Amorebietak Mirandesen aurka galdu egin du (1-0), eta 1. RFEFera jaitsi da
Amorebieta 1. RFEFera jaitsi da, igandean, Mirandesen aurka Anduvan 1-0 galduta, 2023-24 denboraldiko Hypermotion Ligako berrogeita bigarren eta azken jardunaldian. Emaitza hori zenbatuta, Jandroren taldeak hemeretzigarren postuan amaitu du txapelketa, alegia, jaitsierako aurreneko postuan, eta Amorebietak ezin izan du biribildu Ligako azken hilabeteetan egin duen iraultze bikaina.
Gose handiagoarekin zelairatu dira etxekoak, golaren bila; eta Amorebieta, aldiz, defentsa lanetan gehiago sartuta, kontraerasoen bidez bilatu nahi zituen bere aukerak. Alabaina, Mirandes eta sendo aritu da atzean, eta ez du ezustekorik izan.
Minutuak aurrera egin ahala norgehiagoka apur bat zakartu da, bi taldeek ikusten baitzuten markagailua ez zela mugitzen. Jandroren mutilak partidari beste martxa bat sartu diote, eta gehiago presionatzen hasi dira, eta atsedenaldira sentsazio hobeagoekin heldu dira.
Atsedenalditik bueltan, Mirandesek arriskua sortu du berriro, Gabriren hegaletik (etxekoen jokalaririk arriskutsuena) eta korner jaurtiketen bidez. Dena den, Amorebietak ez zuen zirrikitu handirik uzten atzealdean, eta zeregin horretan Gaya nabarmendu da tarte horretan, etxekoen gola birritan eragotzi baitu.
Lehia parekatuagoa zegoenean, Mirandesen erasoko gizonak agertu dira. Carlos Martinek baloi bat borrokatu du Siborekin. Gabri aurkitu du area barruan, eta hark ez du zalantzarik izan bere taldea aurretik jartzeko.
Amorebietan ez du amorerik eman, eta Bigarren Mailan jarraitzeko bere aukerei eusten saiatu da azken unera arte.
Epaileak 6 minutuko luzapena eman du, baina Mirandesekoek jokoa kontrolatu dute, eta Amorebieta mailaz jaitsi da, Anduvara bertaratu diren zale urdinen tristurarako.
Fitxa teknikoa:
1 - Mirandés: Ramón Juan, Alcedo, Tachi (Verdasca, 60. min), Tomeo, Jonathan Gómez, Reina (David Vicente, 85. min), Lachuer, Ilyas Chaira, Carlos Martín (Álvaro Sanz, 85. min), Gabri (Dani Luna, 72. min) eta Javi Martón (La Gumina, 85. min).
0 - Amorebieta: Magunagoitia, Bustinza (Yriarte, 79. min), Jorge Mier (Jauregui, 56. min), Gayá, Lasure (Rayco, 79. min), Álvaro Nuñez, Sibo, Erik Moran (Loca, 71. min), Morci, Dorrio y Unzueta (Edwards, 71. min).
Golak: 1-0: 62. min: Gabri Árbitro: Orellana Cid (Andaluziako batzordea). Txartel horiak: Chaira (21. min), Alcedo (39. min) eta Gabri (min 72) Mirandesen partetik; Lasure (67. min) eta Gaya (91. min) Amorebietaren partetik.
Zure interesekoa izan daiteke
Deportivok lehen mailara igotzea lortu du, zortzi urteren ostean
Zaragozak, Huescak eta Cultural Leonesak, ostera, Lehen RFEF mailan jokatuko dute datorren denboraldian.
Racing Lehen Mailara itzuliko da 14 urteren ondoren
Valladolid menderatu eta Almeriak bere partida galdu ostean, igoera matematikoki ziurtatu du Kantabriako taldeak.
Ukabilkada bat eta istilu itzela, Aragoiko derbian
Andrada, Zaragozako atezaina, kaleratu egin dute Pulido Huescako kapitainari bultza egiteagatik. Txartel gorria atera bezain laster, kontrola galdu du eta aurpegian ukabilkada eman dio Pulidori.
Imanol Idiakez, Cadizen entrenatzaile berria, denboraldiaren amaierara arte
Entrenatzaile gipuzkoarrak talde andaluziarrak Hypermotion Ligan jarrai dezan ailegatu da; Cadizek hiru puntura ditu jaitsiera postuak.
Eibarrek Sanse menderatu du Anoetan, Hypermotion Ligako derbian (0-1)
Anaitz Arbillak, laugarren minutuan, Beñat San Joseren taldeari garaipena eman dion gola sartu du. Bigarren zatian, Dani Diazek penalti bat kanpora jaurti du, eta Sansek ezin izan du berdinketa lortu.
Huescak kargutik kendu du Jon Perez ‘‘Bolo’’ bizkaitarra
Zuzendaritzak erabakia hartu du taldeak azkeneko hilabeteetan izandako bolada txarrari buelta emateko beharrezko pauso moduan, Huesca jaitsierako postuetan baita.
Hypermotion Ligako Sanse-Eibar derbia apirilaren 2an jokatuko dute, Anoetan
Astean zehar jokatuko da Hypermotion Ligako 33. jardunaldia. Derbia 20:00etan hasiko da.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
Igor Oca basauriarra Leganeseko entrenatzailea izango da denboraldia amaitu arte
Hasiera batean bitarteko gisa iritsi zen lehen taldeko aulkira, abenduaren hasieran kargutik kendu zuten Paco Lopezen ordez. 44 urteko entrenatzailea joan den udan heldu zen talde madrildarrera, Sestao River taldetik, bigarren taldea zuzentzeko.