Ronaldoren golek Atletico kanporatu dute (3-0); Cityk txikitu egin du Schalke (7-0)
Cristiano Ronaldok sartutako hiru golek (horietako azkena penaltiz, partida amaitzeko bost minuturen faltan) Juventus Txapeldunen Ligako final-laurdenetan egon dadila ahalbidetu dute, Atletico Madril atzean utzita (3-0). Italiarrak jaun eta jabe izan dira neurketa guztian zehar; madrildarrek, ordea, noraezean jardun dute.
Aurrelari portugaldarraren lehendabiziko bi golak buruz sartutakoak izan dira. Lehena, 27. minutuan, Federico Bernardeschiren erdiraketa ezin hobea baliatuta. Bigarrena, berriz, bigarren zatiari ekin eta berehala etorri da (48. minutua), Joao Cancelo herrikideak eskuin hegaletik bidali dion baloiari etekin bikaina atera eta gero. Gol horretan, Jan Oblak Atleticoren atezainak eginahalak egin ditu baloia aldentzeko, baina bere geratua ate barruan izan da, eta hala adierazi du epaileak.
Cristianoren hirugarren gola kanporaketa luzapenera joan behar zela zirudienean iritsi da. Penaltiz lortu du, amaierarako bost minuturen faltan, Correak Bernardeschiri area barruan egin dion falta baten ondorioz.
Horrenbestez, Simeoneren taldeak agur esan dio Europako futbol txapelketa nagusiari, joan zen astean Real Madrilek egin zuen bezala. Juventus, ordea, final-laurdenetan izango da, Manchester City, Ajax, Oporto, Manchester United eta Tottenhamekin batera.
Fitxa teknikoa:
3 - Juventus: Szczesny, Cancelo, Bonucci, Chiellini, Spinazzola (Dybala, 67. min), Pjanic, Matuidi, Emre Can, Bernardeschi, Cristiano Ronaldo eta Mandzukic (Kean, 80. min).
0 - Atletico Madril: Oblak, Arias (Vitolo, 76. min), Gimenez, Godin, Juanfran, Rodrigo, Saul, Koke, Lemar (Correa, 56. min), Griezmann eta Morata.
Golak: 1-0, 26. min: Cristiano Ronaldo. 2-0, 48. min: Cristiano Ronaldo. 3-0, 86. min: Cristiano Ronaldo, penaltiz.
Epailea: Björn Kuipers (Herbehereak). Txartel horiak: Bernardeschi (Juventus); Juanfran, Gimenez eta Vitolo (Atletico).
Cityk txikitu egin du Shalke
Kun Aguero penaltiz sartutako gola ospatzen. Argazkia: EFE
Astearte honetako beste neurketan, Manchester Cityk ez dio inolako aukerarik eman Schalke 04 talde alemaniarrari, goitik behera nagusitu eta gol zaparrada sartu baitio (7-0). Horietako lehendabiziko biak Kun Aguerok erdietsi ditu, eta Sane alemaniarrak egin du hirugarrena, atsedenaldira heldu baino arinago.
Bigarren zatian, etxekoen gol jarioak ez du etenik izan, eta, hala, lau aldiz gehiagotan zulatu dute Fährmannen atea.
Horrenbestez, Guardiolaren taldea final-laurdenetan izango da bigarren urtez jarraian.
Fitxa teknikoa:
7 - Manchester City: Ederson, Walker, Laporte (Delph, 72. min), Danilo, Zinchenko, B. Silva, Gündogan, D. Silva (Foden, min. 64. min), Sterling, Aguero (Gabriel Jesus, 64. min) eta Sane.
0 - Schalke 04: Fährmann, Oczipka, Sane, Stambouli, Bruma, Serdar, Bentaleb, Konoplyanka, Burgstaller (Teuchert, 79. min), Embolo (Skrzybski, 69. min) eta McKennie (Mendyl, 74. min).
