak bakarrik asmatu du ate aurrean; Luuk De Jongek 2-3koa sartu du, 84. minutuan. Hori izan da, ordea, partidako azken gola. Horrela, Borussia Dortmund nagusitu da Sevillan, eta abantaila hartu du kanporaketan.
Fitxa teknikoa:
Sevilla FC: Bono; Navas, Kounde, Diego Carlos, Escudero; Jordan (Oscar Rodriguez, 72. min), Fernando, Rakitic (Gudelj, 46. min); Suso (De Jong, 60. min), 'Papu' Gomez (Oliver Torres, 60. min) eta En-Nesyri (Munir, 60. min).
Borussia Dortmund: Hitz; Morey, Akanji, Hummels, Guerreiro (Passalack, 77. min); Bellingham, Emre Can, Dahoud (Meunier, 90. min); Sancho, Reus (Brandt, 81. min); eta Haaland.
Golak: 1-0, 7. min, Suso. 1-1, 19. min, Dahoud. 1-2, 27. min, Haaland. 1-3, 43. min, Haaland. 2-3, 84. min, De Jong.
Epailea: Danny Makkelie. Txartel horiak atera dizkie Hummels (73. min) eta Haaland (91. min) Borussia Dortmundeko jokalariei, baita Sevillako Oscar Rodriguez (88. min) jokalariari eta Lopetegui (94. min) entrenatzaileari.
Zure interesekoa izan daiteke
Bayernek eta Atleticok kanporaketa bideratu dute, eta Galatasarayk aurrea hartu du
Talde turkiarrak ezustean harrapatu du Liverpool (1-0) bere kanporaketaren hasieran, alemaniarrek Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Lau hamarkada, azken Atletico Madril - Reala Kopako finaletik
Hitzordu hura 1987ko ekainaren 27an jokatu zuten La Romaredan, eta John Toshacken Reala nagusitu zen penaltietan.
Real-Athletic Errege Kopako finalaurreko itzulerako partidaren laburpena
Realak 1-0 irabazi dio Athletici Errege Kopako finalaurreko itzulerako partidan. Joanekoan gol bateko abantaila hartua zuen talde txuri-urdinak, hortaz, 2-0arekin lortu dute Sevillarako txartela. Hemen norgehiagokaren laburpena.
Reala, finalera Anoetan Athletic kanporatuta, Kopako derbi zirraragarrian (1-0)
Realak Atletico Madrilen aurka neurtuko ditu indarrak apirilaren 18an Sevillako Cartuja futbol-zelaian jokatuko den finalean. Txuri-urdinek 1-0 mendean hartu dute talde zuri-gorria, Oyarzabalek azken minutuetan penaltiz sartutako gol bati esker.
ARGAZKI-GALERIA: Reala-Athletic Kopako finalerdiak utzitako irudirik onenak
Realak eta Athleticek 2025-2026 denboraldiko Errege Kopako finalaurrekoaren itzuliko neurketa jokatu dute. Hemen daude ikusgai Kopako euskal derbiak utzitako irudi ederrenetako zenbait.
Realaren eta Athleticen autobusek zaleen azken animoak jaso dituzte, giro ikusgarrian, Anoetara bidean
Errege Kopako finalerdietako derbia erabakigarria hasteko ordu eta erdi gelditzen zirela, zale txuri-urdinek eta zuri-gorriek babes ikaragarria eman diete jokalariei.
Realaren eta Athleticen zaleak gogotsu eta itxaropentsu daude, gaueko hitzorduaren atarian
Realak eta Athleticek Errege Kopako finalerdietako itzuliko partida jokatuko dute gaur gauean Anoetan. Giro ederra dago bi taldeen zaleen artean.
Realak abantailaz ekingo dio kopako derbiaren bigarren neurketari, eta Athleticek kemenez egingo dio aurre Anoetako norgehiagokari
Ruperez, Odriozola eta Kubo ez daude jokatzeko moduan, baina Oskarsson bueltan izango du Matarazzok. Joanekoarekin alderatuta, Valverdek lau jokalari garrantzitsu sartu ditu deialdian, Vivian, Yuri, Berenguer eta Sancet, eta orduan zigortuta zegoen Paredes ere bai.
Atletico Madril izango da Realaren edo Athleticen aurkaria Sevillako finalean
Bartzelonak joaneko partidako desabantaila murriztu du hiru golekin (3-0), baina luzapena behartzeko laugarrena falta izan zaio.
Reala-Athletic partida, Errege Kopako finalaurrekoetako itzulikoa, zuzenean
Ez galdu asteazken honetan, martxoak 4, Errege Kopako finalerdietako itzuliko partida, Realak eta Athleticek jokatuko dutena, ETB1en, kirolakeitb.eus-en eta ETB ONen. 20:30etik aurrera "Koparen Bila" programa hasiko da. Ondoren, bi taldeen arteko norgehiagoka emango da eta, amaitutakoan, partidu osteko saio berezian partida aztertuko da.