Al Hilalek Manchester City kanporatu du (4-3); Fluminensek, Inter Milan (0-2)
Simone Inzaghi italiarraren Al Hilalek ezustekoa eman zuen astelehen honetan, Guardiolaren Manchester City luzapenean 4-3 garaitu ostean, Orlandoko Camping World Stadiumen jokatutako partidan. Hala, final-laurdenetan lehiatuko da Arabiako taldea, Fluminenseren kontra.
Marcos Leonardo (2), Malcom eta Kalidou Koulibaly izan ziren arabiarrei final-laurdenetarako txartela eman zien golen egileak. Cityk, berriz, agur esan dio txapelketari, nahiz eta faborito nagusien artean egon, orain arte erakutsitako jokoagatik eta pilatutako puntuengatik. Al Hilalen kontrako norgehiagoka bizia izan zen, baina Inzaghiren taldeak ahalegin handia egin zuen, garaipen historikoa eskuratzeko. Ingelesak Juventus 5-2 menderatzetik zetorren, multzoen fase bikaina osatuta: bederatzi puntu eta 13 gol zituzten pilatuta. Hala eta guztiz ere, Silvaren, Haalanden eta Fodenen golak ez ziren nahikoa izan.
Era berean, Fluminensek ere gutxik espero zuten garaipena erdietsi zuen Charlotten, Inter Milanen aurrean, 0-2, Txapeldunen Ligako finalistetako baten aurka, hain zuzen. Horrenbestez, Kluben Munduko Txapelketako final-laurdenetako bigarren talde brasildarra izango da, Palmeirasekin batera.
Neurketa hasi eta hiru minutura, talde brasildarra aurretik jarri zen markagailuan, German Canok buruz sartutako golari esker. Nahiz eta 80. minutuan Di Marco berdinketa lortzeko zorian egon, emaitza horrekin jokatu zuten ia amaierara arte; izan ere, luzapen minutuetan (93), Herculesek italiarren desoreka bat aprobetxatu zuen, ezkerkada gurutzatu batekin bigarren gola egiteko eta hurrengo faserako txartela poltsikoratzeko: 0-2.
Zure interesekoa izan daiteke
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.