Unai Simon, Remiro, Vivian, Oyarzabal eta Nico Williams, De la Fuenteren deialdian
Unai Simon, Dani Vivian eta Nico Williams (Athletic) eta Alex Remiro eta Mikel Oyarzabal (Reala) deitu ditu Luis de la Fuente hautatzaileak 2026ko Munduko Txapelketarako sailkapen faseko lehen bi partidetarako, Bulgariaren eta Turkiaren aurka, biak bisitari gisa.
Halaber, Robin Le Normand, Martin Zubimendi eta Mikel Merino Realeko futbolari ohiak ere ageri dira 26 jokalariko zerrendan.
Gainerakoan, Dani Carvajal eta Rodri Hernandez, Espainiako selekzioko kapitainetako bi, belauneko lesio larrien ondoren itzuli dira, eta hautatzaileak Ferran Torres ere aukeratu du berriro. Berritasun nagusia, berriz, Jesus Rodriguez da.
Min hartuta dauden Isco Alarcon, Alex Baena eta Samu Omorodion, eta Oscar Mingueza, erabaki teknikoagatik, berriz, deialditik kanpo geratu dira.
Espainiako selekzioak 2026ko Munduko Txapelketarako bideari ekingo dio irailaren 4an, osteguna, Sofian, Bulgariaren aurka; eta irailaren 7an, igandea, Turkiaren aurka neurtuko ditu indarrak Konyan. Bi partidak 20:45etik aurrera izango dira.
2026ko Munduko Txapelketara sailkatzeko lehen bi partidetarako Espainiako zerrenda honako hauek osatzen dute:
-ATEZAINAK: Unai Simon (Athletic), David Raya (Arsenal/ING), Alex Remiro (Reala).
-ATZELARIAK: Dani Carvajal (Real Madril), Pedro Porro (Tottenham/ING), Robin Le Normand (Atletico Madril), Pau Cubarsi (Bartzelona), Dani Vivian (Athletic), Dean Huijsen (Real Madril), Marc Cucurella (Chelsea/ING), Alejandro Grimaldo (Bayer Leverkusen/ALE).
-ERDILARIAK: Rodri (Manchester City/ING), Martin Zubimendi (Arsenal/ING), Mikel Merino (Arsenal/ING), Gavi (Bartzelona), Pedri (Bartzelona), Fermin Lopez (Bartzelona), Fabian Ruiz (PSG/FRA).
-AURRELARIAK: Yeremy Pino (Crystal Palace/ING), Lamine Yamal (Bartzelona), Nico Williams (Athletic), Dani Olmo (Bartzelona), Mikel Oyarzabal (Reala), Alvaro Morata (Como/ITA), Ferran Torres (Bartelona), Jesus Rodriguez (Como/ITA).
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Suitzak eta Qatarrek 1-1 berdindu dute, Brasilek eta Marokok gauza bera egin dute (1-1), Eskoziak 0-1 garaitu du Haiti, eta Australiak 2-0 Turkia
Ostegunean hasi zen 2026ko Munduko Futbol Txapelketako hasierako faseak partida parekatuak eta ezustekoak izan ditu orain arte. Qatarrek puntu bat lortu du Suitzaren aurka luzapenean (1-1), Brasilek eta Marokok berdinketa lortu dute (1-1), Eskoziak garaipen estua lortu du Haitiren aurka (0-1) eta Australiak ezustekoa eman du Turkia 2-0 garaituta.
Euskal selekzioaren aldeko kontzentrazioak egin dituzte hainbat herritan
Euskal selekzioaren ofizialtasunaren alde lanean ari den 7BAIETZ! plataformak kontzentrazioak deitu ditu Euskal Herriko hainbat udalerritan, Munduko Futbol Txapelketan euskal selekzioa ez dagoela presente gogoratu eta salatzeko.
Ander Cantero: “Osasunak Ramisekin denboraldi polita egingo du”
Burgoseko atezainak, Osasunako harrobian ibilitakoak, entrenatzaile berria talde gorritxora iritsi izana baloratu du, azken bi denboraldietan Plantion bere aginduetara jokatu ondoren.
AEBk 4-1 garaitu du Paraguai, eta Kanadak eta Bosnia-Herzegovinak 1-1 berdindu dute
Etxeko selekzioek hasiera ezberdina izan dute 2026ko Munduko Kopan. AEBk 4-1 garaitu du Paraguai Los Angelesen, SoFi Stadiumean, lehen zatian erakustaldia emanda. Kanadak, bere aldetik, ezin izan du garaipena lortu bere zaleen aurrean, baina puntu bat eskuratu du Bosnia-Herzegovinaren aurka (1-1).
Roberto Perez izango da Osasunako emakumezkoen taldeko entrenatzailea
Mirandako entrenatzaileak bere gain hartu du datorren denboraldirako lehen taldearen zuzendaritza, aurretik Alavesen egon ondoren.
Realak Ainoa Campo fitxatu du, 2029ra arte
Espanyoletik ailegatu da 29 urteko erdilaria talde txuri-urdinera, eta kapitaina zen bertan. “Oso eskertuta nago proiektu anbiziotsu honetan parte hartzeko Realak nigan jarri duen konfiantzagatik”, adierazi du Campok.
Realak, Athleticek, Alavesek eta Osasunak 2026ko denboraldiaurrean jokatuko dituzten partida guztiak
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Hego Koreak markagailua irauli du Txekiaren aurka, lehen hiru puntuak eskuratzeko (2-1)
Asiako taldeak erreakzionatu egin du lehen gola jaso ostean, eta 2-1 irabazi dio Txekiari Guadalajaran. Hwang Inbeomek eta Oh Hyeong Gyuk Hego Koreako jokalariek markagailua irauli dute Ladislav Krejciren hasierako golaren ostean.
Mexikok Hegoafrika garaitu du txapelketako lehen neurketan
Mexikarrek 2-0 irabazi diete afrikarrei estreinakoan, Julian Quiñonesen eta Raul Jimenezen golei esker, hasiera-hasieratik amaierara arte nagusi izan diren norgehiagokan.