Finala begi bistan duela egingo dio aurre gaur Bartzelonak Liverpooli
Gaur erabakiko da Txapeldunen Ligako lehen finalista zein talde izango den, Liverpoolen eta Bartzelonaren arteko kanporaketako itzuliko partidan.
Mohamed Salah, Roberto Firmino eta Naby Keita lesionatuta dituela egin beharko dio aurre talde ingelesak joanekoan izandako emaitza txarrari (3-0). Talde katalanean, berriz, Ousmane Dembele frantziarraren baja izango dute.
Bartzelonarentzat gol bat sartzea izango da xede nagusia, duela lau urte Bayernen aurkako kanporaketan egin zuen legez. Orduko hartan, alemaniarrak emaitza berarekin atera ziren Camp Noutik (3-0), eta giro oso beroa prestatu zuten itzuliko lehiarako. Bayernek berehala hartu zuen aurre markagailuan, eta Bartzelonak gorriak ikusi zituen Neymarrek gola erdietsi zuen arte.
Liverpool, lesionatuz beteta
Bajak dira Jürgen Kloop entrenatzaile alemaniarraren buruhauste nagusia. Firmino aurrelari brasildarraren hutsuneari, Salahen lesioa gaineratu zitzaion asteburuan. Erasoko jokalari egiptoarrak kolpea jaso zuen buruan Newcastleren aurkako neurketan, eta ohatilan utzi behar izan zuen futbol-zelaia. Hartara, duda-mudan zegoen Bartzelonaren kontra aritu ahalko zen.
Zalantza, baina, astelehenean argitu du Kloopek berak, astearteko norgehiagokaren aurretik emandako prentsaurrekoan. Liverpoolen prestatzaileak jakitera eman duenez, Salah ez da Anfielden izango, kommozioa baitu.
Brasildarraren eta egiptoarraren artean 42 gol erdietsi dituzte aurtengo denboraldian, eta bi golegileen faltan Kloopek Daniel Sturridge (4 gol denboraldian zehar) eta Divock Origi (5 gol) zelairatu beharko ditu.
Alemaniarrak Sturridge jar dezake Origiren ordez aurrelari lanetan aritzeko, edo Xherdan Shaqiri zelairatu dezake zelai erdiko laugarren jokalari gisa.
Balizko hamaikakoak:
Liverpool: Alisson, Alexander-Arnold, Matip, Van Dijk, Robertson, Milner edo Henderson, Wijnaldum, Fabinho, Origi, Mane, Sturridge edo Shaqiri.
Bartzelona: Ter Stegen, Semedo edo Sergi Roberto, Pique, Clement Lenglet, Jordi Alba, Rakitic, Busquets, Vidal, Coutinho, Suarez eta Messi.
Epailea: Cüneyt Çakir (Turkia).
Futbol-zelaia: Anfield.
Ordua: 21:00.
Zure interesekoa izan daiteke
Bartzelonak seigarren Superkopa irabazi du klasiko parekatu batean (2-0)
Brugts eta Putellas protagonistak izan dira Bartzelonak Superkopan duen nagusitasuna berretsi duen partida zirraragarrian.
Alessandro Ruta kirol-adituaren ikuspuntua, Atalanta-Athletic partidari buruz
Alessandro Ruta kirol-aditu italiarrak gaur gaueko partida nola ikusten duen azaldu du elkarrizketa honetan. Atalanta ikusten du faborito, baina sorpresaren bat gerta daitekeela ere azaldu du.
Erregina Kopako finala Gran Canaria Estadioan jokatuko da, maiatzaren 16an
Reala eta Athletic final-laurdenetan daude, alegia, final hori jokatzeko lehian jarraitzen duten taldeen artean.
Errege Kopako final-laurdenetako kanporaketako ordutegiak
Alaves-Reala derbia otsailaren 4an jokatuko dute, 21:00etan, Mendizorrotzan. Athleticek, ostera, otsailaren 4ean egin beharko dio aurre Valentziari, 21:00etatik aurrera.
Alaves-Reala eta Valentzia-Athletic, Errege Kopako final-laurdenetan
Kanporaketak otsailaren 3an, 4an edo 5ean jokatuko dituzte, partida bakarrera. Albacete-Bartzelona eta Betis-Atletico Madril izango dira gainerako bi neurketak. Finalerdietan, gutxienez euskal talde bat izango da.
Senegal, Afrika Kopako txapeldun, Marokoren aurkako final gorabeheratsuan
Partidako azken minutuetan, polemika izan zen nagusi. Batetik, epaileak gol bat baliogabetu zion Senegali; bestetik, luzapenean Marokoren alde izandako penaltiak senegaldarren protestak eragin zituen, eta zelaia utzi zuten.
Honela jaurti zituzten penaltiak Reala-Osasuna Errege Kopako kanporaketan
Realak lortu zuen final-laurdenetara aurrera egitea. Oyarzabalek, Guedesek, Solerrek eta Sergio Gomezek sareetara bidali zuten baloia, eta Unai Marrerok Moncayolaren eta Catenaren jaurtiketak gelditu zituen.
Luis Sabalza eta Jokin Aperribay itxaropentsu Kopako aukera aprobetxatzeko
Luis Sabalza Osasunako presidenteak eta Jokin Aperribay Realeko presidenteak Getarian bazkaldu dute Anoetan jokatuko den Errege Kopako derbiaren aurretik. Espero bezala, bakoitzak bere taldea animatu du, Ligari begira motibatuko dituen garaipena lortzeko itxaropenarekin.
Realak markagailua irauli du Osasunaren aurka, derbian, eta penaltietan sailkatu da Kopako final-laurdenetarako
Nafarroako taldea 0-2 aurreratu da, Moncayolak eta Oyarzabalek bere atean sartutako golen bidez, baina Turrientesek eta Zubeldiak berdindu egin dute, azken minutuetan; luzapenean, Aitor Fernandezek penalti bat gelditu du, eta penalti jaurtiketetan Unai Marrerok bi gelditu ditu.
Lanegunak giroa kendu dio Realaren eta Osasunaren arteko Kopako derbiaren atarikoari
Talde baten zein bestearen jarraitzaileek laneguna dute eta, beraz, gutxi dira eguneko lehen ordutik atarikoaz gozatu ahal izan duten zortedunak. Arratsaldeko azken orduetara arte ez dira Donostiako kaleak futbol giroaz beteko.