Osasunak eta Alavesek Erreginaren Kopako hurrengo faserako sailkapena lortu dute
Alavesek eta Osasunak Erreginaren Kopako hurrengo kanporaketarako txartela lortu dute gaur arratsalde-gauean, Bizkerre eta Huesca mendean hartuta, hurrenez hurren. Arabarrek 0-5 irabazi diete bizkaitarrei Faduran (Getxo), eta gorritxoek gauza bera egin dute Aragoin (0-3).
Arabarren kasuan, azkar aurreratu dira markagailuan, 12. minutuan, Raquelen bitartez. Atsedenaldira iritsi aurretik Raquelek bere lana biribildu du hat-tricka lortuz, 18. eta 45. minutuetan bi gol gehiago sartuta.
Atsedenaldiaren ostean, talde gasteiztarrak lanean jarraitu du, eta beste bi gol sartu ditu. Paula Leonek (65. minutua) eta Elenek (89) egin dituzte golak.
Bestalde, talde nafarrak jokatutako norgehiagokan, gorritxoek ez dute markagailuan aurrea hartzea lortu 27. minutura arte, Marinak Huescako atea lehen aldiz zulatzea lortu duenean.
Osasunak bere abantaila handitzeko erasoan jarraitu du, eta hori atsedenaldiaren atarian lortu du, Churrucak sartutako gol batekin (44. minutua).
Atsedenaldiaren ostean, gorritxoek erritmo lehiakorrari eutsi diote, eta hirugarren gol batekin itxi dute norgehiagoka, Palaciosek 68. minutuan sartutakoa.
Zure interesekoa izan daiteke
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrildarrek eta norvegiarrek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari Parisen. Bayer Leverkusenek eta Arsenalek, aldiz, bana berdindu dute.
Iranek baztertu egin du Munduko Txapelketan parte hartzea, AEB eta Israelen eraso militarra dela eta
Iranek Belgika, Egipto eta Zeelanda Berriaren aurka jokatu behar zituen multzoen faseko hiru partidak Ameriketako Estatu Batuetan, horietako bi Los Angelesen eta beste bat Seattlen. Azaroan, Trumpek bermatu zuen jokalari eta teknikari irandarrek bisak izango zituztela AEBn sartzeko, baina ez haien zaleek.
Errege Kopako finalaren sarrerak izendunak izanen direla zehaztu du Realak
Horrela, sarreran agertzen diren izena, abizenak eta NANa apirilaren 18an Cartuja estadiora sartzen den pertsonarenak izan beharko dira.
Matarazzo, Kopako finalaz: "Aukera paregabea da"
Realeko entrenatzaileak, asteazkenean, talde txuri-urdinaren informazioaz arduratzen diren kazetariekin gosaldu du; topaketan, Errege Kopako finala izan dute hizpide, batez ere.
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Realak 25.680 sarrera izango ditu Errege Kopako finalean
Horietako % 85 Realaren bazkideek jasoko dituzte. Realaren “fanzone” izenekoa, Sevillan, Carlos III.a etorbidean izango da, Cartujako geralekuaren ondoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.