Amorebietak 0-3 galdu du Valladoliden aurka, eta agur esan dio bolada onari
Amorebietak 0-3 galdu du Valladoliden aurka Lezaman jokatutako Hypermotion Ligako 36. jardunaldiko partida. Zornotzako taldeak hamar neurketa jarraian zeramatzan galdu gabe. Horrela, bada, Amorebietak 37 punturekin jarraituko du sailkapenean, eta puntu bakarrera zuen salbaziotik urruntzeko arriskua du aurkari zuzenek jardunaldi honetako norgehiagokak jokatu behar baitituzte.
Lehen zatia parekatua izan da, joan-etorri askokoa. Bizkaiko taldeak abagune paregabea izan du 20. minutuan, baina Edwardsek ez du errematean asmatu, Dorrioren pasea jaso ostean. Bost minutu geroago, Valladoliden erantzuna heldu da; Mororen erdiraketa pozoitu egin da, eta Magunagoitia atezainak saihestu du gola.
Bazirudien partida golik gabeko berdinketarekin helduko zela atsedenaldira, eta hala izan da, baina aldageletara joan aurretik Amorebieta jokalari bat gutxiagorekin geratu da, epaileak txartel gorria atera baitio Felix Garretari, hark Anuarri egindako falta batengatik. Epaileak VAR sistema kontsultatu ostean hartu du erabakia.
Bigarren zatian, baloiaren jabe egin da Valladolid, eta gola sartzeko aukerak sorten hasi da. Gaztela eta Leongo taldearen nagusitasunak saria jaso du 49. minutuan; Valladolidek kornerra atera, eta Escuderok Magunagoitiaren atean sartu du baloia (0-1), erremate ona eginda.
Aurkariaren gola hartuta jasotako kolpea gainditzeko denborarik gabe, kanpoko taldeak 0-2koa jarri du markagailuan; oraingoan ere, Escudero izan da golegilea, area barrutik jaurtiketa eginda.
Azken txanpan, erasora jo du Amorebietak, baina Jandroren taldea ez da gai izan gol aukera argiak sortzeko. Gainera, Valladolidek etxeko taldeak utzitako zuloak baliatu ditu, eta Marcos Andrek 84. minutuan egindako golak guztiz erabakita utzi du partida (0-3). Aurrelari brasildarrak area barruan oin puntarekin errematatuta egin du gola.
Amaieran, Amorebieta galtzaile, 0-3ko emaitzarekin.
Fitxa teknikoa:
0 - Amorebieta: Magunagoitia; Alvaro Nuñez, Bustinza, Etxeita, Felix Garreta, Lasure (Morcillo, 57. min); Moran (Yriarte, 57. min), Sibo (Alex Carbonell, 73. min); Dorrio, Edwards (Gaya, 46.min); eta Jauregi (Unzueta, 68. min).
3 - Valladolid: Masip; Luis Perez, Cesar Tarrega, Boyomo, Escudero (Luca Rosa, 64. min); Lucas Oliveira, Meseguer (Juric, 86. min), Monchu; Anuar (Ivan Sanchez, 46. min), Raul Moro (Amath Ndiaye, 64. min); eta Negredo (Marcos Andre, 67. min).
Golak: 0-1, 49. min: Escudero. 0-2, 51. min: Escudero. 0-3, 84. min. Marcos Andre.
Epailea: Manuel Jesus Orellana Ruiz. Txartel gorria atera dio Felix Garreta Amorebietako jokalariari, azken defentsa izanda Anuarri falta egiteagatik. Horrez gain, txartel horia atera die Lasure (45. min), Bustinza (50. min) eta Etxeita (80. min) Amorebietako jokalariei, baita Valladolideko Anuar (41. min) eta Juric (90. min) futbolariei ere.
Zure interesekoa izan daiteke
Deportivok lehen mailara igotzea lortu du, zortzi urteren ostean
Zaragozak, Huescak eta Cultural Leonesak, ostera, Lehen RFEF mailan jokatuko dute datorren denboraldian.
Racing Lehen Mailara itzuliko da 14 urteren ondoren
Valladolid menderatu eta Almeriak bere partida galdu ostean, igoera matematikoki ziurtatu du Kantabriako taldeak.
Ukabilkada bat eta istilu itzela, Aragoiko derbian
Andrada, Zaragozako atezaina, kaleratu egin dute Pulido Huescako kapitainari bultza egiteagatik. Txartel gorria atera bezain laster, kontrola galdu du eta aurpegian ukabilkada eman dio Pulidori.
Imanol Idiakez, Cadizen entrenatzaile berria, denboraldiaren amaierara arte
Entrenatzaile gipuzkoarrak talde andaluziarrak Hypermotion Ligan jarrai dezan ailegatu da; Cadizek hiru puntura ditu jaitsiera postuak.
Eibarrek Sanse menderatu du Anoetan, Hypermotion Ligako derbian (0-1)
Anaitz Arbillak, laugarren minutuan, Beñat San Joseren taldeari garaipena eman dion gola sartu du. Bigarren zatian, Dani Diazek penalti bat kanpora jaurti du, eta Sansek ezin izan du berdinketa lortu.
Huescak kargutik kendu du Jon Perez ‘‘Bolo’’ bizkaitarra
Zuzendaritzak erabakia hartu du taldeak azkeneko hilabeteetan izandako bolada txarrari buelta emateko beharrezko pauso moduan, Huesca jaitsierako postuetan baita.
Hypermotion Ligako Sanse-Eibar derbia apirilaren 2an jokatuko dute, Anoetan
Astean zehar jokatuko da Hypermotion Ligako 33. jardunaldia. Derbia 20:00etan hasiko da.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
Igor Oca basauriarra Leganeseko entrenatzailea izango da denboraldia amaitu arte
Hasiera batean bitarteko gisa iritsi zen lehen taldeko aulkira, abenduaren hasieran kargutik kendu zuten Paco Lopezen ordez. 44 urteko entrenatzailea joan den udan heldu zen talde madrildarrera, Sestao River taldetik, bigarren taldea zuzentzeko.