Golak: 1-0, min. 35: Aguero. 2-0, 38. min: Aguero. 3-0, 43. min: Sane. 4-0, 56. min: Sterling. 5-0, 71. min: Bernardo Silva. 6-0, 78. min: Foden. 7-0, 84. min: Gabriel Jesus.
Epailea: Clement Turpin (Frantzia). Txartel horiak: Danilo eta Zinchenko (Manchester City); Bruma (Schalke).
Zure interesekoa izan daiteke
Bartzelonak seigarren Superkopa irabazi du klasiko parekatu batean (2-0)
Brugts eta Putellas protagonistak izan dira Bartzelonak Superkopan duen nagusitasuna berretsi duen partida zirraragarrian.
Alessandro Ruta kirol-adituaren ikuspuntua, Atalanta-Athletic partidari buruz
Alessandro Ruta kirol-aditu italiarrak gaur gaueko partida nola ikusten duen azaldu du elkarrizketa honetan. Atalanta ikusten du faborito, baina sorpresaren bat gerta daitekeela ere azaldu du.
Erregina Kopako finala Gran Canaria Estadioan jokatuko da, maiatzaren 16an
Reala eta Athletic final-laurdenetan daude, alegia, final hori jokatzeko lehian jarraitzen duten taldeen artean.
Errege Kopako final-laurdenetako kanporaketako ordutegiak
Alaves-Reala derbia otsailaren 4an jokatuko dute, 21:00etan, Mendizorrotzan. Athleticek, ostera, otsailaren 4ean egin beharko dio aurre Valentziari, 21:00etatik aurrera.
Alaves-Reala eta Valentzia-Athletic, Errege Kopako final-laurdenetan
Kanporaketak otsailaren 3an, 4an edo 5ean jokatuko dituzte, partida bakarrera. Albacete-Bartzelona eta Betis-Atletico Madril izango dira gainerako bi neurketak. Finalerdietan, gutxienez euskal talde bat izango da.
Senegal, Afrika Kopako txapeldun, Marokoren aurkako final gorabeheratsuan
Partidako azken minutuetan, polemika izan zen nagusi. Batetik, epaileak gol bat baliogabetu zion Senegali; bestetik, luzapenean Marokoren alde izandako penaltiak senegaldarren protestak eragin zituen, eta zelaia utzi zuten.
Honela jaurti zituzten penaltiak Reala-Osasuna Errege Kopako kanporaketan
Realak lortu zuen final-laurdenetara aurrera egitea. Oyarzabalek, Guedesek, Solerrek eta Sergio Gomezek sareetara bidali zuten baloia, eta Unai Marrerok Moncayolaren eta Catenaren jaurtiketak gelditu zituen.
Luis Sabalza eta Jokin Aperribay itxaropentsu Kopako aukera aprobetxatzeko
Luis Sabalza Osasunako presidenteak eta Jokin Aperribay Realeko presidenteak Getarian bazkaldu dute Anoetan jokatuko den Errege Kopako derbiaren aurretik. Espero bezala, bakoitzak bere taldea animatu du, Ligari begira motibatuko dituen garaipena lortzeko itxaropenarekin.
Realak markagailua irauli du Osasunaren aurka, derbian, eta penaltietan sailkatu da Kopako final-laurdenetarako
Nafarroako taldea 0-2 aurreratu da, Moncayolak eta Oyarzabalek bere atean sartutako golen bidez, baina Turrientesek eta Zubeldiak berdindu egin dute, azken minutuetan; luzapenean, Aitor Fernandezek penalti bat gelditu du, eta penalti jaurtiketetan Unai Marrerok bi gelditu ditu.
Lanegunak giroa kendu dio Realaren eta Osasunaren arteko Kopako derbiaren atarikoari
Talde baten zein bestearen jarraitzaileek laneguna dute eta, beraz, gutxi dira eguneko lehen ordutik atarikoaz gozatu ahal izan duten zortedunak. Arratsaldeko azken orduetara arte ez dira Donostiako kaleak futbol giroaz beteko.