Ander Herrera bilbotarrak ez du Boca Juniorsen jarraituko
36 urteko erdilaria 2025eko urtarrilean iritsi zen Argentinako klubera, eta merkatu hartan oihartzun handieneko fitxaketetako bat izan zen, baina lesioen eta Buenos Airesko taldearen errendimendu txarraren ondorioz —azken txapelketa 2023an irabazi zuen— Herrerak ez du arrakastarik izan.
Ander Herrera, Bocarekin jokatu duen partidetako batean. Irudia: Boca Juniors
Ander Herrera erdilari bilbotarrak Boca Juniorsekin zuen kontratua eten berri du, Buenos Airesko klubaren iturriek jakitera eman dutenez. Zehaztu dutenez, "bi aldeak" ados jarrita kontratua etetea erabaki dute.
36 urteko futbolaria 2025eko urtarrilean iritsi zen Argentinara, eta merkatu hartako oihartzun handiko fitxaketetako bat izan zen, baina lesioen eta taldearen errendimendu txarraren ondorioz —azken txapeleketa 2023an irabazi zuen— Herrerak ez du arrakastarik izan.
Denboraldi baterako kontratuarekin heldu ondoren, bizkaitarrak beste urtebeterako berritzea erabaki zuen 2025ean, baina soldata murriztuta.
Xeneizeen elastikoa jantzi duen urte eta erdian, erdilariak 29 partida baino ez ditu jokatu, lesio ugarien ondorioz, eta hainbat hilabetez zelaietatik kanpo egon behar izan du, taldean finkatzeko beharrezkoa den erregulartasunarik gabe.
Athleticen, Manchester Uniteden eta Paris Saint-Germainen jokalari ohia Bocara joan zen, garaikur bat altxatzeko asmoz, batez ere, Libertadores Kopa begiz jota. Hala ere, gorabehera handiak izan dituen talde batekin egin du topo, eta ez du txapelketa bat irabazteko behar zen maila eman.
Herrerak elastiko urre-urdinarekin apirilaren 14an egin zuen bere gol bakarra, Ekuadorko Bartzelonaren aurka erdietsitako garaipenean (3-0), azken minutuak jokatzeko zelairatu ondoren.
Bere azken neurketa maiatzaren 28an jokatu zuen, Bocak Txileko Universidad Catolica taldearen kontra 0-1 galdu zuenean. Emaitza horrekin talde argentinarra Libertadorestik at geratu zen, eta Claudio Ubeda entrenatzailea kargutik kendu zuten.
Zure interesekoa izan daiteke
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Alavesek penaltietan irabazi dio Eibarri Laguardia Trofeoan
Alavesek penaltietan irabazi du Laguardia Trofeoa, Eibarrekin bana berdindu ostean. 40. minutuan Bautistak area kanpotik egindako jaurtiketa batek 1-1ekoa jarri du markagailuan. 65. minutuan Aleñak zulora egindako paseak Mariano bakarrik utzi du, eta jaurtiketa gurutzatu batekin 1-1ekoa sartu du. Penaltietan, Siverak bi gelditu ditu garaipena lortzeko.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Daouda Doumbia erdilariak NK Istra kroaziarrean jokatuko du
NK Istra Alavesen jabetzakoa da % 85ean.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Alavesek Somea Polozen atezaina fitxatu du
Danimarkako FC Nordsjælland taldetik ailegatu da Gasteizera Bosnia-Herzegovinako atezaina.
Juliette Vidal hegaleko frantziarrak Alavesen jokatuko du
Atzelari frantziarrak AS Saint-etienne, FC Basel, RSC Anderlecht eta Bayer Leverkusen taldeetan jokatu du.