Mikel Artetak Arsenalekin berritu du, 2030era arte
Londreseko taldeko euskal entrenatzailea 2019ko abendutik dabil Arsenal zuzentzen: “Pribilegioa da nire etorkizuna klubarekin lotzea, eta Arsenalentzat onena nahi duten hainbat pertsona apartarekin lanean jarraitzea. Klub hau bakarra da, duen izaeragatik eta kontuan izanik zer sentiarazten dizun”, adierazi du.
Mikel Arteta, Arsenalek duela gutxi jokatutako partida batean. Argazkia: Europa Press.
Mikel Arteta euskal entrenatzaileak Arsenalekin berritu du, 2030era arte, Ingalaterrako klubak asteazkenean iragarri duenez. Artetak hiru urtez luzatu du orain arte Arsenalekin zuen kontratua: “Pribilegioa da nire etorkizuna klubarekin lotzea, eta Arsenalentzat onena nahi duten hainbat pertsona apartarekin lanean jarraitzea. Klub hau bakarra da, duen izaeragatik eta kontuan izanik zer sentiarazten dizun”, adierazi du Artetak; 2019ko abenduan egin zuen debuta Londreseko taldeko entrenatzaile bezala.
Arsenalek gogora ekarri duenez, Artetak 361 partida ofizialetan zuzendu du Londreseko taldea, eta horietako % 62,05ean garaipena lortu du, “klubean izan ditugun lehen gainerako entrenatzaile guztiek lortutakoa baino ehuneko hobea”.
“Pribilegio handia da elkarrekin egiten ari garen bideari jarraipena ematea”, esan du Artetak”; futbolari bezala ere nabarmendu zen Arsenalen donostiarra.
Zure interesekoa izan daiteke
?fmt=webp-alpha&qlt=80)
Errege Kopako lehen kanporaketako ordutegiak
Toni Martinez: “Hainbatetan utzi dugu atea hutsean denboraldi honetan eta beste behin utzi nahi dugu Atleticoren aurka”
Iñigo Arguibide, Osasunarekin kontratua berritu ondoren: “Lan asko egin dut hau lortzeko, eta espero dut urte gehiago bertan geratzea”
Messik azken partida jokatu du Argentinako selekzioarekin: 21 urte eta 126 gol
Carlos Soler: “Oyarzabal funtsezko jokalaria da, gure taldeko izarra, kapitaina, gidaria"
500 zaleren aurrean entrenatu du Athleticek Lezaman
Jacek Ziober Osasunako jokalari ohia hil da, 60 urte zituela
Jon Martin, Golden Boy saria irabazteko 20 finalisten artean
