Bartzelona eta Wolfsburgo izango dira aurrez aurre lehen finalerdian
Bartzelonak eta Wolfsburgok Txapeldunen Ligako finalerako sailkapena izango dute datorren asteartean Anoetan jokatuko duten lehian, ostiral honetako final-laurdenetan garaile atera baitira..
Katalanek 0-1 irabazi diote Atletico Madrili. Kheira Hamraoui erdilari frantziarrak sartu du 80. minutuan oso parekatua izan den neurketa desorekatzeko balio izan duen gola.
Bartzelonak, Primera Iberdrola eta Espainiako Superkopako txapeldunak, San Mamesen ateak itxita jokatutako norgehiagokaren azken txanpara arte itxaron behar izan du aurkariaren erresistentzia gainditu eta kanporaketan aurrera egiteko.
Fitxa teknikoa:
0 - Atletico Madril: Hedvig Lindahl; Alia Guagni, Aissa Tounkara, Merel van Dongen, Carmen Menayo (Emelyne Laurent, 72. min); Turid Knaaak (Ana Marcos, 88. min), Amanda Sampedro, Jade Moore, Kylie Strom; Ángela Sosa (Alexandra Chidiac, 88. min) eta Toni Duggan.
1 - Bartzelona: Sandra Paños; Marta Torrejón, Andrea Pereira, Mapi León, Leila Ouahabi; Kheila Hamraoui, Alexia Putellas (Vicky Losada, 91. min); Lieke Martens (Mariona Caldentey, 63. min), Caroline Graham Hansen, Jenni Hermoso eta Asisat Oshoala (Aitana Bonmatí, 82. min).
Gola: 0-1, 80. min: Kheila Hamraoui.
Epailea: Stéphanie Frappart (Frantzia). Txartel horiak: Guagni (Atletico Madril).
Glasgow ez da aurkaria izan Wolfsburgorentzat
Wolfsburgo aise gailendu zaio Glasgowri. Argazkia: EFE
Anoetan jokatu den final-laurdenetako beste partidan, Wolfsburgok erraztasun handiz azpiratu du Glasgow City (1-9) aurreikuspen guztiak betez; izan ere, azken fase honetara sailkatu ziren zortzi taldeen arteko apalena da Eskoziakoa.
Alemaniako taldea 16. minutuan aurreratu da, Pernille Harderren bitartez, eta hortik aurrera ez du eragozpenik aurkitu. Lau minutu geroago, 20. minutuan, Ingrid Syrstad Engenek Wolfsburgoren aldea bikoiztu du.
Atsedenaldia baino lehen bi golegileek errepikatu egin dute arerioaren atean zulatzeko garaian. Hartara, Bundesligako txapeldunak 4-0 joan da irabazten aldageletara.
Etenaldiaren ondoren, gol-zaparradak eten gabe jarraitu du. Pernille Harderrek 5-0ekoa jarri du Svenja Huthen laguntzarekin.
Lauren Wadek markagailua itxuratu du une batez eskoziarrarentzat, baina Wolfsburgok markagailuko aldea handitzen segitu du Felicitas Rauchen eta Pernille Harderren eskutik. Gainera, eskoziarren zoritxarrerako, azken bi golak euren atean sartutakoak izan dira (Leanne Ross eta Jenna Clark). Azkenerako, emaitza ezin adierazgarriagoa izan da (1-9)
Fitxa teknikoa:
1 - Glasgow City: Alexander (Clachers, 84. min); McLaucham (Clark, 83. min), Ross, Van Wyk, Wyne; Love (Howat, 64. min), Kerr, Crichton; Freda, Wojcik (Foley, 78. min), Wade (Colvill, 78. min).
9 - Wolfsburgo: Abt; Wedemeyer, Goessling, Hendrich (Bloodworth, 59. min), Doorsoun-Khajeh (Blässe, 74. min); Engen, Popp (Oberdorf, 80. min), Huth; Mosegaard- Harder, Rolfo (Rauch, 59. min); Pajor (Bremer, 46. min).
