Uruguaik Jordania jipoitu eta Mundialerako txartela oso gertu du
Uruguaik 0-5 irabazi dio Jordaniari 2014ko Brasileko Munduko Txapelketara sailkatzeko azken kanporaketako joaneko partida. Garaipen honekin, Uruguaik oso gertu du Mundialera sailkatzea.
Jordaniak ilusioarekin ekin dio partidari, baina 22. minutuan Maxi Pereirak sartu duen golak (0-1) ilusio guztiak zapuztu ditu. Atsedenaldira iritsi orduko, 42. minutuan, Stuanik egin du 0-2koa. Bigarren zatian festa biribildu du Uruguaik Nicolas Lodeiroren (69. min), Cebolla Rodriguezen (78. min) eta Cavaniren (91. min) golekin.
Itzulerako partida, azaroaren 20an jokatuko da Montevideoko 'Centenario' zelaian.
Fitxa teknikoa:
0 - Jordania: Mohammad Shatnawi; Sharif Nassar, Tareq Khattab, Saeed Al Murjan, Odai Al Saify (Musab Allahham, 53. min); Adnan Hasan, Ahmad Ibrahim, Oday Zahran (Thaer Bawab, 53. min), Khalil Bani Ateyah (Rakan Bani Khaled, 65. min); Hatem Aquel eta Ala Al Bashir.
5 - Uruguai: Martin Silva, Maximiliano Pereira, Diego Lugano, Diego Godin, Martin Caceres; Egidio Arevalo Rios, Nicolas Lodeiro (Alvaro Pereira, 69. min), Christian Stuani (Gaston Ramirez, 69. min), Cristian Rodriguez; Luis Suarez (Diego Forlan, 80. min) eta Edinson Cavani.
Golak: 0-1: 22. min, Maximiliano Pereira. 0-2: 44. min, Stuani. 0-3: 74. min, Lodeiro. 0-4: 77. min, Cristian Rodriguez. 0-5: 90. min, Cavani.
Epailea: Svein Oddvar Moen (NOR).
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Suediak bost gol sartu dizkio Tunisiari (5-1), Boli Kostak Ekuador menderatu du (1-0) eta Herbehereek eta Japoniak 2-2 berdindu dute, Munduko Txapelketan
F multzoan, Suedia da lehen liderra, Tunisia jipoituta, eta Herbehereek eta Japoniak puntu bana dute; E multzoan, Boli Kosta bigarren postuan dabil, Alemaniarekin berdinduta, Ekuadorri gailendu eta gero.
Alemaniaren gol festa Mundialean debuta egin duen Curaçaoren aurka (7-1)
Alemaniak gol sorta ederra sartu dio Munduko Kopan bere historiako lehen gola sartu duen Curaçaori.
Suitzak eta Qatarrek 1-1 berdindu dute, Brasilek eta Marokok gauza bera egin dute (1-1), Eskoziak 0-1 garaitu du Haiti, eta Australiak 2-0 Turkia
Ostegunean hasi zen 2026ko Munduko Futbol Txapelketako hasierako faseak partida parekatuak eta ezustekoak izan ditu orain arte. Qatarrek puntu bat lortu du Suitzaren aurka luzapenean (1-1), Brasilek eta Marokok berdinketa lortu dute (1-1), Eskoziak garaipen estua lortu du Haitiren aurka (0-1) eta Australiak ezustekoa eman du Turkia 2-0 garaituta.
AEBk 4-1 garaitu du Paraguai, eta Kanadak eta Bosnia-Herzegovinak 1-1 berdindu dute
Etxeko selekzioek hasiera ezberdina izan dute 2026ko Munduko Kopan. AEBk 4-1 garaitu du Paraguai Los Angelesen, SoFi Stadiumean, lehen zatian erakustaldia emanda. Kanadak, bere aldetik, ezin izan du garaipena lortu bere zaleen aurrean, baina puntu bat eskuratu du Bosnia-Herzegovinaren aurka (1-1).
Hego Koreak markagailua irauli du Txekiaren aurka, lehen hiru puntuak eskuratzeko (2-1)
Asiako taldeak erreakzionatu egin du lehen gola jaso ostean, eta 2-1 irabazi dio Txekiari Guadalajaran. Hwang Inbeomek eta Oh Hyeong Gyuk Hego Koreako jokalariek markagailua irauli dute Ladislav Krejciren hasierako golaren ostean.
Mexikok Hegoafrika garaitu du txapelketako lehen neurketan
Mexikarrek 2-0 irabazi diete afrikarrei estreinakoan, Julian Quiñonesen eta Raul Jimenezen golei esker, hasiera-hasieratik amaierara arte nagusi izan diren norgehiagokan.
AEBk betoa jarritako epaile somaliarrak zuzenduko du Europako Superkopa
Omar Abdulkadir Artanek zuzenduko du PSG eta Aston Villaren arteko lehia, Munduko Futbol Txapelketan parte hartzea ukatua izan osetan
Adi Munduko Txapelketan ibiliko diren euskal jokalari hauei
Espainiarekin Unai Simon, Martin Zubimendi, Mikel Merino, Mikel Oyarzabal eta Nico Williams arituko dira, eta Ghanarekin, Iñaki Williams.
Azteca futbol-zelaiak hartuko du estreinakoa, eta Argentinak berriro loria nahi du, baina txapeldungaien zerrenda luzea da
Cristiano Ronaldoren Portugal, Espainia Europako txapelduna, Kylian Mbapperen Frantzia, munduko txapeldunorde Brasil, Alemania eta Ingalaterra daude Leo Messiren Argentinari garaikurra kentzeko hautagai nagusien artean.