Golak: 0-1, 15. min: Pernille Harder. 0-2, 19. min: Engen. 0-3, 45. min: Engen. 0-4, 47. min +: Pernille Harder. 0-5, 56. min: Pernille Harder. 1-5, 63. min: Wade. 1-6, 65. min: Rauch. 1-7, 72. min : Pernille Harder. 1-8, 88. min: Ross (p.p.). 1-9, min. 95: Clark (p.p.).
Epailea: Tess Olofsson (Suedia). Txartel horia: Popp (Wolfsburgo).
Zure interesekoa izan daiteke
Euskal taldeen norgehiagoken ordutegiak Kopako final-hamaseirenetan
Eibarrek eta Realak abenduaren 16an, asteartean, jokatuko dute, Alavesek eta Osasunak 17an, asteazkenean, eta Athleticek 18an, ostegunean.
Espainiak Uruguai, Saudi Arabia eta Cabo Verde izango ditu aurkari 2026ko Munduko Txapelketako H multzoan
H Multzoak Miami, Atlanta eta Houstonen (AEB) eta Guadalajaran (Mexiko) jokatuko ditu bere partidak.
48 selekzio, 4 ontzi eta Trump, 2026ko Munduko Txapelketaren zozketaren ikuskizuna
Lau ontzitan banatutako 48 selekziok ezagutuko dute bihar, abenduak 5, multzo fasean izango dituzten aurkariak, zozketa honetan Donald Trump, AEBko presidentea egonen da gonbidatu berezi moduan.
Iñaki Recio, Portugaleteko jokalaria: ''Pozik goaz, jendeak gozatu egin du eta guk ere bai''
Alavesek 0-3 irabazi du Portugaleteren aurka, eta Errege Kopako final-hamaseirenetara igaro da. Bi taldeetako protagonistekin egon gara lehen erreakzioak ikusteko. (Bideoa gazteleraz)
Egoitz Bilbao, Portugaleteko entrenatzailea: ''Biharko partida jokatzeko ilusioz gainezka eta irrikitan gaude''
"Partida oso zaila izango da, aurrean izango dugun taldea lehen mailakoa delako, baina seguru nago gauzak ondo egiten baldin baditugu neurketan zehar gure aukerak izango ditugula", onartu du Portugaleteko prestatzaileak.
Hauek dira 2026ko Munduko Txapelketako bigarren aukerako kanporaketak
Mexiko, Estatu Batuak eta Kanadan jokatuko den 2026ko Munduko Txapelketan sailkatzeko bigarren aukeraren kanporaketak martxoaren 26 eta 31ren artean jokatuko dira, Europakoak; beste kontinenteetakoak, 23 eta 31ren artean.
Hauek dira jada 2026ko Munduko futbol Txapelketarako sailkatu diren selekzioak
Guztira, 42 selekziok lortu dute 2026ko Munduko Txapelketarako sailkatzea. Oraindik, sei postu esleitu gabe daude.
Sevillako Cartujak Kopako finala hartuko du gutxienez beste hiru denboraldiz, 2026tik 2028ra
Hala erabaki du Sevillako hotel batean bildu den Espainiako Futbol Federazioko zuzendaritza batzordeak. Cartujak Kopako finala hartuko du apirilean, zazpigarren aldiz jarraian. 2017-2018 denboralditik finalaren egoitza da.
Honela jaso dute Portugaleteko jokalariek Errege Kopan Alavesen aurka jokatuko dutela
Portugaletek Alaves izango du aurkari Errege Kopako hurrengo kanporaketan, asteartean egindako zozketak zehaztu duenez. Taldeak zuzenean jarraitu du emanaldia, eta pozik azaldu da, emaitzaren berri izanda.
Eguesibarrek ezin izan du Andorraren aurka (1-5), eta Errege Kopatik kanpo gelditu da
Ibai Gomezek entrenatzen duen eta Hypermotion Ligan dabilen Andorrak bi gol sartu ditu lehen zatian, eta bigarren zatian aldea handitu du. Hasier Iriartek, penaltiz, 70. minutuan, Eguesibarren gola sartu du.